‘रॉक ऑन’फेम अभिनेत्याला कोरोना, पत्नी-मुलांनाही लागण

लंडन : बॉलिवूडमधील अनेक चित्रपटांमध्ये भूमिका साकारणारा प्रसिद्ध अभिनेता पूरब कोहली याला ‘कोरोना’ची लागण झाली आहे. पूरबने आपल्या संपूर्ण कुटुंबाला ‘कोरोना’ झाल्याची माहिती सोशल मीडियावर दिली आहे. सुदैवाने कोहली कुटुंबातील सर्व जण ‘कोरोना’मुक्त होत आहेत. (Actor Purab Kohli corona)

रॉक ऑन, माय ब्रदर निखिल, वो लम्हे, एअरलिफ्ट यासारख्या गाजलेल्या सिनेमांमध्ये पूरब कोहलीने काम केलं आहे. पूरबने याआधी व्हीजे म्हणूनही काम केलं आहे. नुकताच तो काही वेब सीरीजमध्येही झळकला होता.

पूरबची पत्नी ल्युसी, मुलगी इनाया आणि मुलगा ओशन अशा चौघा जणांचे अहवाल ‘कोरोना’ पॉझिटिव्ह आले होते. पूरब कोहली कुटुंबासोबत सध्या लंडनमध्ये आहे. गेल्या दोन आठवड्यांपासून आम्ही घरातच विलगीकरणात होतो, असं पूरबने आपल्या इंस्टाग्रामवर पोस्ट करुन सांगितलं.

पूरब कोहलीची इंस्टाग्राम पोस्ट काय?

आम्हाला नुकताच फ्लू झाला होता. मात्र आमच्या लक्षणांनुसार डॉक्टरांनी ‘कोविड 19′ असल्याचं निदान केलं. सामान्य फ्लूसारखीच लक्षणं दिसतात, फक्त कफ अधिक असतो आणि श्वास घेताना त्रास होतो. मुलगी इनायाला थोडासा खोकला आणि सर्दी होती. दोन दिवसांनंतर पत्नी ल्युसीलाही छातीत दुखू लागलं. तिच्यानंतर मलाही मोठ्या प्रमाणात सर्दी झाली. एका दिवसात सर्दी बरी झाली, मात्र यानंतर मला प्रचंड खोकला जाणवू लागला. आम्हा तिघांच्या शरीराचं तापमान 100 ते 101 इतकं होतं. पण इनायाला तीन दिवस 104 पर्यंत ताप होता. तिचं नाक सर्दीने सतत वाहत होतं आणि खोकलाही होता. पाचव्या दिवशी तिचा ताप उतरला.’ असं पूरबने लिहिलं आहे.

आता आम्हाला ‘कोरोना’ व्हायरसची लागण नाही. गेल्या गुरुवारी आमचा क्वारंटाइन कालावधी संपला, असं सांगतानाच पूरबने घरगुती उपायही सुचवले आहेत. ‘दिवसातून चार ते पाच वेळा आम्ही गरम पाण्याच्या गुळण्या करायचो. आलं, हळद आणि मध खाल्ल्यामुळेही फार आराम पडला. याशिवाय कोमट पाण्याची बाटली आम्ही छातीवर ठेवायचो. यामुळे थोडं बरं वाटायचं. गरम पाण्याने आंघोळ केल्याचाही आम्हाला फायदा झाला. दोन आठवड्यानंतरही शरीर रिकव्हर होत असल्याचं आम्हाला जाणवतं. देव न करो, पण तुम्हाला लागण झालीच, तर डॉक्टरांचा सल्ला घ्या. प्रत्येक केस वेगळी असते. आपण कृपया घरी रहा आणि शरीराला आराम द्या.’ असं आवाहन पूरबने केलं आहे. (Actor Purab Kohli corona)

View this post on Instagram

Hey guys, we’ve just had a flu and given our symptoms our GP says we were down with Covid 19. Pretty similar to a regular flu with a stronger cough and a feeling of breathlessness. Inaya got it first and very mild. A cough and a cold for two days. Then Lucy got it more in the chest, quite similar to the cough symptom everyone has been talking about. Then me, i got a solid cold for one day which was horrid then it vanished and this irritating cough set in for 3 days. Three of us had only mild 100-101 temperatures and fatigue. Osian got it last with a 104 fever for 3 nights. Also a runny nose and a slight cough. His fever disappeared only on his 5th day. We were constantly in touch with the GP on the phone. Apparently everyone in London is getting it and its rampant here, and a few people we know have gotten it. Just wanted to share it with you if it helps reduce the panic a little to know someone who has had it and is fine. On Wednesday last week we were out of self imposed quarantine and are not contagious any longer. We were doing 4 to 5 steams and salt water gargles a day, ginger haldi honey mixtures to sooth the throat really helped. Also warm water bottles on the chest really helped relax the chest. Hot baths helped the fluie feelings. And of course lots and lots of rest even now after two weeks we can feel our bodies still recovering. Please stay safe. I hope none of you get it but if you do, know that your body is strong enough to fight it. Seek proper advice from your doctors as intensity of each case is different as was in my household alone. And please stay home and rest the body as much as possible. Lots of love. #CoronaVirus #Covid19 #Recovery #DontPanic #Breathe #Calm

A post shared by Purab H Kohli (@purab_kohli) on Apr 7, 2020 at 3:15am PDT

हॉलिवूड अभिनेता टॉम हॅन्क्स आणि त्याची पत्नी- अभिनेत्री आणि गायिका रिटा विल्सन, ब्रिटीश अभिनेता इदरीस एल्बा, कॅनडाचे पंतप्रधान जस्टीन ट्रूडो यांची पत्नी सोफी ग्रेगोअर ट्रूडो हे आतापर्यंत कोरोना संसर्ग झालेले काही नामांकित व्यक्ती आहेत. भारतीय खाद्यसंस्कृती आंतरराष्ट्रीय पातळीवर नेणारे भारतीय शेफ फ्लॉयड कार्डोज यांचा मृत्यू झाला. (Actor Purab Kohli corona)