Amol kolhe : “यह टायर तो फायर निकला… लेकिन मैं थकेगा नहीं साला!”, अमोल कोल्हेंची Instagram पोस्ट चर्चेत
अमोल कोल्हे यांनी इन्स्टाला व्हीडिओ शेअर केला आहे. यात ते टायरसोबत वर्कआऊट करताना दिसत आहेत. या व्हीडिओला त्यांनी 'पुष्पा'स्टाईल कॅप्शन दिलं आहे.
मुंबई : सध्या सगळीकडे ‘पुष्पा’चा (Pushpa) फिवर पहायला मिळतोय. यात राष्ट्रवादीचे खासदार आणि अभिनेते अमोल कोल्हे (MP And Actor Amol kolhe) हे देखील मागे नाहीत. अमोल कोल्हे यांनी इन्स्टाला व्हीडिओ शेअर केला आहे. यात ते टायरसोबत वर्कआऊट करताना दिसत आहेत. या व्हीडिओला त्यांनी ‘पुष्पा’स्टाईल कॅप्शन दिलं आहे. “यह टायर तो फायर निकला… लेकिन मैं थकेगा नहीं साला… लहानपणी धुळीच्या रस्त्यांवर जुन्या टायरला एका हातातील काठीने बडवत दुसऱ्या हाताने कमरेवरून घरंगळणारी चड्डी सावरताना वाटलं नव्हतं की टायर असा घाम काढेल!”, असं कॅप्शन दिलं आहे. अमोल कोल्हे यांच्या व्हीडिओची आणि त्यांच्या कॅप्शनची सध्या सोशल मीडियावर जोरदार चर्चा आहे.
अमोल कोल्हे यांची इन्स्टाग्राम पोस्ट
खासदार अमोल कोल्हे फिटनेसकडे विशेष लक्ष देतात. खासदार कोल्हे यांनी इन्स्टाला व्हीडिओ शेअर केला आहे. यात ते टायरसोबत वर्कआऊट करताना दिसत आहेत. या व्हीडिओला त्यांनी ‘पुष्पा’स्टाईल कॅप्शन दिलं आहे. “यह टायर तो फायर निकला… लेकिन मैं थकेगा नहीं साला… लहानपणी धुळीच्या रस्त्यांवर जुन्या टायरला एका हातातील काठीने बडवत दुसऱ्या हाताने कमरेवरून घरंगळणारी चड्डी सावरताना वाटलं नव्हतं की टायर असा घाम काढेल!”, असं कॅप्शन दिलं आहे. अमोल कोल्हे यांच्या व्हीडिओची आणि त्यांच्या कॅप्शनची सध्या सोशल मीडियावर जोरदार चर्चा आहे.
नेटकऱ्यांच्या कमेंट
अमोल कोल्हेंच्या या इन्स्टाग्रामपोस्टवर नेटकऱ्यांनी कमेंट करत आपलं मत मांडलंय. एका नेटकऱ्याने “फायर है बॉस!”, म्हटलंय. तर दुसऱ्याने “शेर की झलक सबसे अलग”, अशी कमेंट केलीये. एकाने “सर, तुम्ही रॉकस्टार अहात”, असं म्हटलंय. तर “तुम्ही बालपणीची आठवण करून दिली” अशी कमेंट एकाने केली आहे. अनेकांनी जाळाचे इमोजी वापरत आपल्या भावना व्यक्त केल्या आहेत.
नेटकऱ्याने मागितली मदत, कोल्हेंनी दिला नंबर
अमोल कोल्हे यांच्या या वर्कआऊट व्हीडिओवर एक वेगळी कमेंट पहायला मिळाली. एका नेटकऱ्याने आपला मित्र आजारी आहे. त्याच्या फुप्फुसावर शस्त्रक्रिया करावी लागणार आहे. त्यासाठी 25 लाख रूपये लागणार आहेत असं म्हटलं. त्यावर अमोल कोल्हे यांनी स्वत: कमेंट केली आणि आपल्या ऑफिसचा संपर्क क्रमांक दिला. या नंबरवर संपर्क करा असं त्यांनी या व्यक्तीला सांगितलं.
संबंधित बातम्या