औरंगाबाद, नवी मुंबई, वसई विरार मनपा निवडणुका लांबणीवर, आयोगाचे नगरविकास खात्याला पत्र
औरंगाबाद महापालिकेची मुदत आज (28 एप्रिल) रोजी संपणार आहे, तर नवी मुंबई महापालिकेची मुदतही 7 मे 2020 पर्यंत आहे. (Election Commission letter about Administrator on Municipal Corporations)
मुंबई : औरंगाबाद, नवी मुंबई आणि वसई विरार महापालिकेवर प्रशासक नेमण्याच्या हालचाली सुरु झाल्या आहेत. निवडणूक आयोगाने नगरविकास खात्याला पत्र लिहून यासंदर्भात विचारणा केली आहे. निवडणुका शक्य नसल्याने प्रशासक नेमण्याबाबत निर्णय होण्याची शक्यता आहे. (Election Commission letter about Administrator on Municipal Corporations)
‘कोरोना व्हायरस’च्या संकटाच्या पार्श्वभूमीवर निवडणूक आयोगाने सर्व निवडणुका अनिश्चित काळासाठी पुढे ढकलल्या आहेत. नजीकच्या काळातही निवडणुका घेता येत नसल्याने मुदत संपताच प्रशासक नेमावा लागणार आहे.
औरंगाबाद महापालिकेची मुदत आज (28 एप्रिल) रोजी संपणार आहे, तर नवी मुंबई महापालिकेची मुदतही 7 मे 2020 पर्यंत आहे. कोरोनाचा प्रादुर्भाव होण्याआधी निवडणुकांची रणधुमाळी सुरु झाली होती. मात्र हे संकट दूर होईपर्यंत अनिश्चित काळासाठी निवडणुका पुढे ढकलण्यात आल्या आहेत
हेही वाचा : ‘संभव हो तो जाने से पहले एक बार जरुर मिलना’, भाजप नेत्याचा मेसेज डावलून तनवाणी शिवसेनेत!
औरंगाबाद, नवी मुंबई आणि वसई विरार महापालिका यांच्यासह कुळगाव-बदलापूर, अंबरनाथ, राजगुरुनगर, भडगाव, वरणगाव, भोकर, मोवाड आणि वाडी या आठ नगरपालिका, केज नगर पंचायतीची मुदत नजीकच्या काळात संपत आहे.
अशी आहे मुदत
औरंगाबाद महापालिका- 28 एप्रिल 2020
नवी मुंबई महापालिका- 7 मे 2020
वसई-विरार महापालिका – 28 जून 2020
कुळगाव-बदलापूर नगर परिषद- 19 मे 2020
अंबरनाथ नगर परिषद- 19 मे 2020
राजगुरूनगर (पुणे) नगर परिषद- 15 मे 2020
भडगाव (जळगाव) नगर परिषद- 29 एप्रिल 2020
वरणगाव (जळगाव) नगर परिषद- 5 जून 2020
भोकर (नांदेड) नगर परिषद- 9 मे 2020
मोवाड (नागपूर) नगर परिषद- 19 मे 2020
वाडी (नागपूर) नगर परिषद- 19 मे 2020
केज (बीड) नगर पंचायत- 1 मे 2020
राज्यपालांनी फडणवीसांना मुख्यमंत्री करण्यासाठी त्यांचा अधिकार वापरला, आता त्यांना मंत्रिमंडळाचं ऐकावं लागेल : पृथ्वीराज चव्हाण https://t.co/LKkgYI0uUk @prithvrj @Dev_Fadnavis @maha_governor @AjitPawarSpeaks @Ksbsunil @OfficeofUT
— TV9 Marathi (@TV9Marathi) April 28, 2020
(Election Commission letter about Administrator on Municipal Corporations)