अभिजित बांगरांचा दणका, वाशी रुग्णालयातील 17 डॉक्टरांवर वेतन कपातीची कारवाई

नवी मुंबई: महापालिका आयुक्त अभिजित बांगर यांनी हजेरीपत्रकावर अनुपस्थिती असल्याप्रकरणी डॉक्टरांवर मोठी कारवाई केली आहे. वाशी रुग्णालयातील 17 डॉक्टरांवर वेतन कपातीची कारवाई करण्यात आली आहे. आयुक्तांनी वाशी प्रथम संदर्भ रुग्णालयातील 18 डॉक्टरांना कारणे दाखवा नोटीस बजावली होती. संबंधितांनी या प्रकरणी खुलासा सादर केला असून त्यातील 17  जणांचा खुलासा आयुक्त अभिजित बांगर यांनी अमान्य केला आहे. ( Abhijit Bangar ordered to salary cut of doctors for absentee)

अभिजित बांगर यांनी 8 डिसेंबरला पालिकेच्या वाशी सार्वजनिक रुग्णालयाला भेट दिली होती. या पाहणीमध्ये हजेरीपत्रक तपासताना आयुक्तांना वैद्यकीय अधिकारी हजेरीपत्रकावर अनुपस्थित असल्याचे आढळून आले. बांगर यांनी गांभीर्याने दखल घेत बांगर यांनी 18 ऑनकॉल मेडिकल ऑफिसर्सना कारणे दाखवा नोटीस बजावली होती. डॉक्टरांची हजेरी आणि इतर जबाबदारी असलेले वैद्यकीय अधीक्षक, आरोग्य विभागाच्या कामकाजावर नियंत्रण असणारे वैद्यकीय आरोग्य अधिकाऱ्यांनाही कारणे दाखवा नोटीस बजावली होती.

डॉक्टरांचा खुलासा अमान्य, 17 जणांची वेतनकपात

18 डॉक्टरांपैकी 17 जणांनी सादर केलेला खुलासा आयुक्त बांगर यांनी अमान्य केला आहे. 17 ऑनकॉल मेडिकल ऑफिसर्सची वेतनकपात करण्याचा निर्णय आयुक्तांनी घेतला आहे. त्याचप्रमाणे वैद्यकीय आरोग्य अधिकाऱ्यांनी सादर केलेला खुलासाही आयुक्तांनी अमान्य करण्यात आला आहे.

दरम्यान, दर्जेदार आरोग्य सेवा देण्यासाठी महानगरपालिकेच्या सर्व रुग्णालयांतील डॉक्टरांपासून ते वर्ग ४ श्रेणीतील कर्मचाऱ्यांपर्यंत सर्वांनी कटिबद्ध राहणे आवश्यक आहे. त्यामुळे डॉक्टरांची किंवा इतर कर्मचाऱ्यांची विनापरवानगी अनुपस्थिती अथवा कर्तव्यात कसूर दिसून आली तर ती शिक्षेस पात्र राहील. याबाबत सर्वांनी दखल घेणे गरजेचे आहे, असे महापालिका आयुक्त अभिजित बांगर यांनी स्पष्ट केले आहे.( Abhijit Bangar ordered to salary cut of doctors for absentee)

महापालिका आयुक्तांची वाशी रुग्णालयाला भेट

अभिजित बांगर यांनी 8 डिसेंबरला वाशीतील प्रथम संदर्भ रुग्णालयाला भेट दिली होती. पाहणीमध्ये हजेरीपत्रक तपासताना ऑनकॉल मेडिकल ऑफिसर हजेरीपत्रकावर अनुपस्थित असल्याचे आढळून आले. याची गांभीर्याने नोंद घेत ऑनकॉल मेडिकल ऑफिसर यांना कारणे दाखवा नोटीस बजावण्याचे आदेश आयुक्तांनी दिले होते.

महापालिका आयुक्त अभिजित बांगर यांनी 8 डिसेंबरला वाशी रुग्णालयाला भेट दिली होती.

मुंबईकरांनो, तुम्ही फास्ट टॅग लावलंय ना? 26 जानेवारी डेडलाईनhttps://t.co/RM7vCP5QSF#Mumbai

— TV9 Marathi (@TV9Marathi) December 21, 2020

संबंधित बातम्या:

मुंबई, नवी मुंबईकरांनो तुम्ही का गुदमरताय? ही बातमी तुमच्यासाठी

रुग्णालयात गैरहजर अधिकाऱ्यांना थेट नोटिसा, नवी मुंबई पालिका आयुक्त ‘अ‍ॅक्शन मोड’वर

( Abhijit Bangar ordered to salary cut of doctors for absentee)