Nyasa Devgn | पार्टीनंतर दारूच्या नशेत दिसली अजय देवगणची लेक? नेटकऱ्यांकडून टीकेचा भडीमार
शॉर्ट ड्रेस आणि हाय हिल्स असा न्यासाचा पार्टीतील लूक होता. गाडीतून उतरताच ती पापाराझींकडे पाहून स्मितहास्य करते आणि पुढे चालू लागते. मात्र चालतानाच ती थोडी डगमगताना दिसते. आणखी एका व्हिडीओमध्ये ती रेस्टॉरंटमधून बाहेर पडताना दिसतेय.
मुंबई: बॉलिवूडचा ‘सिंघम’ अर्थात अभिनेता अजय देवगण आणि त्याची पत्नी काजोल यांना सहसा इंडस्ट्रीतील कोणत्याच पार्ट्यांमध्ये पाहिलं जात नाही. अजय आणि काजोल हे बॉलिवूड पार्ट्यांपासून नेहमी दूरच असतात. मात्र त्यांची मुलगी न्यासा ही नेहमीच तिच्या मित्रमैत्रिणींसोबत पार्टी करताना दिसते. नुकतीच ती बी-टाऊनमधल्या कलाकारांसोबत आणि इतर स्टारकिड्ससोबत एका रेस्टॉरंटमध्ये पार्टीसाठी गेली होती. यावेळी तिने गुलाबी रंगाचा शॉर्ट ड्रेस परिधान केला होता. मात्र यावेळी तिच्या चालण्याची पद्धत पाहून नेटकरी तिला ट्रोल करत आहेत.
एकीकडे अभिनेता सिद्धार्थ मल्होत्रा आणि कियारा अडवाणी यांच्या लग्नाच्या रिसेप्शनचं आयोजन मुंबईत करण्यात आलं होतं. या रिसेप्शनला बॉलिवूड इंडस्ट्रीतील बऱ्याच कलाकारांनी हजेरी लावली होती. तर दुसरीकडे न्यासा, आर्यन खान, सुहाना खान, शनाया कपूर, अनन्या पांडे यांनी एकत्र पार्टी केली. या पार्टीनंतरचा न्यासाचा एक व्हिडीओ सोशल मीडियावर व्हायरल होत आहे.
या व्हायरल व्हिडीओमध्ये न्यासा एका गाडीतून उतरताना दिसत आहे. मात्र गाडीतून उतरल्यानंतर ती ज्या पद्धतीने चालते, ते पाहून ती नशेत असल्याचा अंदाज नेटकऱ्यांनी वर्तवला आहे.
पार्टीला जातानाचा व्हिडीओ
शॉर्ट ड्रेस आणि हाय हिल्स असा न्यासाचा पार्टीतील लूक होता. गाडीतून उतरताच ती पापाराझींकडे पाहून स्मितहास्य करते आणि पुढे चालू लागते. मात्र चालतानाच ती थोडी डगमगताना दिसते. आणखी एका व्हिडीओमध्ये ती रेस्टॉरंटमधून बाहेर पडताना दिसतेय. मात्र यावेळी चालताना बॉडीगार्ड तिची मदत करतो. कारमध्ये बसल्यानंतर तिचे हावभाव पाहून न्यासा नशेत असल्याचं नेटकऱ्यांनी म्हटलंय.
पार्टीतून येतानाचा व्हिडीओ
या व्हिडीओच्या कमेंट बॉक्समध्ये काहींनी न्यासाला तिच्या कपड्यांवरून तर काहींनी तिच्या दिसण्यावरून ट्रोल केलंय. ती पूर्णवेळ नशेतच होती, असंही नेटकऱ्यांनी म्हटलंय.
गेल्या काही महिन्यांत न्यासा देवगणचं जबरदस्त ट्रान्सफॉर्मेशन पहायला मिळालं. न्यासा आता पहिल्यापेक्षा अधिक बोल्ड आणि ग्लॅमरस अंदाजात दिसत असल्याचं नेटकरी म्हणत आहेत. सोशल मीडियावरही तिला मोठा चाहतावर्ग आहे. नवीन वर्षाच्या सुरुवातील न्यासाने तिच्या मित्रमैत्रिणींसोबत बॅक-टू-बॅक पार्टी केली होती. न्यू इअर पार्टीतील न्यासाचा लूक आणि तिचा बोल्ड अंदाज अजय देवगणच्या चाहत्यांना फारसा पसंत पडला नव्हता.
‘न्यासाने आईवडिलांचं नावच खराब केलं’, अशी टीका एका युजरने केली होती. तर ‘ही पूर्ण नशेतच आहे वाटतं’ असं दुसऱ्याने लिहिलं होतं. न्यासा एक टक्कासुद्धा तिच्या आईसारखी नाही, असंही नेटकऱ्यांनी लिहिलं होतं.
