Nysa Devgan | ‘ही नेहमी नशेतच असते का?’; अजय देवगणची लेक पुन्हा ट्रोलर्सच्या निशाण्यावर
'ही नेहमीच नशेत का असते', असा सवाल एकाने केला. तर 'हीचं नाव निसा नाही तर नशा ठेवायला पाहिजे होतं', असं दुसऱ्या युजरने म्हटलं आहे. 'निशा तिच्या आईवर गेली आहे, काजोलसुद्धा नेहमीच धडपडत असते', असंही नेटकऱ्याने लिहिलं आहे.
मुंबई | 17 ऑगस्ट 2023 : अजय देवगण आणि काजोल यांची मुलगी निसा देवगण नेहमीच कोणत्या ना कोणत्या कारणामुळे सोशल मीडियावर चर्चेत असते. निसाने अद्याप बॉलिवूडमध्ये पदार्पण केलं नाही. मात्र त्याआधीच सोशल मीडियावर तिचा मोठा चाहतावर्ग आहे. सध्या तिचा एक व्हिडीओ सोशल मीडियावर व्हायरल होत आहे. यामध्ये ती पार्टीनंतर एका क्लबमधून बाहेर पडताना दिसत आहे. मात्र कारच्या दिशेने चालताना तिचा तोल जातो आणि ती धडपडते. या व्हिडीओवरून निसाला जोरदार ट्रोल केलं जातंय. निसा नेहमीच दारूच्या नशेत असते, असे कमेंट्स नेटकरी करत आहेत.
‘ही नेहमीच नशेत का असते’, असा सवाल एकाने केला. तर ‘हीचं नाव निसा नाही तर नशा ठेवायला पाहिजे होतं’, असं दुसऱ्या युजरने म्हटलं आहे. ‘निशा तिच्या आईवर गेली आहे, काजोलसुद्धा नेहमीच धडपडत असते’, असंही नेटकऱ्याने लिहिलं आहे. निसाचा असा व्हिडीओ व्हायरल होण्याची ही काही पहिलीच वेळ नाही. याआधीही पार्टीतून बाहेर आल्यानंतर अशाच पद्धतीने धडपडतानाचा तिचा एक व्हिडीओ चर्चेत आला होता.
याआधी व्हायरल झालेल्या व्हिडीओमध्ये ती कारचा दरवाजा उघडून बाहेर पडताना दिसते. त्यानंतर ती अचानक उडी मारते आणि समोर असलेल्या सुरक्षारक्षकाला तिचा हलका धक्का लागतो. निसाच्या या व्हिडीओवर नेटकऱ्यांकडून विविध प्रतिक्रिया आल्या होत्या. ‘या मुलीमध्ये काहीतरी गडबड नक्कीच आहे’, असं एकाने लिहिलं होतं. तर ‘ही पूर्ण वेळ नशेतच असते का’, असा सवाल दुसऱ्या युजरने केला होता. ‘निसा नेहमीच कुठे ना कुठे धडपडत असते’, असंही नेटकऱ्यांनी लिहिलं होतं.
निसा अनेकदा तिच्या खासगी आयुष्यामुळेही चर्चेत असते. काही दिवसांपूर्वी तिचा बॉयफ्रेंडसोबतचा फोटो सोशल मीडियावर व्हायरल झाला होता. वेदांत महाजन असं तिच्या बॉयफ्रेंडचं नाव आहे. खास मित्र ओरहान अवत्रमणी आणि बॉयफ्रेंड वेदांतसोबत निसाने लंडनमध्ये प्रसिद्ध पॉप स्टार बियॉन्सेच्या कॉन्सर्टला हजेरी लावली होती.
कोण आहे वेदांत महाजन?
गेल्या काही महिन्यांपासून निसा ही 25 वर्षीय वेदांत महाजन या तरुणाला डेट करत असल्याचं समजतंय. मात्र याबद्दल तिने अद्याप कोणती प्रतिक्रिया दिली नाही. वेदांत हा कमी वयात यशस्वी व्यावसायिक ठरला आहे. तो मूळचा दिल्लीचा असून विविध बॉलिवूड पार्ट्यांचं आयोजन तो करतो. त्याने आपल्या कंपनीची सुरुवात कॉलेज विद्यार्थ्यांसाठी न्यू-इअर पार्टीचं आयोजन करून केली होती. यासोबतच तो लंडनमधील UCL मध्ये शिक्षणसुद्धा घेत आहे.
