PHOTO | केवळ 100 रुपयांसाठी करायची पेट्रोलपंपावर काम, आता बॉलिवूडची ‘फॅशन दिवा’ म्हणून ओळखली जाते मराठमोळी अभिनेत्री!
कलेवर एखाद्याची निष्ठा, प्रेम असेल तर त्या कलेसाठी ती व्यक्ती काहीही करायला तयार असते. वाटेत कितीही संकटं आली तरी ती व्यक्ती डगमगत नाही. अशाच कलाप्रेमी व्यक्तींमध्ये अभिनेत्री मुग्धा गोडसे (Actress Mugdha Godse) हीचे नाव गणले जाते.
कलेवर एखाद्याची निष्ठा, प्रेम असेल तर त्या कलेसाठी ती व्यक्ती काहीही करायला तयार असते. वाटेत कितीही संकटं आली तरी ती व्यक्ती डगमगत नाही. अशाच कलाप्रेमी व्यक्तींमध्ये अभिनेत्री मुग्धा गोडसे (Actress Mugdha Godse) हीचे नाव गणले जाते. अंगी कला असेल, मेहनत करण्याची जिद्द असेल, तर यश तुमचेच असते हे मुग्धाने सिद्ध करून दाखवले आहे.
मुग्धाने 2002 मध्ये ‘मेगा मॉडेल हंट’ जिंकून आपल्या मॉडेलिंग कारकीर्दीची सुरूवात केली होती. यानंतर मुग्धाला बर्‍याच मॉडेलिंगच्या ऑफर येऊ लागल्या. 2004 साली मुग्धाने ‘मिस इंडिया’ स्पर्धेत उपांत्य फेरीपर्यंत मजल मारली होती.
बॉलिवूडमध्ये येण्यापूर्वी मुग्धाने ‘चूप चूप खडे हो’, ‘लेकर हम दीवाना दिल’ अशा अनेक हिंदी अल्बममध्ये काम केले आहे. मधुर भंडारकर दिग्दर्शित ‘फॅशन’ या चित्रपटाद्वारे आपल्या फिल्मी करिअरला सुरुवात करणाऱ्या मुग्धाचा हा प्रवास मुळीच सोपा नव्हता.
पुण्याच्या मध्यमवर्गीय कुटुंबात जन्मलेली मुग्धा एकेकाळी पेट्रोल पंपावर काम करून केवळ 100 रुपयांमध्ये आपला उदरनिर्वाह करायची. तर, पॉकेट मनीच्या रुपात घरुन तिला केवळ 300 रुपये मिळायचे. आपल्या गरजा पूर्ण करण्यासाठी मुग्धा अनेक लहान-मोठी काम करायची. घराला आर्थिक हातभार लावण्यासाठी मिळेल ते काम करण्याची मुग्धाची तयारी होती.
त्यामुळे अगदी लहान-सहन काम करायला देखील तिने सुरुवात केली होती. मुग्धाचाही आयुष्यात दररोजचा संघर्ष होता. मात्र कधीच हार मानली नाही. उलट यातूनच नवीन नवीन गोष्टी करता करता, तीने मॉडेलिंग क्षेत्रात एंट्री घेतली. कुणीही गॉडफादर नसताना मुग्धाने आज मॉडेलिंग क्षेत्रात स्वतःचे एक वेगळे स्थान निर्माण केले आहे.
अभिनेत्री मुग्धा गोडसे आता तिच्या लव्ह लाईफमुळे चर्चेत असते. मुग्धाने राहुलसोबत असलेले तिचे नाते जाहीर केले आहे. तिने सांगितले की, राहुल सोबत असल्याची एक स्पेशल भावना मनात आहे. आमच्या दोघांच्या घरच्यांचीही आमच्या नात्याला संमती आहे.