PHOTO: देशातील पहिल्या सी-प्लेनची गगन भरारी, वैशिष्ट्यं काय?
पंतप्रधान नरेंद्र मोदी दोन दिवसीय गुजरात दौऱ्यावर आहे. या दौऱ्यादरम्यान त्यांनी देशातील पहिल्या सी-प्लेनचं उद्धाटन केले. (PM Modi Inaugurates India first Seaplane Service)
- पंतप्रधान नरेंद्र मोदी दोन दिवसीय गुजरात दौऱ्यावर आहे. मोदींनी गुजरात दौऱ्याच्या दुसऱ्या दिवशी देशातील पहिल्या सी-प्लेनचं लोकार्पण केले.
- सी-प्लेन साबरमती रिव्हरफ्रंट ते केवाडिया़ परिसरात गगनभरारी घेतली. विशेष म्हणजे पंतप्रधान मोदींनी स्वत: केवडियापासून ते साबरमतीपर्यंत सी-प्लेनमधून प्रवास केला.
- जमीन आणि पाण्यावर उड्डाण करणाऱ्या सी प्लेन फक्त 300 मीटर रनवेवरून ते उड्डाण करू शकते. यासाठी एखाद्या जलाशयातील 300 मीटर धावपट्टीचासुद्धा वापर करता येणार आहे.
- हे अॅफिबियस कॅटेगरीतील विमान असून यातून एकावेळी 14 ते 19 जण प्रवास करू शकतात. यात 4 क्रू मेंबर आणि 14 प्रवासी असतील.
- सी-प्लेनची संपूर्ण सेवा ही स्पाईस जेटच्या स्पाईस शटल या कंपनीकडून देण्यात येत आहे.
- आजपासून सी-प्लेनच्या सेवेचा शुभारंभ झाला असून अहमदबाद ते केवाडिया या मार्गावर दररोज दोन उड्डाण असणार आहेत. यात 45 मिनिटात 220 किमीपर्यंतचा प्रवास केला जाणार आहे.
- अहमदाबाद ते केवाडिया आणि केवाडिया ते अहमदाबाद या दोन्ही मार्गांवरील प्रवासाचे 3 हजार रुपये भाडे घेतले जाणार आहे. तर एका मार्गावरील प्रवासाकरिता 1500 रुपये भाडे आकारले जाणार आहे.
- आजपासून सी प्लेनच्या ऑनलाईन तिकीट बुकींगला सुरुवात झाली आहे.
- गुजरात दौऱ्यादरम्यान मोदींनी सरदार वल्लभभाई पटेल यांच्या जयंतीनिमित्त स्टॅच्यू ऑफ युनिटीला भेट दिली.
