प्रसिद्ध अभिनेता श्रेयस तळपदे याला ह्रदयविकाराचा तीव्र झटका, नेमकं काय झालं? कशी आहे प्रकृती?
Shreyas Talpade heart attack : प्रसिद्ध अभिनेता श्रेयस तळपदे याला ह्रदयविकाराचा तीव्र झटका आला आहे. चित्रपटाच्या शुटींगनंतर त्याला अस्वस्थ वाटू लागल्यावर तो खाली कोसळला होता. रूग्णालयात दाखल करण्यात आलं आहे.
मुंबई। 14 डिसेंबर 2023 : मराठी आणि हिंदी सिनेसृष्टीतील प्रसिद्ध अभिनेता श्रेयस तळपदे याला ह्रदयविकाराचा तीव्र झटका आला आहे. शुटिंग संपून घरी आल्यावर श्रेयसला अस्वस्थ वाटू लागलं. त्यामुळे तो जागीच कोसळला. ह्रदयविकाराचा तीव्र झटका आल्याने त्याला तातडीने रुग्णालयात दाखल करण्यात आले आहे. श्रेयसची अँजिओप्लास्टीही तातडीने करण्यात आली. त्याच्यावर उपचार सुरू असून डॉक्टरांची टीम त्याच्यावर लक्ष ठेवून आहे.
बॉलिवूड सुपरस्टार अभिनेता अक्षय कुमारसोबत ‘वेलकम टू द जंगल’ या चित्रपटाचे शूटिंग करत होता. श्रेयसला रुग्णालयात नेण्यात आल्यावर तेथे त्याची अँजिओप्लास्टी करण्यात आली. अंधेरी पश्चिम येथील बेलेव्ह्यू रुग्णालयात नेले असता त्याला हृदयविकाराचा झटका आल्याचं समजलं. सध्या त्याची प्रकृती सुधारत असल्याची माहिती समजत आहे.
Shreyas Talpade is fine now. He suffered severe heart attack and has undergone angioplasty. He is admitted in Bellevue Hospital, Andheri West, Mumbai.#ShreyasTalpade #ShreyasTalpadeHealth pic.twitter.com/3jFo8F9mP0
— Pankaj Shukla (@PankajShuklaa) December 14, 2023
दरम्यान, श्रेयसच्या चाहत्यांना या घटनेमुळे मोठा धक्का बसला आहे. श्रेयसचे चाहते निरोगी आयुष्यासाठी प्रार्थना करत आहेत. अनेकांनी सोशल मीडियावर श्रेयसच्या प्रकृती चिंता व्यक्त करत पोस्ट शेअर केल्या आहेत. हिंदी आणि मराठी सिनेमांमध्ये श्रेयसने धमाकेदार भूमिका निभावत चाहत्यांची जिंकली आहेत. मराठीपासून बॉलिवूडपर्यंत आपल्या ठसकेदार अभिनयाचा ठसा उमटवला आहे.
