सोनाक्षी सिन्हाने हेडफोन मागवले, अमेझॉनवरुन लोखंडी नळ आला

मुंबई : ऑनलाईन धोका अनेकांना बसल्याचं तुम्ही आतापर्यंत ऐकलंय. पण आता चक्क बॉलिवूडची दबंग गर्ल सोनाक्षी सिन्हालाही ऑनलाईन शॉपिंग करणं महागात पडलंय. सोनाक्षी सिन्हाने अमेझॉनवरुन बोसचे हेडफोन मागवले होते. पण तिला कुरिअरने चक्क तुटलेल्या नळाचे तुकडे घरी आणून देण्यात आले.

सोनाक्षी सिन्हाने ट्विटरवरुन याबाबत माहिती दिली आणि अमेझॉनकडे तक्रारही केली. सोनाक्षीने 18 हजार रुपयांचे बोसचे हेडफोन मागवले होते. याबदल्यात तिला लोखंडी नळाचे तुटलेले तुकडे पाठवण्यात आले. तिने यानंतर तक्रारही केली. पण याला अमेझॉनकडून कोणताही प्रतिसाद मिळाला नाही, असं तिने ट्वीटमध्ये म्हटलं आहे.

Hey @amazonIN! Look what i got instead of the @bose headphones i ordered! Properly packed and unopened box, looked legit… but only on the outside. Oh and your customer service doesnt even want to help, thats what makes it even worse. pic.twitter.com/sA1TwRNwGl

— Sonakshi Sinha (@sonakshisinha) December 11, 2018

विशेष म्हणजे सोनाक्षीने यानंतर आणखी एक ट्वीट करत कुणाला नळाचे तुकडे घ्यायचे का, तेही 18000 रुपयांना, अशीही विचारणा केली आणि अमेझॉनलाही सुनावलं.

Anybody want to buy a brand new shiny piece of junk for 18,000 bucks? (Yup, its a steal) Dont worry, im selling, not @amazonIN, so ull get exactly what you’re ordering. pic.twitter.com/3W891TA7yd

— Sonakshi Sinha (@sonakshisinha) December 11, 2018

अमेझॉनच्या ही चूक लक्षात येताच त्यांनी सोनाक्षीच्या ट्वीटला रिप्लाय दिला. या चुकीबद्दल अमेझॉन इंडियाने माफी मागितली आणि पुढील मदतीसाठी डिटेल्सचीही मागणी केली.