Corona Update : महाराष्ट्रात दिवसभरात 790 नव्या कोरोना रुग्णांची नोंद, आकडा 12,296 वर

मुंबई : महाराष्ट्रात आज (2 मे) दिवसभरात 790 नव्या (Corona Victims In Maharashtra) कोरोना रुग्णांची नोंद झाली आहे. त्यामुळे महाराष्ट्रातील कोरोनाबाधितांची संख्या 12 हजार 296 वर पोहोचली आहे. तर, आज राज्यात दिवसभरात 36 कोरोनाबाधित रुग्णांचा मृत्यू झाला आहे. या व्यतिरिक्त आज दिवसभरात 121 कोरोनाबाधित रुग्ण उपचारानंतर बरे झाले असून त्यांना घरी (Corona Victims In Maharashtra) सोडण्यात आलं आहे.

36 जणांचा कोरोनामुळे मृत्यू, मृतांचा आकडा 521 वर

आज राज्यात 36 कोरोनाबाधित रुग्णांचा मृत्यू झाला आहे. त्यामुळे राज्यातील एकूण कोरोनाबाधित रुग्णांच्या मृत्यूची संख्या आता 521 झाली आहे. आज झालेल्या मृत्यूंपैकी सर्वाधिक मृत्यू हे मुंबईत झाले आहेत. आज मुंबईत 27 जणांना कोरोनामुळे मृत्यू झाला. तर पुणे शहरातील 3, अमरावती शहरातील 2, वसई विरारमधील 1, अमरावती जिल्ह्यातील 1, औरंगाबादमधील एकाचा मृत्यू झाला आहे. तर पश्चिम बंगालमधील एकाचा मुंबईत मृत्यू झाला.

आज झालेल्या मृत्यूंपैकी 28 पुरुष, तर 8 महिला आहेत. आजच्या 36 मृत्यूंपैकी 19 रुग्ण हे 60 वर्षे किंवा त्यावरील वयोगटातील आहेत. तर 16 रुग्ण वय वर्षे 40 ते 59 या वयोगटातील आहेत. एक जण 40 वर्षांखालील आहे. या 36 रुग्णांपैकी 23 जणांमध्ये (70 टक्के) मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत. तर 3 जणांची इतर आजाराबद्दलची (Corona Victims In Maharashtra) माहिती नाही.

1, 61, 092 नमुन्यांच्या कोरोना चाचणी

आत्तापर्यंत राज्यभरात एकूण 1 लाख 61 हजार 092 नमुन्यांच्या कोरोना चाचणी झाल्या. त्यापैकी 1 लाख 48 हजार 248 जणांचे प्रयोगशाळा नमुने कोरोनासाठी निगेटिव्ह आले आहेत. तर, 12 हजार 296 जण पॉझिटिव्ह आले आहेत. सध्या राज्यात 1 लाख 74 हजार 933 लोक होम क्वारंटाईनमध्ये आहेत. 12 हजार 623 लोक संस्थात्मक क्वारंटाईनमध्ये आहेत.

राज्यात सध्या 792 कंटेनमेंट झोन

राज्यातील ज्या भागात रुग्णांचे क्लस्टर सापडले आहेत त्या ठिकाणी क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 792 कंटेनमेंट झोन क्रियाशील आहेत. आज एकूण 10 हजार 513 सर्वेक्षण पथकांनी काम केले. त्यांनी 44.40 लाख लोकसंख्येचं सर्वेक्षण (Corona Victims In Maharashtra) केलं.

कोरोना रुग्णांची अद्ययावत आकडेवारी

संबंधित बातम्या :

मिरा भाईंदरमध्ये 3 वर्षांच्या चिमुरडीसह एकाच दिवसात 56 रुग्ण कोरोनामुक्त

सिमेंट मिक्सरमध्ये तब्बल 18 जण, घर गाठण्यासाठी मजुरांचा जीवघेणा प्रवास

नाशिक प्रशासनाने करुन दाखवलं, मजुरांना घेऊन दोन ट्रेन रवाना, एका डब्ब्यात 54 प्रवासी

नांदेडचा गुरुद्वारा परिसर कंटेन्मेंट झोन, 20 जणांना कोरोनाची लागण