3.53 मिनिटाचा व्हिडीओ सोशल मीडियावर तुफान व्हायरल, Bigg Boss 17च्या स्पर्धकाची गर्लफ्रेंड नाझिला सीताशीचा…
Bigg Boss 17 : बिग बॉस 17 चा फिनाले अवघा काही दिवस दूर आहे. या शोच्या विजेतेपदावर नाव कोरण्यासानठी सर्वच स्पर्धक तगडी मेहनत करत आहेत. नुकत्याच झालेल्या वीकेंड का वारमध्ये करण जोहरने हा शो होस्ट केला आणि या एपिसोडमध्ये त्याने मुनव्वरशी संबंधित अनेक मुद्द्यांवर चर्चा केली होती.
Bigg Boss 17 : गेल्या काही दिवसांपासून ‘बिग बॉस 17’ हा शो प्रचंड चर्चेत आहे. आता या शोचा अंतिम भाग, फिनाले अवघे काही दिवस दूर आहे. हा शो जिंकण्यासाठी आणि बिग बॉसची ट्रॉफी मिळवण्यासाठी सर्वच स्पर्धक कसून मेहनत करत आहेत. नुकताच या शोचा वीकेंड का वार पार पडला. ज्याचा होस्ट होता करण जोहर. त्याने या भागात अनेक मुद्यांवर चर्चा केली आणि मुनव्वर बद्दलही तो बोलला. तर दुसरीकडे, मुनव्वरची कथित एक्स गर्लफ्रेंड नाझिला सिताशीने तिच्या सोशल मीडिया अकाउंटवर एक व्हिडिओ शेअर केला आहे. या व्हिडिओमधून तिने अनेक बिग बॉसच्या घरात चर्चेत असलेल्या गोष्टींबद्दलही खुलासा केला.
नाव न घेताच साधला निशाणा
नाझिला तिच्या सोशल मीडिया अकाऊंटवर हा व्हिडीओ शेअर केला आहे. 3.53 मिनिटाचा हा व्हिडीओ सोशल मीडियावर बराच व्हायरल झाला असून त्यामध्ये नाझिलाने अनेक खुलासे केलेत, नाव न घेताच तिने बिग बॉसमधील काही स्पर्धकांची शाळा घेतली. नाझिलाने आयेशा खान आणि मुनव्वर फारुकी यांना फटकारले. सोशल मीडियावर शेअर केलेल्या या व्हिडीओमध्ये, तिच्या पर्सनल गोष्टींबाबत नॅशनल टेलिव्हिजनवर वक्तव्य केल्याबद्दल नाझिलाने आयेशावर आरोप लावला आहे. “ हे जे काही सुरू आहे ते मला मान्य नाही. पण, गोष्टी माझ्या हाताबाहेर गेल्या आहेत. हो, मी स्वतः माझ्या वैयक्तिक गोष्टी कोणाशी तरी शेअर केल्या होत्या. पण, त्या सगळ्या गोष्टी शेअर करताना मी खूप भावूक झाले होते. पण मी सांगितलेल्या त्या गोष्टी येत्या काही महिन्यांत नॅशनल टेलिव्हिजनद्वारे सर्वांसमोर असतील याची मला कल्पना नव्हती ” असं नाझिला म्हणाली.
View this post on Instagram
टीआरपीसाठी हे सगळं चुकीचं आहे
नाझिला पुढे म्हणाली, “जर माझा हात हेतू असता, जर मला हे करायचे असतं (वैयक्तिक बाबींबद्दल बोलणं) तर मी स्वतःहूनच ते केलं असते. पण, मला हे करायचे नव्हतं. म्हणूनच मी कोणत्याही मुलाखतींना नकार दिला. (बिग बॉस) शोची ऑफर देखीर मी नाकारली. फक्त कारण माझ्या किंवा इतर कोणाच्याही पर्सनल गोष्टी या गोष्टी मनोरंजनासाठी किंवा TRP मिळावा म्हणून किंवा इतर गोष्टींसाठी वापरायची माझी इच्छा नाही. हे चुकीचे आहे. माझं नाव अशी ठिकाणी वापरलं जात आहे, त्या जागी स्वतःचा बचाव करण्यासाठी मी नाहीच आहे.” असंही नाझिलाने तिच्या व्हिडीओत नमूद केलं आहे.
मुनव्वरबद्दल काय म्हणाली नाझिला
मुनव्वरचे नाव न घेता नाझिला म्हणाली, “दुसरी गोष्ट म्हणजे माझ्याविरुद्ध ज्या गोष्टी बोलण्यात आल्या त्या खर्‍या नाहीत. याचा अर्थ ते त्यांच्यापेक्षा 10 वर्षांनी लहान असलेल्या व्यक्तीला घाबरतात. मला गमावण्याच्या भीतीने तो काही दिवसांपूर्वी रडत असताना त्याने हे सांगितले. त्याला माझ्यासोबत गोष्टी सुधारायच्या आहेत असेही तो म्हणाला. या शोमध्ये कधीही न येणार्‍या व्यक्तीला तो ओळखतो, ती म्हणजे नाझिला. मग तो स्वतःचा बचाव करण्यासाठी त्याची गोष्ट बदलतो. मला वाईट माणसासारखं दाखवतात.” असंगी ती म्हणाली.
‘लॉक अप’ या शोदरम्यान ‘कच्चा बदाम’ फेम अंजली अरोरासोबत मुनव्वरचं नाव जोडलं गेलं होतं. तिनेसुद्धा मुनव्वर याच्यावर गंभीर आरोप केले आहेत. लॉक अप या शोमध्ये अंजली आणि मुनव्वर जवळपास 72 दिवस एकत्र होते. नाझिला, आयेशा आणि अंजली या तिघींसोबतच्या नात्यावरून मुनव्वरची सोशल मीडियावर खिल्लीदेखील उडवली गेली होती. तर एकाच वेळी दोन मुलींना डेट करत असल्याचं आयेशाने म्हटलं होतं.
