Make Up Tips | मेकअप लावल्याने चेहऱ्यावर डाग पडतायत? मग वापरा ‘या’ सोप्या टिप्स…

मुंबई : अनेक मुली आणि स्त्रियांना मेकअप करायला फार आवडते. मेकअप आपल्या सौंदर्यात आणखी भर घालण्याचे काम करतो. घराबाहेर पडण्याआधी किंवा कुठेही जाण्यापूर्वी मुली मेकअप करतात आणि यात कोणतेही नुकसान नाही. परंतु, आपल्याला माहिती आहे का की, अतिरीक्त मेकअप आपल्या त्वचेसाठी हानिकारक ठरू शकतो (Makeup Tips for spotless skin after makeup).

वास्तविक आपली त्वचा विशेषतः आपल्या चेहऱ्याची त्वचा अतिशय संवेदनशील असते. त्यांच्या चेहऱ्यावर अधिक मेकअप लावल्यामुळे पुष्कळ लोकांना मुरुम, पुरळ, लालसर चट्टे येतात. आपल्यालाही मेकअप लावून त्वचेच्या समस्या येत असतील, तर आम्ही आज तुम्हाला काही टिप्स सांगणार आहोत, ज्याचा उपयोग करून तुम्ही या समस्या टाळू शकता…

मेकअप मार्क काढून टाकण्यासाठी ‘या’ टिप्स फॉलो करा :

मेकअपपूर्वी त्वचा मॉइश्चराइझ करा.

मेकअपपूर्वी आपला चेहरा नेहमीच स्वच्छ आणि मॉइश्चराइझ करा. यामुळे, त्वचेच्या छिद्रांमध्ये घाण जमा होणार नाही. जर आपण डिहायड्रेट चेहऱ्यावर मॉइश्चरायझर लावला, तर आपल्या पोर्समध्ये घाण जमा होईल. तसेच, आपला चेहरा निस्तेज आणि निर्जीव दिसेल. हे टाळण्यासाठी आपण वेळोवेळी चेहरा स्वच्छ आणि मॉइश्चराइझ करणे महत्वाचे आहे.

त्वचेच्या प्रकारानुसार उत्पादने निवडा.

बदलत्या काळाबरोबर मेकअप इंडस्ट्रीमध्येही अनेक बदल घडून आले आहेत. बहुतेक लोकांना हे माहित आहे की, मेकअप वेगवेगळ्या त्वचेच्या प्रकारांनुसार केला पाहिजे. यामुळे, बरेच ब्रँड वेगवेगळ्या त्वचेच्या प्रकारांनुसार मेकअप उत्पादने बनवतात. कोरड्या त्वचेच्या लोकांसाठी एक वेगळी मेकअप रचना आहे. त्याच वेळी, ज्यांची त्वचा सामान्य आणि संवेदनशील आहे त्यांच्यासाठी एक वेगळी मेकअप रचना आहे. अशा परिस्थितीत आपण आपल्या त्वचेच्या प्रकारानुसार मेकअप निवडणे महत्वाचे आहे (Makeup Tips for spotless skin after makeup).

ब्रश स्वच्छ ठेवा.

आळशीपणामुळे आणि उशीर झाल्यामुळे बर्‍याच वेळा आपण आपले वापरलेले ब्रशेस साफ करणे विसरतो. या प्रकरणात, ब्रशवर जमा झालेली घाण आपल्या चेहऱ्यावर लागते. म्हणून, मेक-अप नंतर ब्रश साफ करणे महत्वाचे आहे.

मेकअप नंतर काळजी कशी घ्यावी?

एखाद्या कार्यक्रमानंतर  बरेच लोक इतके कंटाळलेले आहेत की, ते मेकअप न काढता झोपायला जातात, जे आपल्या त्वचेसाठी खूप हानिकारक आहे. मेकअप तज्ज्ञांनीही असेही सुचवले आहे की, रात्री झोपायच्या आधी नारळ तेल किंवा क्लीन्सर वॉटर वापरुन मेकअप काढावा. यानंतर हलक्या फेसवॉशने चेहरा धुवा. जर, आपण भारी मेकअप केला असेल, तर आपला चेहरा स्क्रब करा आणि त्यानंतर मॉइश्चरायझर लावा.

(टीप : सौंदर्यतज्ज्ञांचा सल्ला अवश्य घ्यावा.)

(Makeup Tips for spotless skin after makeup)

हेही वाचा :

Pregnancy | गर्भावस्थेदरम्यान ध्यानधारणा करणे आवश्यक! जाणून घ्या याचे आई आणि बळावर होणारे परिणाम…

Rice Water | केस आणि त्वचेचे आरोग्य सुधारेल ‘तांदळाचे पाणी’, वाचा याचे फायदे…

Pudina Benefits | आरोग्यवर्धक गुणांचा खजिना ‘पुदीना’, ‘या’ आजारांवर ठरेल गुणकारी!#Pudina | #Mint | #HealthBenefits | #food https://t.co/itmKVdsA9v

— TV9 Marathi (@TV9Marathi) March 1, 2021