Lemon Benefits | लिंबाचा सुगंध मूड करेल फ्रेश, शरीरालाही होतील प्रचंड फायदे, संशोधकांचा दावा!
लिंबाचा सुगंध आपल्याला दिवसभराची ऊर्जा प्रदान करतो आणि ताजेतवाने राहण्यास मदत करतो. लिंबू ही अशी गोष्ट आहे जी आपले फॅट बर्न करण्यास देखील प्रभावी आहे.
मुंबई : आपल्या प्रत्येकाच्या जीवनात लिंबाला एक विशेष स्थान आहे. शरीराला वेळोवेळी लिंबातील पोषक घटकांची आवश्यकता असते. लिंबाचा सुगंध आपल्याला दिवसभराची ऊर्जा प्रदान करतो आणि ताजेतवाने राहण्यास मदत करतो. लिंबू ही अशी गोष्ट आहे जी आपले फॅट बर्न करण्यास देखील प्रभावी आहे. इंग्लंडच्या सुसेक्स युनिव्हर्सिटीच्या शास्त्रज्ञांनी त्यांच्या संशोधनात दावा केला आहे की, लिंबाचा सुगंध (Lemon fragrance) तुम्हाला दिवसभर फ्रेश ठेवतो, तसेच तुम्हाला हलकेपणा जाणीव करून देतो. त्याच वेळी, व्हॅनिलाच्या सुगंधामुळे आपल्याला अधिक जडपणा जाणवतो (Study Reveals that Lemon fragrance is useful for body).
सुसेक्स युनिव्हर्सिटीच्या पीएचडी स्कॉलर गिआडा ब्रिआंजा म्हणतात, आमच्या संशोधनात असे दिसून आले आहे की, सुगंध आपल्या शरीराबद्दल नकारात्मक दृष्टिकोन ठेवतो, परंतु सुगंधाच्याच मदतीनेच तो बदलला देखील जाऊ शकतो. याचा सर्वात मोठा फायदा लठ्ठ लोकांना होईल. कारण, लिंबाच्या सुगंधामुळे अशा लोकांची आपल्या शरीराबद्दलची नकारात्मक विचारसरणी बदलली जाऊ शकते. इतर कोणती तंत्रे वापरून, किंवा कपड्यांमध्ये सुगंध वापरुन बॉडी परसेप्शन डिसऑर्डर या आजाराचा उपचार केला जाऊ शकतो.
सुसेक्स युनिव्हर्सिटीच्या प्रोफेसर मारियाना ऑब्रिस्ट म्हणातात, जेव्हा जेव्हा आपल्याला लिंबू किंवा इतर कशाचा सुगंध येतो, तेव्हा तो आपल्या शरीराबद्दलचा आपला विचार बदलतो.
लिंबाचे इतर फायदे
- लिंबाच्या पाण्यामुळे चेहऱ्यावरच्या सुरकुत्या कमी होतात. तसेच, कर्करोगाचा धोका कमी होतो.
- लिंबूपाण्याचे नियमित सेवन केल्याने तुमच्या शरीरात ‘व्हिटामिन-सी’ची कमतरता पूर्ण होते. तसेच, लिंबू आपल्या त्वचेवरील सुरकुत्या आणि वृद्धत्वाचा प्रभाव देखील कमी करतो.
- लिंबूपाण्यामध्ये फ्लाव्हानॉइड्स, फिनोलिक अॅसिडस् आणि अशी इतर अनेक तेलं आहेत, जी आपल्या शरीराच्या पेशी खराब करणाऱ्या फ्री रॅडिकल्सविरूद्ध लढतात (Study Reveals that Lemon fragrance is useful for body).
- लिंबूपाणी पिण्यामुळे तुमची रोगप्रतिकार शक्ती वाढते, जी तुम्हाला बर्‍याच प्रकारच्या हंगामी रोगांपासून वाचवते.
- लिंबामध्ये उपस्थित अँटीऑक्सिडंट्स तुमची हाडे, यकृत, स्तन, कोलन आणि पोट कर्करोगापासून शरीराचे संरक्षण करतात.
- तसेच लिंबामध्ये एक विशेष प्रकारचे रसायन आढळते. जे आपल्या मेंदूच्या पेशींना विषारी पदार्थांपासून वाचवते, ज्यामुळे अल्झायमर आणि पार्किन्सन सारख्या रोगांचा धोका देखील कमी होतो.
(Study Reveals that Lemon fragrance is useful for body)
(टीप : औषध म्हणून वापरण्यासाठी किंवा कोणत्याही कृतीपूर्वी डॉक्टरांचा सल्ला आवश्य घ्या.)
Skin Care | त्वचेच्या आरोग्यासाठी ‘व्हिटामिन ए’युक्त आहार महत्त्वाचा, डाएटमध्ये समाविष्ट करा ‘हे’ घटक!https://t.co/0ytFEYJlKK#skincare #VitaminA #food
— TV9 Marathi (@TV9Marathi) December 15, 2020
