Maharashtra Corona Patient | राज्यातील कोरोनाबाधितांचा आकडा 26 हजारच्या उंबरठ्यावर, मुंबई, पुण्यासह कुठे किती रुग्णांची वाढ?

मुंबई : महाराष्ट्रात कोरोनाबाधितांचा आकडा सातत्याने वाढत आहे. राज्यातील कोरोनाबाधितांचा आकडा 26 हजारच्या उंबरठ्यावर पोहोचला (Maharashtra Corona Infected Patient) आहे. आज (13 मे) राज्यात नव्या 1 हजार 495 रुग्णांची नोंद करण्यात आली. तर दिवसभरात 54 कोरोना रुग्णांचा मृत्यू झाला. राज्यातील कोरोनाबाधितांची संख्या 25 हजार 922 वर पोहोचली आहे.

कोरोनाचे हॉटस्पॉट बनलेल्या मुंबईत आज 800 नवे रुग्ण आढळले (Maharashtra Corona Infected Patient) आहेत. तर दिवसभरात 40 जणांचा मृत्यू झाला आहे. त्यामुळे मुंबईतील एकूण रुग्णसंख्या 15 हजार 747 वर पोहोचली आहे.

राज्यातील कोरोनाबाधित एकूण मृतांची संख्या 975 वर पोहोचली आहे. आज झालेल्या 54 मृत्यूंपैकी मुंबईतील 40, पुण्यात 6, जळगाव 2,सोलापूर शहर 2, औरंगाबाद 2, वसई विरार  आणि रत्नागिरीमध्ये प्रत्येक 1 मृत्यू झाला आहे. आज झालेल्या मृत्यूंपैकी 33 पुरुष तर 21 महिला आहेत.

आज झालेल्या 54 मृत्यूपैकी 60 वर्षे किंवा त्यावरील 29 रुग्ण आहेत. तर 21 रुग्ण हे 40 ते 59 या वयोगटातील आहेत. तर 4 जण हे 40 वर्षांखालील आहे. या 54 रुग्णांपैकी 36 जणांमध्ये (67 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार होते.

दिवसभरात 422 कोरोना रुग्णांना डिस्चार्ज

राज्यात आज 422 कोरोनाबाधित रुग्णांना घरी सोडण्यात आले आहेत. सुदैवाने आतापर्यंत राज्यभरात 5 हजार 547 रुग्ण बरे झाले आहेत, अशी माहिती आरोग्यमंत्री राजेश टोपे यांनी आज दिली.

आतापर्यंत 2 लाख 30 हजार 857 नमुन्यांपैकी 2 लाख 03 हजार 439 जणांचे प्रयोगशाळा नमुने कोरोना निगेटिव्ह आले आहेत. तर 25 हजार 922 जण पॉझिटिव्ह आले आहेत. सध्या राज्यात 2 लाख 98 हजार 213 लोक होम क्वारंटाईनमध्ये आहेत. तर 14 हजार 627 लोक संस्थात्मक क्वारंटाईनमध्ये आहेत.

महाराष्ट्रातील कोरोना रुग्णांची आकडेवारी

(Maharashtra Corona Infected Patient)

संबंधित बातम्या :

Pune Corona Discharge | पुण्यात कोरोनाबाधित डिस्चार्ज होणाऱ्यांची संख्या वाढली, 12 दिवसात 937 जणांना डिस्चार्ज‬

Kolhapur Corona | मुंबई-पुणेकरांनी कोल्हापूरची धाकधूक वाढवली, गावी परतणाऱ्यांचा लोंढा