Beauty Tips : दूध आणि मधाचा असा करा वापर, काही मिनिटांत मिळेल चमकणारी त्वचा
दुधात लॅक्टिक अॅसिड असते, जे त्वचेतील मृत पेशी काढून चेहर्‍याचे सौंदर्य वाढविण्याचे कार्य करते. मध त्वचेचे पीएच राखण्यासाठी कार्य करते. (Use milk and honey, you will get glowing skin in a few minutes)
मुंबई : उन्हाळ्यात मध आणि दुधाचा वापर त्वचेला चमकदार आणि हायड्रेटिंग ठेवण्यासाठी केला जाऊ शकतो. या दोन गोष्टी स्वयंपाकघरात सहज असतात. आपण मध आणि दुधाचा वापर करून फेस मास्क बनवू शकता जे क्लिजिंग आणि एक्सफोलिएट एजंट म्हणून कार्य करते. आपण या फेस मास्कचा वापर करुन मुरुमांच्या समस्यांपासून मुक्त होऊ शकता. हे त्वचेला मॉश्चराईज करण्यासोबतच मुलायम ठेवते. दुधात लॅक्टिक अॅसिड असते, जे त्वचेतील मृत पेशी काढून चेहर्‍याचे सौंदर्य वाढविण्याचे कार्य करते. मध त्वचेचे पीएच राखण्यासाठी कार्य करते. दूध आणि मध वापरून आपण त्वचा चमकत कशी ठेवू शकता ते जाणून घ्या. (Use milk and honey, you will get glowing skin in a few minutes)
मध आणि दुधाचा फेसवॉश
मध आणि दूध दोन्हीही क्लींजिंग एजंट म्हणून काम करतात आणि मुरुमांना कारणीभूत बॅक्टेरीया कमी करण्यासाठी कार्य करतात. हे त्वचेत क्लिंजरसारखे कार्य करते. यासाठी आपल्याला एक चमचे दूधात 2 चमचे मध मिसळून पेस्ट तयार करावी लागेल. ही पेस्ट आपल्या चेहऱ्यावर 5 ते 10 मिनिटे लावून ठेवा आणि नंतर थंड पाण्याने धुवा. त्वचा निरोगी आणि चमकदार राहण्यासाठी टोनर आणि मॉइश्चरायझर वापरा.
एक्सफोलिएट फेस मास्क
दुधामध्ये कोलेजन प्रोटीन असते जे आपली त्वचा तंदुरुस्त ठेवण्यास मदत करते. मध आणि दुधात अँटी एजिंग गुणधर्म असतात ज्यामुळे त्वचा तंदुरुस्त राहण्यास मदत होते. यासाठी मध आणि दूध मिसळून पेस्ट तयार करा. यानंतर चेहरा स्वच्छ पाण्याने धुवा.
फेस स्क्रब
त्वचा निरोगी आणि चमकदार राहण्यासाठी मध, दूध आणि ओट्स घालून फेस आणि बॉडी स्क्रब तयार करा. ही पेस्ट आपल्या चेहऱ्यावर लावा आणि हलक्या हातांनी मालिश करा. मालिश केल्याने आपली त्वचा निरोगी आणि चमकदार दिसेल. (Use milk and honey, you will get glowing skin in a few minutes)
आपल्या कारला मिळणार Reservation, पार्किंग-चार्जिंगच्या खास सुविधा, वाचा सविस्तर#SpecialParkingChargingFacility #electriccar #Electriccarshttps://t.co/L4QdagTyIv
— TV9 Marathi (@TV9Marathi) March 12, 2021
इतर बातम्या
