Aurangabad Corona : औरंगाबादमध्ये सकाळपर्यंत 55 रुग्णांचा अहवाल पॉझिटिव्ह, जिल्ह्यात कोरोनाचा धुमाकूळ
राज्यात कोरोनाबाधितांचा आकडा दिवसेंदिवस वाढत चालला (Aurangabad Corona Positive Cases) आहे.
औरंगाबाद : राज्यात कोरोनाबाधितांचा आकडा दिवसेंदिवस वाढत चालला (Aurangabad Corona Positive Cases) आहे. औरंगाबादमध्ये कोरोनाने थैमान घातलं आहे. त्यातच औरंगाबाद शहराला आणखी एक मोठा धक्का मिळाला आहे. शहरात आज (14 मे) सकाळी 8 वाजेपर्यंत आणखी 55 जणांचे रिपोर्ट कोरोना पॉझिटिव्ह आले आहेत. त्यामुळे जिल्ह्यात आता कोरोनाबाधितांचा आकडा 742 वर पोहोचला (Aurangabad Corona Positive Cases) आहे.
औरंगाबादमध्ये आज दिवसाच्या सुरुवातीलाचा 55 रुग्णांचे रिपोर्ट पॉझिटिव्ह आल्याने जिल्ह्यात सर्वत्र एकच खळबळ उडालेली आहे. जिल्ह्यात आतापर्यंत कोरोनामुळे 20 जणांचा मृत्यू झाला आहे. गेल्या दोन दिवसात औरंगाबादमध्ये 4 रुग्णांचा मृत्यू झाला आहे. त्यामुळे औरंगाबादमध्ये कोरोनाचा हाहा:कार पाहायला मिळत आहे.
औरंगाबादमध्ये 15 मार्च रोजी पहिला कोरोनाबाधित रुग्ण आढळला होता. या रुग्णानंतर कोरोनाबाधितांचा आकड्यात काहीशी वाढ होत होती. मात्र गेल्या 20 दिवसात हा आकडा प्रचंड वेगाने वाढत आहेत. त्यामुळे सद्यस्थितीत कोरोनाची साखळी तोडण्याचे मोठं आवाहन प्रशासनापुढे आहे.
दरम्यान, राज्यातही दिवसेंदिवस कोरोनाबाधितांच्या संख्येत वाढ होत आहे. राज्यात आतापर्यंत 25 हजार 922 कोरोनाबाधित रुग्ण आढळले आहेत. तर 975 रुग्णांचा कोरोनाने मृत्यू झाला आहे. राज्यात 5 हजार 125 रुग्ण कोरोनाने बरे झाले आहेत.
औरंगाबादमध्ये 07 दिवसांत 362 वाढले
तारीख नवे रुग्ण एकूण रुग्ण
8 मे 99 477
9 मे 30 528
10 मे 50 558
11 मे 69 627
12 मे 26 653
13 मे 35 688
14 मे 55 742
संबंंधित बातम्या :
मुंबई, पुण्यानंतर औरंगाबाद कोरोनाचा नवा हॉटस्पॉट, दिवसेंदिवस रुग्ण वाढतेच