तुला नवरीच्या रुपात पाहायचं होतं, पण तू तर…, 21 व्या वर्षी प्रसिद्ध सेलिब्रिटीच्या लेकीचं निधन, कुटुंबावर दुःखाचा डोंगर

टी-सीरीजचे मालक गुलशन कुमार यांचे लहान भाऊ कृष्णा कुमार यांच्यावर दुःखाचा डोंगर कोसळला आहे. कारण कृष्णा कुमार यांची एकुलत्या एक लेक टिशा हिने वयाच्या 21 व्या अखेरचा श्वास घेतला आहे. तिशा हिच्या निधनानंतर कुमार कुटुंबावर दुःखाचा डोंगर कोसळला आहे. सोमवारी टिशा हिच्यावर अंत्यसंस्कार करण्यात आले. टिशा हिचं शेवटचं दर्शन घेण्यासाठी अनेक सेलिब्रिटींनी हजेरी लावली होती. टिशा हिच्या निधनानंतर सोशल मीडियावर अनेक फोटो आणि व्हिडीओ सोशल मीडियावर व्हायरल होत आहेत.

टिशा कुमार हिच्या निधनानंतर भूषण कुमार याची पत्नी दिव्या खोसला हिने सोशल मीडियावर काही फोटो पोस्ट केले आहेत. शिवाय दिव्या हिने दुःख व्यक्त करत भावना व्यक्त केल्या आहेत. दिव्या म्हणाली, ‘टिशा… तू खूप लवकर जगाचा निरोप घेतला आहेस. तुला आम्ही कधीच विसरू शकत नाही…’ सध्या दिव्या हिची पोस्ट सोशल मीडियावर तुफान व्हायरल होत आहे.

दिव्याच्या पोस्टवर अनेक सेलिब्रिटी आणि चाहते देखील लाईक्स आणि कमेंट करत दुःख व्यक्त करत आहेत. तर गुलशन कुमार यांनी मुलगी तुलसी कुमार हिने देखील तिशासाठी भावनिक पोस्ट लिहिली आहे. ‘आमची प्रेमळ टिशा… तू आता जगात नाहीस… ऐकून प्रचंड दुःख झालं. ही तुझी जायची वेळ नव्हती… आम्हाला तुला समृद्ध, यशस्वी आणि तुला आम्हाला नवरीच्या रुपात पाहायचं होतं, असं नाही…’

टिशा कुमार हिचं निधन

टिशा 21 वर्षांची होती. तिला कर्करोगाचं निदान झालं होतं आणि उपचारासाठी कुटुंबीयांनी तिला जर्मनीला न्यायचं ठरवलं होतं. जर्मनीत उपचारादरम्यान तिचं निधन झालं. टिशा हिच्या निधनानंतर कुटुंबाला फार मोठा धक्का बसला आहे. अभिनेते आणि निर्माते कृष्ण कुमार यांची 21 वर्षीय मुलगी टिशा कुमारचं 18 जुलै रोजी निधन झालं.