टिटवाळ्यात 22 वर्षीय विवाहितेवर घरात घुसून बलात्कार, नराधमांना तासाभरात अटक

कल्याण : टिटवाळामध्ये एक धक्कादायक प्रकार समोर आला आहे (Titwala Gang Rape Case). पिण्यासाठी पाणी मागून विवाहितेवर सामूहिक बलात्कार करण्यात आला आहे. या प्रकरणातील दोन नराधमांना अवघ्या तासाभरात टिटवाळा पोलिसांनी बेड्या ठोकल्या आहेत. गौतम गाणे आणि बळीराम गायकवाड असं या नराधमांचं नाव आहे (Titwala Gang Rape Case).

पाणी मागण्याच्या बहाण्याने हे दोन्ही नराधम घराजवळ आले. त्यानंतर घरात घुसून एका 22 वर्षीय विवाहितेवर सामूहिक बलात्कार केला. याप्रकरणीय टिटवाळा पोलिसांनी दोन्ही नराधमांना गुन्हा दाखल होण्याच्या एक तासातच अटक केली आहे.

कल्याण जवळ टिटवाळा येथील कांबा परिसरात शनिवारी संध्याकाळी एका 22 वर्षीय विवाहित महिला तिच्या घरी असताना दोन तरुण तिच्या घराजवळ आले. दोघांनी महिलेकडून पिण्यासाठी पाणी मागितले. महिला पाणी घेण्यासाठी घरात गेली असता तिची पाठ वळतात तिच्या मागे हे दोघेही जण महिलेच्या घरात घुसले.

दोघांनी महिलेवर बलात्कार केला. या दरम्यान तिला मारहाणही करण्यात आली. त्यानंतर हे दोघे आरोपी पळून गेले. याबाबत टिटवाळा पोलीस स्टेशनचे वरिष्ठ पोलीस निरिक्षक राजू वंजारी यांनी सांगितले, की आधी महिलेने टिटवाळा पोलीस स्टेशनमध्ये तक्रार देताना फक्त मारहाण झाल्याचे सांगितले होते. मात्र, अधिक चौकशी केली असता तिने तिच्यासोबत घडलेल्या प्रकार सांगितले.

पोलिसांनी गुन्हा दाखल करुन घेत अवघ्या एका तासाच्या आत गौतम गाणे आणि बळीराम गायकवाड या दोघांना अटक केली आहे. या दोघांनाही कल्याण न्यायालयात हजर केले असता न्यायालयाने त्यांना 5 डिसेंबरपर्यंतची पोलीस कोठडी सुनावली आहे. मात्र, या घटनेमुळे टिटवाळामध्ये एकच खळबळ उडाली आहे.

प्रियकराच्या लग्नामुळे प्रेयसीचा संताप, नववधूचे केस कापले, डोळ्यात फेविक्वीक ओतलंhttps://t.co/GYVEdS0NsI#BiharCrime #CrimeNews

— TV9 Marathi (@TV9Marathi) December 3, 2020

Titwala Gang Rape Case

संबंधित बातम्या :

नंबर प्लेटला पिवळा रंग फासून रिक्षातून फिरणारे प्रवासी निघाले चोर, एक लाखाचा मुद्देमाल जप्त

प्रेमात अडथळा ठरत असल्याने नवऱ्याचाच केला खून; दीर-भावजयीला बेड्या

बंगालमधून फसवून आणून चिपळूणमध्ये वेश्या व्यवसाय, दोन मुलींची थरारक सुटका