14 दिवसांत मोडला पूनम पांडेचा संसार, पतीने मारहाण केल्याने घेणार घटस्फोट
पूनम पांडेने पती सॅमविरोधात मारहाणीची तक्रार दाखल केली असून, आता तिने हे नाते तोडत, घटस्फोट घेणार असल्याचे म्हटले आहे. (Poonam Pandey to divorce Sam Bombay)
मुंबई : लग्नानंतर अवघ्या 13 दिवसानंतर पूनम पांडेने तिचा नवरा सॅम बॉम्बे याच्या विरोधात एफआयआर दाखल केला आहे. हनिमूनसाठी गोव्याला गेलेल्या या जोडीमध्ये जोरदार भांडणे सुरू झाली आहेत. या दरम्यान पूनम पांडेने पती सॅमविरोधात मारहाणीची तक्रार दाखल केली आहे. आता तिने हे नाते तोडत, घटस्फोट घेणार असल्याचे म्हटले आहे. (Poonam Pandey to divorce Sam Bombay)
मिळालेल्या माहितीनुसार, सॅम बॉम्बेने पूनमला इतकी मारहाण केली आहे की तिला हॉस्पिटलमध्ये दाखल करण्यात आले आहे. पूनमच्या तक्रारीवरून सॅमला अटक करण्यात आली होती. यानंतर काहीवेळाने त्याला जामीन देखील मिळाला आहे.
पतीने आपला विनयभंग केल्याचा आरोप करत पूनम पांडेने सोमवारी रात्री पोलिसात तक्रार दाखल केली होती. गंभीर परिणामांना सामोरे जाण्याची धमकी पतीने दिल्याचा दावाही तिने केला होता. वीस हजार रुपयांच्या जातमुचलक्यावर मंगळवारी संध्याकाळी गोवा कोर्टाने सॅम बॉम्बे याची सुटका केली.
दक्षिण गोव्यातील कानाकोना गावात पूनम पांडे शूटिंग करत असलेल्या चित्रपटाच्या ठिकाणी हा प्रकार घडल्याची माहिती आहे. त्यानंतर पूनमची वैद्यकीय तपासणी होणार आहे. पतीला चार दिवस पोलिसात हजेरी लावावी लागणार असून या काळात त्याला तक्रारदार पत्नी पूनम पांडेशी संपर्क साधता येणार नाही. (Poonam Pandey to divorce Sam Bombay)
पूनम पांडेसोबत आधी लग्नाची बेडी, आता पतीला पोलिसांच्या बेड्या https://t.co/O7uXBeIzhD pic.twitter.com/E1b4PrbpzQ
— TV9 Marathi (@TV9Marathi) September 23, 2020
पूनमची गुपचूप लग्नगाठ
बॉयफ्रेंड सॅम बॉम्बेसोबत 11 सप्टेंबरला पूनमने लगीनगाठ बांधली होती. फारसा गाजावाजा न करता पूनम गुपचूप लग्नाच्या बोहल्यावर चढली. पूनम आणि सॅम या दोघांनी लग्न समारंभातील फोटो आपापल्या इन्स्टाग्राम अकाऊंटवर शेअर केले.
46 वर्षीय सॅम अहमद बॉम्बे हा चित्रपट दिग्दर्शक आहे. तर पूनम पांडेने काही चित्रपट आणि म्युझिक व्हिडीओमध्ये काम केले आहे. मॉडेल पूनम पांडे सोशल मीडियावर नेहमीच अ‍ॅक्टिव्ह असते. बर्‍याचदा हॉट फोटो आणि व्हिडिओंमुळे ती चर्चेत राहण्याचा प्रयत्न करते. सोशल मीडियावर तिचा प्रचंड मोठा चाहतावर्ग आहे.
पूनमने लग्नात एम्ब्रॉयडरी असलेला नेव्ही ब्लू लेहेंगा घातला होता. कपाळावर मोठा मांगटिका आणि हातात कलिरेही दिसत आहे. सॅमने तिला साजेशी रंगसंगती असलेला शेरवानी परिधान केला होता. जुलैमध्ये दोघांनी आपली एंगेजमेंट झाल्याचे जाहीर केले होते. सॅमने अंगठ्या दाखवताना त्यांचे फोटो शेअर केले होते.
संबंधित बातम्या :
Poonam Pandey | मॉडेल-अभिनेत्री पूनम पांडे ‘या’ दिग्दर्शकासोबत लग्नाच्या बेडीत
मॉडेल पूनम पांडेला अटक, BMW कारही जप्त
(Poonam Pandey to divorce Sam Bombay)
