हेल्दी डाएट प्लॅन.. तोही रंगबेरंगी पदार्थांनी भरलेला..काय आहे ‘रेनबो डाएट’? जाणून घ्या, त्याचे आश्चर्यकारक फायदे!
हेल्दी डाएट प्लॅन तोही रंगबेरंगी पदार्थांनी भरलेला..होय आम्ही रेनबो डाएट प्रकाराबाबत बोलत आहोत. यामध्ये रोजच्या आहारात रंगबेरंगी खादयपदार्थांचा समावेश केला जातो. त्यामुळे तुमचे आरोग्य सुदृढ आणि निरोगी राहते.
![हेल्दी डाएट प्लॅन.. तोही रंगबेरंगी पदार्थांनी भरलेला..काय आहे ‘रेनबो डाएट’? जाणून घ्या, त्याचे आश्चर्यकारक फायदे! हेल्दी डाएट प्लॅन.. तोही रंगबेरंगी पदार्थांनी भरलेला..काय आहे ‘रेनबो डाएट’? जाणून घ्या, त्याचे आश्चर्यकारक फायदे!](https://images.tv9marathi.com/wp-content/uploads/2022/06/14042717/Diet-plan-1.jpg?w=1280)
मुंबईः तंदुरुस्त आणि निरोगी राहण्यासाठी निरोगी आहार (Healthy diet) आणि चांगली जीवनशैली खूप महत्त्वाची आहे. निरोगी आहारामध्ये तुम्ही अनेक प्रकारच्या भाज्या आणि फळांचा (vegetables and fruits)आहारात समावेश करू शकता. ही फळे आणि भाज्या अनेक पोषक तत्वांनी समृद्ध असतात. त्यामध्ये अनेक प्रकारची जीवनसत्त्वे आणि खनिजे असतात. निरोगी राहण्यासाठी लोक अनेक प्रकारचे डाएट फॉलो करतात. यामध्ये केटो डाएट, पॅलेओ डाएट आणि इंटरमिटंट फास्टिंग इत्यादी डाएट प्रकारांचा समावेश होतो. यापैकी एक इंद्रधनुष्य आहार (Rainbow diet) म्हणजेच रेनबो डाएट ही आहे. इंद्रधनुष्याच्या रंगाप्रमाणे सर्व रंगाचा समावेश तुमच्या आहारात केला जावा यासाठी हा डाएट प्लॅन तयार केला आहे. रेनबो डाएटमधील आहार तुम्हाला तंदुरुस्त आणि निरोगी ठेवतो आणि अनेक रोगांपासून तुमचे रक्षण करण्याचे काम करतो.
काय आहे ‘रेनबो डाएट’ चा अर्थ
इंद्रधनुष्य म्हणजे रेनबो डाएट चा अर्थ सर्वसाधारण रंगेबेरंगी खादयपदार्थांचा समावेश असलेला आहार असा होतो. इंद्रधनुष्यात सात रंग असतात. त्याचप्रमाणे, इंद्रधनुष्य आहारामध्ये विविध रंगीबेरंगी फळे आणि भाज्यांचा समावेश आहे. या पदार्थांमध्ये असलेला नैसर्गिक रंग पोषक तत्वांमुळे असतो. प्रत्येक रंगाचा शरीरावर वेगळा प्रभाव पडतो. ते शरीरातील ऊर्जा वाढवण्याचे काम करतात. त्यामुळे रोगप्रतिकारशक्ती वाढते. तसेच अनेक आजारांपासून संरक्षण करण्यास मदत होते.
लाल आणि गुलाबी अन्न
यामध्ये डाळिंब, लाल मिरची, स्ट्रॉबेरी, टोमॅटो, टरबूज, सफरचंद, बीट आणि रासबेरी सारख्या पदार्थांचा समावेश आहे. त्यात अँथोसायनिन्स असतात. हे अँटिऑक्सिडंट आहे. त्वचेसाठी हे खूप फायदेशीर आहे. त्यामुळे मधुमेहाचा धोका कमी होतो. स्ट्रोक आणि हृदयविकारांपासून संरक्षण करण्यास या आहारामुळे मदत होते.
केशरी आणि पिवळे पदार्थ
यामध्ये गाजर, लिंबू, संत्री, आंबा आणि रताळे यांसारख्या पदार्थांचा समावेश होतो. या रंगासाठी कॅरोटीनॉइड जबाबदार असतात. हे पदार्थ रोगप्रतिकारक शक्ती वाढवण्यास मदत करतात. ते तुमची दृष्टी सुधारतात. ते त्वचा निरोगी ठेवण्याचे आणि सांधे निरोगी ठेवण्याचे काम करतात.
हिरवे अन्नपदार्थ
हिरव्या पालेभाज्या कॅल्शियमचा चांगला स्रोत आहेत. तुम्ही त्यांचे नियमित सेवन करू शकता. व्हिटॅमिन ए समृद्ध असलेल्या भाज्यांमध्ये ब्रोकोली आणि ब्रसेल्स स्प्राउट्स समाविष्ट आहेत. व्हिटॅमिन सी समृद्ध असलेल्या इतर हिरव्या पदार्थांमध्ये किवी आणि हिरवी शिमला मिरची यांचा समावेश होतो. या पदार्थांचे सेवन केल्याने कर्करोगाचा धोका कमी होतो. ते रोगप्रतिकारशक्ती वाढवतात.
निळे आणि जांभळे पदार्थ
निळ्या आणि जांभळ्या पदार्थांमध्ये फायटोन्यूट्रिएंट्स जास्त असतात. यामध्ये ब्लॅकबेरी, प्लम्स, ब्लूबेरी, लाल कोबी आणि एग्प्लान्ट इत्यादी पदार्थांचा समावेश आहे. हे आरोग्यासाठी खूप फायदेशीर आहेत. ते जळजळ होण्याची समस्या कमी करतात. ते स्मृती गमावण्यापासून प्रतिबंधित करतात.
तपकिरी रंगाचे खाद्यपदार्थ
तपकिरी पदार्थांमध्ये ताजी फळे, सुकामेवा, बिया आणि संपूर्ण धान्य यांचा समावेश होतो. त्यामध्ये फायबरचे प्रमाण जास्त असते. हे पदार्थ कोलेस्टेरॉल नियंत्रित ठेवण्याचे आणि पचनसंस्था निरोगी ठेवण्याचे काम करतात.