Malaika Arjun Wedding: आमचंही ठरलंय! मलायका-अर्जुन ‘या’ महिन्यात लग्नबंधनात अडकणार

Malaika Arora and Arjun Kapoor

Image Credit source: Instagram

बॉलिवूडमध्ये सध्या लग्नाचे वारे वाहू लागले आहेत. रणबीर कपूर आणि आलिया भट्टनंतर आता अभिनेता अर्जुन कपूर (Arjun Kapoor) आणि मलायका अरोरासुद्धा (Malaika Arora) लवकरच लग्नबंधनात (Marriage) अडकतील असं कळतंय. जवळपास गेल्या चार वर्षांपासून हे दोघं एकमेकांना डेट करत आहेत. 2019 मध्ये अर्जुनच्या वाढदिवशी मलायकाने सोशल मीडियावर फोटो पोस्ट करत नातं जगजाहीर केलं होतं. त्याआधी दोघांनीही माध्यमांपासून आपलं रिलेशनशिप लपवण्याचा प्रयत्न केला होता. आता लवकरच ही जोडी विवाहबद्ध होणार असल्याचं समजतंय. काही दिवसांपूर्वी दिलेल्या एका मुलाखतीत मलायका अर्जुनबद्दल आणि त्याच्यासोबतच्या नात्याबद्दल मोकळेपणाने व्यक्त झाली होती. अर्जुन आणि मलायकासुद्धा याच वर्षी आपल्या आयुष्याच्या नव्या प्रवासाची सुरुवात करणार आहेत.

‘इंडिया टीव्ही’ने दिलेल्या वृत्तानुसार यावर्षी नोव्हेंबर किंवा डिसेंबर महिन्यात अर्जुन-मलायका लग्न करणार असल्याचं कळतंय. मुंंबईतच मोजक्या पाहुण्यांच्या उपस्थितीत ते लग्नगाठ बांधतील. त्यानंतर मित्रपरिवारासाठी ते रिसेप्शनचं आयोजन करतील. अर्जुन आणि मलायकाचं नातं सुरुवातीपासूनच चर्चेत राहिलं. यामागचं सर्वांत महत्त्वाचं कारण म्हणजे दोघांच्या वयातील अंतर. मलायका ही 48 वर्षांची असून अर्जुन हा 36 वर्षांचा आहे. या दोघांमध्ये 12 वर्षांचं अंतर आहे. “प्रत्येक नात्यात पुढे काय होणार आणि कुठपर्यंत आपण सोबत जाणार याच्या योजना आधीच आखलेल्या असतात. भविष्यात आपण एकमेकांना एकत्र पाहतोय का हे माहित असणं सर्वांत महत्त्वाचं असतं. ‘अरे, पुढे काय होणार हे मला माहित नाही..’ असं कोणी म्हणणारं असेल तर त्या नात्यात मी नाही. मला असं वाटतंय की आम्ही आता अशा टप्प्यावर आहोत जिथे आम्ही नात्याच्या भविष्याचा विचार करतोय. आम्ही गोष्टींवर खूप चर्चा करतो. याबाबतीत दोघांचेही विचार आणि कल्पना सारखेच आहेत”, असं मलायका ‘ई टाइम्स’ला दिलेल्या मुलाखतीत म्हणाली.

पहा फोटो-

मलायकाने अभिनेता, निर्माता अरबाज खानशी 1998 मध्ये लग्न केलं होतं. 2016 मध्ये दोघांनी घटस्फोट घेत असल्याचं जाहीर केलं आणि संपूर्ण प्रक्रिया 2017 मध्ये पूर्ण झाली. या दोघांना अरहान हा मुलगा आहे.