ब्रिटनमध्ये आता कोरोनाचा नवीन व्हेरिएंट AY.4.2 ची भीती, 24 तासात 223 मृत्यू, जाणून घ्या काय म्हणाले शास्त्रज्ञ

ब्रिटनमध्ये आता नवीन व्हेरिएंट AY.4.2 ची भीती

लंडन : एकीकडे, भारतासह जवळजवळ संपूर्ण जगात कोरोना रुग्णांच्या आकडेवारीमध्ये घट झाली आहे. तर दुसरीकडे ब्रिटनमध्ये 24 तासात 223 अचानक मृत्यू झाल्याने दहशत पसरली आहे. अधिकृत आकडेवारीनुसार, मंगळवारी ब्रिटनमध्ये 223 मृत्यू झाले, जे या वर्षी मार्चनंतरचे सर्वाधिक आकडे आहेत. त्याचबरोबर 43,738 नवीन रुग्णांची नोंद करण्यात आली. याचे सर्वात मोठे कारण यूकेमध्ये डेल्टाचे नवीन रूप AY.4.2 असल्याचे मानले जाते. यूकेच्या आरोग्य विभागाने नवीन केसेच्या प्रसारासाठी नवीन व्हेरिएंटला जबाबदार धरले आहे आणि त्याचे मूल्यांकन करण्यास सांगितले आहे. (Fear of new variant AY.4.2 now in Britain, 223 deaths in 24 hours)

हा व्हेरिएंट धोकादायक आहे का?

डेल्टाचे नवीन व्हेरिएंट AY.4.2 सध्या धोक्याचे मानले जात नाही. याबाबत प्रथम जुलै 2021 मध्ये माहित झाले होते. डेल्टा व्हेरिएंटमध्ये काही नवीन उत्परिवर्तन आहेत, जे स्पाइक प्रोटीनवर परिणाम करतात. तज्ज्ञ सांगतात की AY.4.2 संभाव्यतः अधिक संसर्गजन्य आहे. परंतु याची तुलना डेल्टा किंवा अल्फा व्हेरिएंटशी केली जाऊ शकत नाही जी 50 ते 60% अधिक संसर्गजन्य होती.

24 तासांत भारतात 14,623 रुग्ण सापडले; 197 मृत्यू

भारतात कोरोना विषाणूच्या संसर्गामध्ये थोडी वाढ नोंदवण्यात आली आहे. गेल्या 24 तासांत देशात 14 हजार 623 नवीन केसेस सापडली आहेत. या दरम्यान 197 रुग्णांचा मृत्यू झाला. नवीन आकडेवारीसह, देशातील संक्रमित लोकांची एकूण संख्या 3 कोटी 41 लाख 8 हजार 996 वर गेली आहे. त्याचबरोबर आतापर्यंत 4 लाख 52 हजार 651 रुग्णांचा मृत्यू झाला आहे. सध्या देशात 1 लाख 78 हजार 98 रुग्णांवर उपचार सुरू आहेत.

महाराष्ट्रात कोविड -19 ची 1,638 नवीन प्रकरणे

मंगळवारी महाराष्ट्रात कोविड -19, चे 1638 नवीन रुग्ण आढळल्याने एकूण संक्रमित लोकांची संख्या वाढून 65,94,820 झाली आहे, तर आणखी 49 रुग्णांच्या मृत्यूमुळे मृतांची संख्या 1,39,865 वर पोहोचली आहे. राज्याच्या आरोग्य विभागाच्या एका अधिकाऱ्याने ही माहिती दिली. अधिकाऱ्याने दिलेल्या माहितीनुसार, गेल्या 24 तासांमध्ये 2,791 रुग्ण संसर्गातून बरे झाले आहेत, त्यानंतर संसर्गमुक्त झालेल्या लोकांची संख्या 64,24,547 झाली आहे. महाराष्ट्रात कोविड -19 वर उपचार घेत असलेल्या रुग्णांची संख्या वाढून 26,805 झाली आहे. संसर्गातून बरे होण्याचा दर 97.42 टक्के झाला आहे, तर मृत्यू दर 2.12 टक्के आहे.

केरळमध्ये 7 हजाराहून अधिक प्रकरणे

केरळमध्ये मंगळवारी कोविड -19 ची 7,643 नवीन प्रकरणे आल्यानंतर राज्यातील संक्रमित लोकांची एकूण संख्या 48,59,434 झाली आहे. राज्यात गेल्या 24 तासांत, साथीच्या आजारामुळे आणखी 77 रुग्णांचा मृत्यू झाला, राज्यात आतापर्यंत एकूण 27,002 संक्रमित लोकांचा मृत्यू झाला आहे. राज्य आरोग्य विभागाने प्रसिद्धीपत्रक जारी करून ही माहिती दिली. केरळमध्ये गेल्या 24 तासांदरम्यान, कोविड -19 चे 10,488 रुग्ण संसर्गमुक्त झाले, ज्यामुळे राज्यात या प्राणघातक विषाणूच्या संसर्गावर मात करणाऱ्या लोकांची संख्या 47,60,781 झाली आहे. राज्यात कोविड -19 वर उपचार घेत असलेल्या रुग्णांची संख्या 80,262 आहे, असे प्रसिद्धीपत्रकात सांगण्यात आले.

दिल्लीमध्ये एका रुग्णाचा मृत्यू

मंगळवारी दिल्लीमध्ये कोविड -19 मुळे एका व्यक्तीचा मृत्यू झाला, तर आणखी 36 लोकांना संसर्ग झाला. शहराच्या आरोग्य विभागाच्या आकडेवारीनुसार, संक्रमणाचे प्रमाण 0.06 टक्के आहे. गेल्या महिन्यात शहरात कोरोना विषाणूच्या संसर्गामुळे पाच जणांचा मृत्यू झाला. त्यापैकी 7, 16 आणि 17 सप्टेंबर रोजी प्रत्येकी एक मृत्यू झाला, तर दोन लोकांचा 28 सप्टेंबर रोजी मृत्यू झाला. (Fear of new variant AY.4.2 now in Britain, 223 deaths in 24 hours)

इतर बातम्या

Video : प्रियंका गांधींना मिळाली अपघाताची माहिती, जखमी महिलेला स्वत: केली मलमपट्टी

जो सोने को देते है आकार, नाम है उनका स्वर्णकार, रामदास आठवलेंची आंध्रात टोलेबाजी