VIDEO : करौली बाबानंतर आता तव्यावर बसलेल्या बाबाची सोशल मीडियावर चर्चा, कोण आहे हा बाबा?

अमरावती / स्वप्नील उमप : करौली बाबानंतर आता अमरावतीतील गरम तव्यावर बसणाऱ्या बाबाची सध्या सोशल मीडियावर जोरदार चर्चा आहे. अमरावती जिल्ह्यातील तिवसा तालुक्यातील मार्डी येथील एका महाराजचा हा व्हिडिओ सध्या व्हायरल होतोय. यामध्ये एक महाराज चक्क अग्नीवर ठेवलेल्या तव्यावर बसलेला दिसत आहे. तव्यावर बसलेला व्हिडिओ व्हायरल झाल्याने खळबळ उडाली आहे. संत गुरुदास महाराज असे तव्यावर बसलेल्या बाबाचे नाव आहे.

मार्डी येथे आहे बाबाचं आश्रम

मार्डी येथे संत गुरुदास महाराज यांचं गौररक्षण असून, तेथे या महाराजचा आश्रम आहे. गरम तव्यावर बसून व्हिडिओ व्हायरल झाल्यानंतर याबाबत संत गुरुदास महाराज यांची प्रतिक्रिया आम्ही जाणून घेतली. सदर व्हिडिओ हा महाशिवरात्रीतला असल्याचा दावा त्यांनी केला आहे. तर मी कुठलेही अंधश्रद्धेचे काम करत नाही. मला दैवी शक्ती प्राप्त होते, त्यावेळी मला भान नसतं. मी अंधश्रद्धा पसरवत नाही, हा श्रद्धेचा भाग आहे. मी साधू संत नाही, असा दावा त्यांनी केला आहे.

हे सुद्धा वाचा

तो प्रेमात अडसर ठरायचा, नव्यानं संसार थाटायचा होता; सोबत बसून दारू पाजली आणि नंतर जे घडलं ते भयंकर होतं…

‘त्याने’ लोकांसमोर शेजारच्यांना संपवलं, मुंबईला हादरवणारी घटना, भर दिवसा धक्कादायक प्रकार

लग्नाच्या मिरवणुकीत हवेत गोळीबार, परवानाधारक रायफलसह काडतूसे जप्त

चुलीवरील मटण, मिसळ, आईस्क्रीम नंतर आता मार्केट मध्ये चुलीवरील बाबा आलाय… pic.twitter.com/HY9WjGkqDQ

— Kiran Balasaheb Tajne (@kirantajne) March 25, 2023

काय आहे व्हिडिओमध्ये?

व्हायरल होत असलेल्या या व्हिडिओमध्ये संत गुरुदास महाराज हे गरम तव्यावर बसले आहेत. तव्याखाली चूल पेटत आहे आणि बाबा त्या चुलीवर ठेवलेल्या तव्यावर बसले आहेत. बाबांच्या एका हातात विडी आहे. विडी ओढत ओढत बाबा पाया पडायला येणाऱ्या भक्तांना आशिर्वाद देत आहेत.

चमत्कार आमच्यासमोर सिद्ध करावा, अंनिसचे आवाहन

महाराजांचा चमत्कार खरा असेल तर त्यांनी तो आमच्यासमोर सिद्ध करावा. आम्ही 30 लाखांचं त्यांना बक्षीस देऊ नाही तर अंधश्रद्धा निर्मूलन कायदा अंतर्गत कारवाई व्हावी, अशी मागणी अंधश्रद्धा निर्मूलन समितीचे हरीश केदार यांनी केली आहे.