Shahid Kapoor : लिपलॉकच्या फोटोवर पहिल्यांदाच बोलला शाहिद कपूर, म्हणाला मी उद्ध्वस्त..

Shahid Kapoor On Viral Kiss Photos : शाहिद कपूर (Shahid kapoor) हा आजच्या काळात बॉलिवूडमधील आघाडीचा अभिनेता आहे. मात्र जेव्हा त्याने चित्रपटसृष्टीत पदार्पण केले होते, तेव्हा त्याच्या आयुष्यात अशी एक घटना घडली होती, जिचा त्याच्या आयुष्यावर आणि कारकिर्दीवरही परिणाम झाला होता. खरंतर तेव्हा शाहिद कपूर आणि अभिनेत्री करीना कपूर (kareena kapoor) एकमेकांना डेट करत होते आणि त्यांच्या लिपलॉकचे फोटो (kissing photos) प्रचंड व्हायरल झाले होते. त्या फोटोंमुळे मोठी खळबळही माजली होती. मात्र ते फोटो फेक होते, असाच स्टँड शाहिदने नेहमी घेतला होता.

ते फोटो समोर आले तेव्हा शाहिद कपूर अवघा 24 वर्षांचा होता. त्या घटनेनंतर त्याच्या आयुष्यावर कसा परिणाम झाला, याबाबत शाहिदने आता मौन सोडले आहे. इतक्या वर्षानंतर तो या विषयावर बोलला आहे. ” त्यावेळी मी उद्ध्वस्त झालो होतो. मी फक्त 24 वर्षांचा होतो. माझी प्रायव्हसी अफेक्ट झाली अन् रक्षण करण्यासाठी मी काहीच करू शकलो नाही, अशा भावना त्यावेळी माझ्या मनात होत्या,” असे शाहिदने नमूद केले.

हे सगळं काय झालं आणि का झालं याचाच मी विचार करत होते. या सर्वाचा माझ्यावर, करीअरवर काय परिणाम होईल, याचीच मला चिंता होती. ते वय असं असतं ना की तुम्हाला तुमच्या भावना धड समजत नाहीत, मुलगी सोबत असताना, डेट करताना कसं रहायचं, कसं वागायचं, याचा आपण विचार करतो, तेव्हा अशा घटना घडतात, असं शाहिद म्हणाला.

आता माझ्या आयुष्यात रस नाही

आता माझं लग्न झालंय, मुलंही आहेत मला . त्यामुळे आता माझ्या आयुष्यात कोणालाही रस नाही, अस शाहिद म्हणाला. आता २४ वर्षांचे इतरही लोक आहेत, ज्यांच्या आयुष्यात इतरांना रस असू शकतो, असे त्याने सांगितले.

करिअरच्या सुरुवातीला शाहिद कपूर हा करीना कपूरला डेट करत होता. त्यादरम्यान दोघांनी जाहीरपणे त्यांच्या नात्यावर शिक्कामोर्तब केले होते. मात्र, 2007 मध्ये दोघांचे नाते तुटले आणि दोघेही वेगळे झाले. नंतर करीना कपूर ही सैफ अली खानसोबत सेटल झाली तर शाहिदने मीरा राजपूतशी लग्न केलं.