आधी राजघरण्यात शिरकाव, आता थेट पंतप्रधानांनाही कोरोनाची लागण, ब्रिटनचे पंतप्रधान कोरोनाग्रस्त

लंडन : ब्रिटनचे पंतप्रधान बोरीस जॉनसन (Boris Johnson Test Corona Positive) यांनाही कोरोनाची लागण झाल्याचं स्पष्ट झालं आहे. काहीच वेळापूर्वी त्यांनी स्वत: ट्विटरवर व्हिडीओ शेअर करत याबाबतची (Boris Johnson Test Corona Positive) माहिती दिली.

बोरीस जॉनसन यांना कोरनाची काही लक्षणं आढळून आली. जसे, ताप आणि खोकला. त्यानंतर त्यांची त्यांच्या आरोग्य अधिकाऱ्याच्या सल्ल्यानंतर कोरोनाची तपासणी केली आणि यामध्ये ते कोरोना पॉझिटिव्ह असल्याचं समोर आलं. त्यानंतर बोरीस जॉनसन यांनी स्वत:ला आयसोलेशनमध्ये ठेवल्याचं सांगितलं.

Over the last 24 hours I have developed mild symptoms and tested positive for coronavirus.

I am now self-isolating, but I will continue to lead the government’s response via video-conference as we fight this virus.

Together we will beat this. #StayHomeSaveLives pic.twitter.com/9Te6aFP0Ri

— Boris Johnson #StayHomeSaveLives (@BorisJohnson) March 27, 2020

“गेल्या 24 तासांमध्ये मला काही सौम्य लक्षणं जाणवली आणि मी कोरोना पॉझिटिव्ह असल्याचं स्पष्ट झालं.”

“मी आता स्वत: ला वेगळं ठेवलं आहे. मात्र, मी कोरोनाशी लढा देण्यात व्हिडीओ कॉन्फरन्सिंगद्वारे सरकारचे नेतृत्व करत राहीन. “, असं ट्विट बोरीस जॉनसन यांनी केलं.

इंग्लंडच्या राजघराण्यातही कोरोनाचा शिरकाव, प्रिन्स चार्ल्स यांना कोरोना संसर्ग

इंग्लंडच्या राजघराण्यातही कोरोना संसर्गाने शिरकाव केला आहे. 71 वर्षीय प्रिन्स चार्ल्स यांनाही कोरोना संसर्ग झाल्याचं स्पष्ट झालं आहे (Corona Virus infection to Prince Charles of England). त्यामुळे इंग्लंडमध्ये एकच खळबळ माजली आहे. चार्ल्स यांना कोरोनाच्या प्राथमिक टप्प्यातील काही लक्षणं दिसत आहेत. मात्र, त्यांची प्रकृती अगदी व्यवस्थित असल्याची माहिती चार्ल्स यांच्या प्रवक्त्याने दिली आहे.

Boris Johnson Test Corona Positive