Video : उस्तादाप्रमाणे तबला वाजवतेय सारा अली खान, तरीही नेटकऱ्यांनी केले ट्रोल!
सारा अली खान (Sara Ali Khan) अभिनयाबरोबरच तबला वादनातही माहिर आहे.
मुंबई : बॉलिवूड अभिनेत्री सारा अली खान (Sara Ali Khan) अभिनयाबरोबरच तबला वादनातही माहिर आहे. नुकताच साराने सोशल मीडियावर तिचा तबला वाजवतानाचा एक व्हिडीओ सोशल मीडियावर शेअर केला आहे. त्यामध्ये सारा तबला वाजवताना दिसत आहे. मात्र, साराचा हा व्हिडीओ जोरदार ट्रोल होताना दिसत आहे. (Video troll of Sara Ali Khan playing the tabla)
साराने तिच्या इंस्टाग्राम स्टोरीवर हा व्हिडिओ पोस्ट केला आहे, तबला वाजवताना साराच्या चेहऱ्यावरील एक्सप्रेशन काहीतरी वेगळेच दिसत असल्याने तिला ट्रोल केलं जात आहे. सारा सध्या आईसोबत राजस्थानमध्ये आहे. सारा तेथील फोटो आणि व्हिडीओ आपल्या चाहत्यांसाठी शेअर करत असते. सारा आई अमृता सिंहसोबत अजमेरच्या खाजा गरीब नवाजच्या दर्गामध्ये गेली होती.
दर्गामधील एक फोटो शेअर केला होता. साराने फोटो शेअर करताना लिहिले होते की, जुमा मुबारक…सारा अली खानच्या वर्कफ्रंटबद्दल बोलायचे झालेतर, ती अखेर ‘कुली नंबर 1’ चित्रपटात दिसली होती. हा चित्रपट ओटीटीवर प्रदर्शित झाला होता. सारा अली खान दिग्दर्शक आनंद एल राय यांच्या
‘अतरंगी रे’ मध्ये अक्षय कुमार आणि धनुषसोबत दिसणार आहे. सध्या सोशल मीडियावर सारा अली खानचा एक व्हिडीओ व्हायरल झाला आहे. या व्हिडीओमध्ये सारा करीनाच्या घरी जाताना दिसत होती. तिच्या हातात खास बाळासाठी आणि करीनासाठी भेटवस्तू असल्याचं पाहायला मिळाले होते. हा व्हिडीओ विरल भैय्यानी यांच्या इन्स्टाग्रामवर शेअर केला होता. करीना आणि सारा या दोघीं खूप चांगल्या मैत्रिणी आहेत.
बऱ्याच वेळा या दोघीही त्यांच्यातील नात्याविषयी उघडपणे व्यक्त झाल्या आहेत. करीनानेही साराला तिच्या पहिल्या चित्रपटासाठी मदत केली होती. विशेष म्हणजे सारा आणि तैमुर या दोघांमध्येही चांगली मैत्री आहे, सारा तैमुरच्या वाढदिवसानिमित्त नेहमीच वेगवेगळे फोटो शेअर करत असते आणि त्याला सोशल मीडियावर शुभेच्छा देखील देते.
संबंधित बातम्या :
हरभजन सिंह क्रिकेटनंतर अभिनय क्षेत्रात लावणार चौके-छक्के, पाहा ‘फ्रेंडशिप’ चित्रपटाचा टीझर!
कार्तिक आर्यनचा ‘धमाका’ चित्रपट नेटफ्लिक्सवर करणार धमाल, पाहा टीझर
(Video troll of Sara Ali Khan playing the tabla)