उन्हाळ्यात तुमच्या लॅपटॉपचे नुकसान होण्यापासून वाचवतील ‘या’ टिप्स, नक्की फॉलो करा
तुम्ही दररोज तासंतास लॅपटॉपवर काम करत असाल तर उन्हाळ्यात तुम्हाला अधिक काळजी घेण्याची आवश्यकता आहे. उन्हाळ्याच्या हंगामात काही चुकांमुळे लॅपटॉपमध्ये स्फोटही होऊ शकतो. सिस्टीममध्ये स्फोट होण्याचा धोका वाढण्यामागील कारणे कोणती आहेत आणि स्फोट टाळण्यासाठी कोणत्या गोष्टी लक्षात ठेवल्या पाहिजेत? ते आपण आजच्या या लेखातुन जाणून घेऊयात...
उन्हाळ्याच्या हंगामात वातावरणातील उष्णतेमुळे इलेक्ट्रिक गॅझेट्स जास्त गरम होण्याची समस्या वाढते, जर तुम्ही देखील लॅपटॉप वापरत असाल तर तुमच्याकडे सिस्टमशी संबंधित महत्त्वाची माहिती असायला हवी. बऱ्याचदा लॅपटॉप असे सिग्नल व मेसेज देखील देतो जे आपल्याला समजत नाहीत आणि त्यामुळे लॅपटॉपचा स्फोट होण्याचा धोका वाढतो. आज आम्ही तुम्हाला उन्हाळ्यात कोणत्या चुकांमुळे तुमच्या लॅपटॉपमध्ये स्फोट होऊ शकतो हे आपण जाणून घेणार आहोत. .
जेव्हा लॅपटॉपमध्ये जास्त गरम होण्याची समस्या येते तेव्हा सिस्टमच्या कार्यक्षमतेवर परिणाम होऊ लागतो. अशातच तुमचा लॅपटॉप गरम झाल्यानंतर ही तुम्ही सिस्टम वापरत राहिलात तर लॅपटॉपमध्ये स्फोट होऊ शकतो. लॅपटॉप जास्त गरम होण्याची अनेक कारणे असू शकतात. उष्णतेव्यतिरिक्त, जर सिस्टममध्ये बसवलेला पंखा नीट काम करत नसेल तर जास्त गरम होण्याची समस्या देखील उद्भवू शकते.
या उपयुक्त टिप्स लक्षात ठेवा
वर्षानुवर्षे लॅपटॉप वापरल्यानंतर, पोर्टमध्ये घाण जमा होऊ लागते ज्यामुळे लॅपटॉपमध्ये निर्माण होणारी उष्णता सिस्टममधून बाहेर पडू शकत नाही. यामुळेच लॅपटॉप जास्त गरम होण्याच्या समस्या वाढू लागतात, ज्यामुळे स्फोट देखील होऊ शकतो. हे टाळण्यासाठी, उन्हाळ्यात लॅपटॉप सर्व्हिस सेंटरमधून पूर्णपणे स्वच्छ करा.
बऱ्याचदा लोक मांडीवर किंवा बेडवर लॅपटॉप ठेऊन वापरण्यास सुरुवात करतात. असे केल्याने, लॅपटॉपमधील व्हेंट्स ब्लॉक होतात आणि उष्णता योग्यरित्या बाहेर पडू शकत नाही. उन्हाळ्यात केलेली ही चूक तुमचे मोठे नुकसान करू शकते, लॅपटॉप टेबलावर ठेवून वापरणे नेहमी चांगले.
जर तुमच्या लॅपटॉपचा चार्जर खराब झाला असेल आणि तुम्ही बाजारात जाऊन ओरिजनल चार्जरऐवजी साधा चार्जर घेतला तर यामुळे तुमचा लॅपटॉप जळून जाऊ शकतो. हे साधे चार्जर किंवा दुसऱ्या कंपनीचा चार्जर तुमच्या सिस्टममधील उष्णता वाढवू शकतो, ज्यामुळे स्फोट होण्याचा धोका वाढतो.
या टिप्स लक्षात ठेवल्याने तुम्हाला उन्हाळ्यात लॅपटॉप वापरताना कोणत्याच समस्या निर्माण होणार नाही.
