लॉकडाऊनमुळे 10 बाय 10 च्या घरात लग्न, पोलीस वऱ्हाडी, 5-6 जणांची हजेरी

नागपूर : कोरोना विषाणूच्या वाढत्या प्रादुर्भावामुळे राज्यात लॉकडाऊन घोषित करण्यात आले आहे. त्यामुळे ऐन लग्नसराईच्या काळात अनेकांची लग्न खोळंबली (Police guest in Orphans girl Wedding Nagpur) आहेत. त्यामुळे अनेकांनी आपली लग्न पुढे ढकलली आहेत. तर काहींनी साध्या पद्धतीने लग्न उरकली आहेत. नागपूरमध्येही एका निराधार मुलीनं साध्या पद्धतीत 10 बाय 10 च्या घरात लग्न केलं आहे. अंजली बांगरे असं या निराधार मुलीचे नाव आहे. विशेष म्हणजे या निराधार मुलीच्या लग्नात पोलीसचं वऱ्हाडी बनून आले (Police guest in Orphans girl Wedding Nagpur) होते.

लॉकडाऊनमुळे लग्न समारंभ कसा करायचा हा प्रश्न सध्या अनेक वर आणि वधूकडील मंडळींना पडला आहे. पण यावर नागपूरच्या अंजलीने उपाय शोधला आणि साध्या पद्धतीने तिने आपले लग्न उरकले. विशेष म्हणजे अंजलीला आई-वडील नसल्यानं पोलीसंच या लग्नात वऱ्हाडी बनून आले होते. पाच ते सहा पाहुण्यांच्या उपस्थितित हा लग्न सोहळा पार पडला आहे.

अंजलीने निलेश टेटे या तरुणाशी लग्न केलं आहे. नागपूर जिल्ह्यातील महादूल्यात अंजली आणि निलेशचा विवाह समारंभ पार पडला. अगदी साध्या पद्धतीने आणि कमीत कमी खर्चात हे लग्न करण्यात आले आहे. सध्या जिल्ह्यात या लग्नाची चर्चा सुरु आहे.

नुकतेच पुण्यात एका लग्नात वर आणि वधूचे वडील पोहचू शकले नाही. त्यामुळे स्थानिक पोलिसांनी मुलीचे कन्यादान केले. पुण्यात आयटी इंजिनिअर असलेल्या आदित्य बीश्तने डॉक्टर असलेल्या नेहा कुशवाहसोबत विवाह केला. पोलिसांनीच कन्यादान केल्यामुळे वर-वधू दोघांनाही आनंद झाला होता.

संबंधित बातम्या :

पुण्यात अनोखं लग्न, मुलाचे वडील देहरादूनमध्ये, मुलीचे वडील नागपुरात, पोलिसांकडून कन्यादान

लॉकडाऊन वाढल्याने लग्न लांबली, विदर्भातील हजारपेक्षा अधिक लग्न लांबणीवर