घोडयांसोबत झोपला, त्यांची लीदही साफ केली; अजय देवगणच्या पुतण्याने चित्रपटासाठी काय काय केलं?
अभिनेता अजय देवगण याची प्रमुख भूमिका असणारा ‘आझाद’ चित्रपट लवकरच प्रदर्शित होणार असून या चित्रपटात त्याचाच पुतण्या अमन देवगण आणि रविना टंडनची मुलगी राशा यांची जोडी झळकणार आहे. पण या चित्रपटासाठी अजयच्या पुतण्याने चक्क घोड्यांची लीद साफ करण्यापासून सगळं केलं. नेमका काय किस्सा आहे तो?
भारती दुबे (टिव्ही 9 प्रतिनिधी)- बॉलिवूडमध्ये आता बऱ्यापौकी स्टारकिड्सची एन्ट्री होताना दिसत आहे, त्यातच आता रविना टंडनची लेक राशा आणि अजय देवगणचा पुतण्या अमनची एन्ट्री झाली आहे. या दोघांच्याही मुख्य भूमिका असलेला ‘आझाद’चित्रपच लवकरच प्रदर्शित होणार आहे. सध्या या जोडीची प्रचंड चर्चा सुरु आहे.
अमन देवगण आणि रविना टंडनची मुलगी राशाची जोडी चर्चेत
अभिनेता अजय देवगण याची प्रमुख भूमिका असणारा ‘आझाद’ चित्रपट लवकरच प्रदर्शित होणार असून या चित्रपटात त्याचाच पुतण्या अमन देवगण आणि रविना टंडनची मुलगी राशा यांची जोडी झळकणार आहे.
दरम्यान, नुकताच या चित्रपटाचा ट्रेलर प्रदर्शित झाला. दोघांचीही भूमिका नेमकी कशी असणार आहे हे 17 जानेवारीला चित्रपट रिलीज झाल्यावर समोर येईलच.
घोड्यांसोबत अमन देवगणचे बरेच सीन्स
या चित्रपटाच्या प्रमोशनसाठी अमन आणि राशा अनेक मुलाखतींसाठी हजर राहत आहेत. मुलाखती दरम्यान अजय देवगणचा पुतण्या अमनने चित्रपटासाठी कशी तयारी केली याबद्दल सांगितलं आहे. चित्रपटात घोड्यांसोबत अमनचे बरेच सीन्स असल्याने त्याला फार तयारी करावी लागल्याचं त्याने सांगितले.
घोड्यांसोबत सीन्स देण्यासाठी अमनने काय मेहनत घेतली?
टिव्ही 9 हिंदी’ मीडियाशी संवाद साधताना अमनने सांगितले की, ” चित्रपटात माझे घोड्यांसोबत खूप सारे सीन्स आहेत. त्यासाठी मला स्वत:ला खूप तयारी करावी लागली. कार घोड्यांना कितीही प्रशिक्षण दिलं तरी देखील ते एक जनावर आहे. आपल्याला त्यांच्यापद्धतीनेच काम सांभाळून घ्यावं लागतं.कारण ते काही सेटवर येऊन आपल्यासारखे डायलॉग म्हणार नाहीत. घोड्यांसोबत सीन करण्यासाठी मी स्वत:ला तयार करत होतो. त्यासाठी मी त्यांच्यासोबत वेळ घालवायचो, त्यांच्या आसपासच झोपायचो, त्यांना त्यांचे खाद्यही द्यायचो, एवढंच नाही तर मी त्यांची पोट्टीही (लीद) साफ करायचो” असं म्हणत त्याने घोड्यांसोबत मैत्री करण्यासाठी काय काय केलं याबद्दल सांगितले.
“प्राण्यांशी मैत्री करणे मला फार आवडते”
अमन पुढे म्हणाला की,” घोड्यांशी मैत्री होणे फार महत्त्वाचे होते कारण त्यांना माझ्याकडून काही हानी नाही हा विश्वास त्यांनाही बसणं गरजेचं होतं. आणि तसेही प्राणी फार निरागस असतात, मलाही प्राणी फार आवडतात. त्यांच्याशी मैत्री करणे फार आवडते त्यामुळे माझ्यासाठी ते दिवस अतिशय सुंदर होते” असं सांगत अमितने चित्रपटातील प्रत्येक गोष्टीसाठी किती मेहनत घेतली याबदद्ल सांगितले.
View this post on Instagram
चित्रपट 17 जानेवारी 2025 रोजी प्रदर्शित
दरम्यान चित्रपटाच्या ट्रेलरनंतर राशा आणि अमन या नवख्या जोडीला प्रेक्षकांचा सकारात्मक प्रतिसाद मिळाला आहे. आता चित्रपट रिलीजनंतर ही जोडी आणि त्यांचा अभिनय प्रेक्षकांच्या पसंतीस उतरणार का हे पाहणे महत्त्वाचे आहे.
राशा-अमन-अजय देवगण यांचा ‘आझाद’ हा चित्रपट 17 जानेवारी 2025 रोजी प्रदर्शित होणार आहे. आता या चित्रपटाला कसा प्रतिसाद मिळतोय हे पाहणं महत्त्वाचं आहे.
