Weight Loss Tips: हिवाळ्यात वाढते वजन रोखण्यासाठी रोज खा ‘हे’ 5 पदार्थ

Image Credit source: Freepik

नवी दिल्ली – वाढते वजन, लठ्ठपणा (obesity) ही आजकाल बहुतांश लोकांच्या जीवनातील समस्या बनली आहे. वजन कमी व्हावे (weight loss)यासाठी लोकं विविध उपाय करत असतात. काही जण महागडे डाएट करता तर काही जण जिममध्ये जाऊन कठोर मेहनत करत घाम गाळतात. त्यामध्ये काही लोक यशस्वीही ठरतात, त्यांचे वजन कमी होते. पण काही लोकांच्या पदरी निराशा येते. वाढत्या वजनावर (control the weight gain) नियंत्रण ठेवण्यासाठी वर्कआऊटसोबत डाएटवर विशेष लक्ष द्यावे लागते. विशेषत: हिवाळ्यात वाढत्या वजनावर नियंत्रण ठेवण्यासाठी आहाराकडे बारकाईने लक्ष देणे आवश्यक आहे. जर तुम्हीही लठ्ठपणाने त्रस्त असाल आणि वाढत्या वजनावर नियंत्रण ठेवायचे असेल तर हिवाळ्यात या 5 गोष्टी खा.

गाजर खावे

हिवाळ्यात अनेक लोक गाजराचा हलवा मोठ्या आवडीने खातात. गाजरामध्ये फायबर मुबलक प्रमाणात आढळते. वाढत्या वजनावर नियंत्रण ठेवण्यासाठी फायबर उपयुक्त ठरते. यासाठी हिवाळ्यात गाजराचे सेवन केले जाऊ शकते. त्यामुळे पोटाची पचनक्रियाही सुरळीत राहते. यासोबतच वाढत्या वजनावर नियंत्रण ठेवण्यासही मदत होते. गाजरात व्हिटॅमिन-के, कॅल्शिअम, पोटॅशिअम, मॅग्नेशिअम आणि व्हिटॅमिन-ए आढळते.

मुळ्याचे सेवन करा

मुळ्यामध्ये पाणी भरपूर प्रमाणात आढळते. तसेच फायबरही असते. मुळ्यामध्ये कॅलरीजही कमी असतात. त्यामुळे वाढत्या वजनावर नियंत्रण ठेवण्यासाठी मुळ्याचे सेवन करणे फायदेशीर ठरते. हिवाळ्यात तुम्ही मुळ्याचा पराठी, मुळ्याचे लोणचे, मुळा आणि टोमॅटोचे सूप, मुळा आणि गाजराचे सॅलेड खाऊ शकता.

हिरव्या पालेभाज्या खा

हिवाळ्यात विविध प्रकारच्या हिरव्या पालेभाज्या मिळतात. यामध्ये मोहरी, मेथी, पालक, मुळा, हरभरा आणि चाकवत यासह अनेक प्रकारच्या हिरव्या भाज्यांचा समावेश आहे. हिरव्या पालेभाज्यांच्या सेवनाने आरोग्यावर अनुकूल परिणाम होतो. याच्या वापराने वाढत्या वजनावर नियंत्रण ठेवण्यासही मदत होते. यासाठी तुम्ही मुळा, चाकवत, पालक, मेथी इत्यादी हिरव्या पालेभाज्यांचे सेवन करू शकता.

शेंगदाण्यांचे करावे सेवन

शेंगदाण्यांमध्ये प्रोटीन, फायबर, मोनोअनसॅच्युरेटेड, पॉलीअनसॅच्युरेटेड आणि फॅटी ॲसिड आढळतात, जे कॅलरीज बर्न करण्यात महत्त्वाची भूमिका बजावतात. याच्या वापराने वाढते वजन सहज नियंत्रित करता येते. यासाठी तुम्ही शेंगदाणा घातलेले पोहे, शेंगदाण्याचे चाट किंवा पीनट बटरचे सेवन करू शकता.

रताळं खा

वाढत्या वजनावर नियंत्रण ठेवायचे असेल तर हिवाळ्यात रताळ्याचे सेवन करू शकता. यामध्ये फायबर मुबलक प्रमाणात आढळते. यासाठी डॉक्टरही लठ्ठपणाचा समान करणाऱ्या रुग्णांना रताळं खाण्याचा सल्ला देतात. याच्या सेवनाने पचनक्रियाही चांगली राहते.

( डिस्क्लेमर- या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. पण कोणताही उपचार करण्याआधी संबंधित आजारातील, तज्ज्ञांचा अथवा डॉक्टरांचा सल्ला घ्या.)