Ghee Benefits For Hair : कमकुवत आणि निर्जीव केसांसाठी देशी तूप फायदेशीर, जाणून घ्या याचे पाच उत्तम फायदे

तूप आपल्या अन्नाची चवच वाढवत नाही तर केस मजबूत आणि निरोगी बनवते. (Desi ghee is beneficial for weak and lifeless hair, know its five best benefits)

तूप

prajwal dhage | Updated on: Mar 11, 2021 | 9:41 AM

नवी दिल्ली : कमकुवत आणि निर्जीव केस केवळ आपल्या केसांची वाढ कमी करत नाहीत तर आपल्या केसांचे सौंदर्य देखील कमी करतात. केसांना पुरेसे पोषण मिळाले तर आपले केस निरोगी राहू शकतात. कमकुवत केसांमुळे डोक्यातील कोंडापासून विभाजीत केसांच्या समस्या उद्भवतात, अशा केसांना संपूर्ण पोषण आवश्यक असते. केसांच्या संपूर्ण पोषणासाठी देशी तूप सर्वोत्तम आहे. देशी घी केवळ आरोग्याचीच काळजी घेत नाही तर केसांच्या आरोग्यासाठीही आवश्यक आहे. तूप आपल्या अन्नाची चवच वाढवत नाही तर केस मजबूत आणि निरोगी बनवते. केसांवर गरम तूपाने मालिश केल्याने स्कल्पमध्ये रक्त संचार सुरळीत होतो, जे केसांच्या वाढीस प्रोत्साहन देते. यात निरोगी चरबी आणि फॅटी अॅसिड असतात, जे स्कल्पचे पोषण करतात आणि केसांच्या वाढीस प्रोत्साहन देतात. (Desi ghee is beneficial for weak and lifeless hair, know its five best benefits)

केसांचा ओलावा कायम राहतो

तूप केसांना हायड्रेट करते. केसांमध्ये ओलावा कमी झाल्यामुळे केस निस्तेज व खराब होतात. अशा केसांसाठी तूप उत्तम उपाय आहे. त्यात आढळणारे हेल्दी फॅटी अॅसिड स्कल्पचे पोषण करून केसांच्या मुळांना हायड्रेट करतात. ज्यामुळे केस मऊ होतात.

केसांना मुळापासून मजबूत करतात

जर तूप थेट केसांवर लावले तर तूपाचा चिकटपणा केसांचा पोत सुधारते. एक चमचा तूप गरम करा आणि नंतर आपल्या बोटाने डोके आणि केसांच्या मुळांवर हळुवारपणे लावा. काही तासांनंतर शॅम्पूने डोके धुवा.

केसांना डीप कंडीशनिंग करते

रात्रभर केसांची सखोल कंडिशनिंग करायची असेल तर आपल्या केसांना तूप लावा. मग शॉवर कॅपने डोके झाकून सकाळी उठून आपले केस धुवा.

केसांची वाढ होते

गरम तुपाने स्कल्प मालिश केल्याने केवळ डोक्यात ब्लड सर्कुलेशन सुधारत नाही तर केस काळे आणि दाट होतात. जर केसांची वाढ कमी होत असेल तर तूप लावून मालिश करा.

विभाजीत केस कमी होतात

तूप स्प्लिट एण्ड्सचे पोषण करते, जे मुळात कमकुवत असतात. व्हिटॅमिन ए, डी, के 2, ई आणि अँटिऑक्सिडेंट्स सारख्या पोषक द्रव्यांसह समृद्ध तूप आपल्या केसांसाठी फायदेशीर आहे. (Desi ghee is beneficial for weak and lifeless hair, know its five best benefits)

VIDEO : Special Report | शरद पवारांचा एक कॉल, अन् वाझेंची बदली? https://t.co/wmVwLNj12s #SachinVaze #MansukhHirencase #MukeshAmbani #MukeshAmbaniHouse

— TV9 Marathi (@TV9Marathi) March 10, 2021