असा प्राणी आयुष्यात एकदाही पाणी न पिता जगू शकतो; तुम्हाला माहीत आहे का?

भारत विविध प्रकारच्या प्राण्यांची मातृभूमी आहे, जिथे जंगल, सागरी किनारे आणि डोंगररांगा विविध जीवजंतूंसाठी घर बनले आहेत. यामध्ये अनेक प्राणी पाणीच्या आसपासच राहतात, कारण पाणी म्हणजेच जीवन. परंतु, भारतात असेही काही अद्भुत प्राणी आहेत जे उंटांसारखे १०-१५ दिवस पाणी न पिऊनही जगू शकतात. आणि सर्वात आश्चर्यकारक गोष्ट म्हणजे, एक असा प्राणी देखील आहे जो आयुष्यभर पाणी न पिऊनही जीवन जगू शकतो! त्याच्या अनोख्या जीवशक्तीमुळे, तो एक रहस्यमय आणि आकर्षक जीव बनला आहे. चला, जाणून घेऊया हा अद्भुत प्राणी कोण आहे आणि त्याचे जीवन कसे घडते!

हे प्राणी हरणांच्या प्रजातीचे असून त्याचे नाव गेरेनुक आहे. गेरेनुक हे लांब मानेचे, मध्यम आकाराचे हरण आहे, जे पूर्व आफ्रिकेत आढळते. त्याचे वैज्ञानिक नाव Litocranius walleri असून गेरेनुकला जिराफ गझेल असेही म्हणतात. इथिओपिया, सोमालिया आणि टांझानिया यांसारख्या पूर्व आफ्रिकेतील कोरड्या आणि काटेरी भागात हे आढळते.

गेरेनुकची मान लांब आणि पातळ असून ती ८०-१०५ सें.मी. पर्यंत लांब असते.हे हरण विविध प्रकारची पाने, कोंब, फळे, फुले आणि कळ्या खातात. त्यांना आवश्यक ते पाणी वनस्पतींमधून मिळते, त्यामुळे पाणी पिण्याची गरज नाही आणि ते आयुष्यभर पाण्याशिवाय जगू शकतात. गेरेनुकच्या मणक्याची अनोखी रचना त्यांना त्यांच्या मागील पायांवर सरळ उभे राहून २ मीटर (सुमारे ६ फूट) उंचीपर्यंत अन्नापर्यंत पोहोचण्यास सक्षम करते. त्यांच्या भक्षकांपासून वाचण्यासाठी ते प्रतितास ४० मैल वेगाने ६४ किलोमीटर धावू शकतात आणि स्वतःचा बचाव स्वतः करतात.