Toyota Belta : टोयोटा आणणार नवीन सेडान बेल्टा, बेल्टा करणार होंडा सिटीशी स्पर्धा, किंमत आणि फीचर्स जाणून घ्या…
लवकरच मारुती सुझुकी आणि टोयोटा यांच्या संयुक्त प्रयत्नानं नवीन सेडान टोयोटा बेल्टा देखील लाँच केली जाऊ शकते.
मुंबई : कोणतीही कार (Car) घ्यायची म्हटलं की आधी त्याविषयी जाणून घ्यायला हवं. कोणतही कंपनी आहे, बाजारात ती कंपनी किंवा त्या कंपनीची गाडी कोणत्या गाड्यांसोबत तुलना करते, त्याची काय किंमत आहे. या बाबी खूप महत्वाच्या आहेत. आज आम्ही तुम्हाला अशाच एका छान गाडीविषयी माहिती देणार आहोत. टोयोटा किर्लोस्कर मोटर (Toyota Kirloskar Motor) भारतातील SUV आणि MPV सेगमेंटमध्ये चांगली कामगिरी करत आहे. या कंपनीची चागंलीच चर्चा देखील आहे. मारुती सुझुकीच्या (maruti suzuki) सहकार्याने उत्पादित टोयोटा ग्लान्झा आणि अर्बन क्रूझरला देखील चांगला प्रतिसाद मिळत आहे. आता लवकरच मारुती सुझुकी आणि टोयोटा यांच्या संयुक्त प्रयत्नानं नवीन सेडान टोयोटा बेल्टा (Toyota Belta) देखील लाँच केली जाऊ शकते. जी होंडा सिटी, ह्युंदाई वेर्ना आणि स्कोडा स्लाव्हियासह इतर लोकप्रिय सेडानशी स्पर्धा करेल. भारतात Camry Hybrid सारख्या प्रीमियम सेडानची विक्री करणारी टोयोटा आता बेल्टामध्ये काय काही खास आणू शकते ते आम्ही तुम्हाला सांगणार आहोत.
मारुती सियाझचा फायदा होईल!
टोयोटाची आगामी सेडान टोयोटा बेल्टा ही अतिशय लोकप्रिय सेडान मारुती सुझुकी सियाझवर आधारित असेल. म्हणजेच ती दिसण्यात सियाझपासून प्रेरित असेल. बेल्टाच्या डिझाइनमध्ये सियाझची झलक असेल. तथापि, टोयोटा बेल्टामध्ये काही कॉस्मेटिक बदल देखील पाहिले जाऊ शकतात. अलीकडेच मारुती सुझुकी सियाझची रीबॅज केलेली आवृत्ती टोयोटा बेल्टाच्या चाचणी दरम्यान देखील एक झलक दिसली आहे. टोयोटा बेल्टा हार्टेक्ट प्लॅटफॉर्मवर आधारित असेल. ज्याला एक नवीन फ्रंट ग्रिल आणि नवीन अलॉय व्हील्स सोबत उतार असलेल्या रूफलाइन मिळतील. मीडिया रिपोर्ट्सनुसार, टोयोटा बेल्टा ब्लू, व्हाइट आणि रेड सारख्या कलर ऑप्शनसह ऑफर केली जाऊ शकते. टोयोटा बेल्टा भारतात 10 लाख ते 15 लाख रुपयांच्या किंमतीच्या श्रेणीमध्ये ऑफर केली जाऊ शकते.
काय आहेत फीचर्स?
टोयोटा बेल्टाच्या वैशिष्ट्यांबद्दल आणि संभाव्य वैशिष्ट्यांबद्दल बोलायचं झाल्यास या मध्यम आकाराच्या सेडानमध्ये Apple कार प्ले आणि Android ऑटो सपोर्टसह 7-इंच टचस्क्रीन इन्फोटेनमेंट सिस्टम, 4.2-इंच इन्स्ट्रुमेंट क्लस्टर, मल्टी-फंक्शनल स्टीयरिंग व्हील, क्रूझ कंट्रोल मिळेल, हाय स्पीड अलर्ट. सिस्टीम, एकाधिक एअरबॅग्ज, रियर व्ह्यू कॅमेरा, ABS, EBD यासह अनेक मानक आणि सुरक्षा वैशिष्ट्ये पाहिली जातील. त्याच वेळी, इंजिन आणि पॉवरच्या बाबतीत, त्यात 1.5 लीटर 4 सिलेंडरचे सौम्य हायब्रिड पेट्रोल इंजिन पाहिले जाऊ शकते, जे 103 bhp पॉवर आणि 138 न्यूटन मीटर टॉर्क जनरेट करण्यास सक्षम असेल. टोयोटा बेल्टा सेडान 5 स्पीड मॅन्युअल आणि 4 स्पीड ऑटोमॅटिक गिअरबॉक्ससह दिली जाऊ शकते.