Study | डिओ आणि परफ्यूम लावण्याचे बरेच मोठे तोटे, स्तनाचा कर्करोग होण्याचाही धोका!

अधिक परफ्युमचा वापर ठरु शकते कर्करोगाला निमंत्रण

मुंबई : उन्हाळी हंगामात घामाचा वास टाळण्यासाठी आपल्यापैकी प्रत्येकजण डीओ आणि परफ्यूमचा वापर करतात. परंतु, हिवाळ्याच्या हंगामातही असे बरेच लोक आहेत, जे आंघोळीऐवजी फक्त डिओ आणि परफ्यूम लावून काम चलाऊपणा करतात. टूथपेस्ट प्रमाणे साबण, शॅम्पू, डिओडेरंट आणि परफ्यूम हे आपल्या जीवनाचा अविभाज्य भाग बनले आहेत, ज्याशिवाय आपला दिवस पूर्ण होतच नाही. परंतु आपणास माहित आहे की, आपण वापरत असलेल्या या डीओडेरंट्स आणि परफ्यूममध्ये किती रसायने आहेत, ज्याचा आरोग्यावर वाईट परिणाम होतो?( Side effects of using deo and perfume can cause breast cancer)

डीओडेरंटच्या वापरामुळे वाढतो स्तनाच्या कर्करोगाचा धोका!

संशोधनातून असे दिसून आले आहे की, डिओडोरंट आणि परफ्यूममध्ये अशी अनेक कम्पाऊंड्स आढळतात, जी अंडरआर्मच्या चरबी पेशींमध्ये शोषली जातात आणि यामुळे केवळ पुरळच नाही, तर स्तनाचा कर्करोग होण्याचा धोका वाढतो. डीओडेरंटमध्ये प्रामुख्याने 3 रासायनिक संयुगे आढळतात, ज्यामुळे रोगांचा धोका असतो.

पॅराबेन

संशोधनानुसार डीओमध्ये वापरलेले पॅराबेन शरीरातील इस्ट्रोजेन व इतर हार्मोन्सचे उत्पादन रोखू शकतात. स्तनामध्ये एस्ट्रोजेन-सेन्सेटिव्ह टिश्यू उपस्थित असतो आणि अंडरआर्म्समध्ये दररोज पॅराबेन डीओचा वापर केल्याने कर्करोगाच्या पेशींच्या वाढीचा धोका वाढतो.

अ‍ॅल्युमिनियम

शरीरातील घाम रोखणारे अँटीपर्सपिरंट्स आणि डायसमध्ये अ‍ॅल्युमिनियम देखील असतो आणि या धातूमुळे शरीराच्या जीन्समध्ये अस्थिरता येते आणि यामुळे ट्यूमर व कर्करोगाच्या पेशींची वाढ सुरू होते. कित्येक वैज्ञानिक संशोधनात असे निष्कर्ष समोर आले आहेत की, डीओमध्ये उपस्थित अ‍ॅल्युमिनियम आधारित कंपाऊंड स्तनाचा कर्करोग वाढवण्यासाठी काम करू शकतो (Side effects of using deo and perfume can cause breast cancer).

ट्रायक्लोसन

या उत्पादनांना बॅक्टेरियाच्या संसर्गापासून वाचवण्यासाठी डीओ आणि अँटीपर्सपिरंटसह अनेक सौंदर्य उत्पादनांमध्ये ट्रायक्लोसनचा वापर केला जातो. ट्रायक्लोसन हा घटक हार्मोन क्रियाशीलतेत अडथळा आणू शकतो आणि थायरॉईडच्या कार्यावर देखील परिणाम करू शकतो.

सेंट किंवा परफ्यूम

बऱ्याच वेळा सुगंधित किंवा तीक्ष्ण सुवासमुळे लोकांना शिंका येणे, डोळ्यातून पाणी येणे किंवा डोकेदुखी यासारख्या समस्या उद्भवतात. ही अ‍ॅलर्जीची लक्षणे आहेत, जी तीव्र सुगंधामुळे उद्भवतात. बर्‍याच लोकांमध्ये परफ्युम किंवा डीईओसारख्या गोष्टींचा जास्त प्रमाणात वापर केल्यामुळे कॉन्टॅक्ट डर्माटायटीस नावाचा एक आजार देखील उद्भवत आहे. यामध्ये त्वचा लाल होते, ती जळजळण्यास सुरुवात होते आणि कधीकधी सूज देखील दिसून येते.

घर्म ग्रंथी कमकुवत होतात!

बर्‍याच अभ्यासानुसार असे मानले जाते की शरीरातून घाम येणे फार महत्वाचे आहे आणि डीओ लागू केल्यामुळे घाम येत नाही, ज्यामुळे बर्‍याच समस्या उद्भवू शकतात. संशोधक म्हणतात की, घामामुळे शरीर डिटॉक्सिफाई होते. याशिवाय शरीर नैसर्गिकरित्या थंड होते. घाम येणे म्हणजे आपल्या शरीराच्या ग्रंथी चांगल्या प्रकारे कार्यरत आहेत. परंतु डीईओच्या वापरामुळे, ग्रंथी कमकुवत होतात आणि शरीरावर रोगांचा आक्रमण होण्याचे प्रमाण वाढते.

(Side effects of using deo and perfume can cause breast cancer)

हेही वाचा :