Bhandara accident : अंघोळीसाठी गोसेखुर्दच्या उजव्या कालव्यात उतरले, नागपूरचे दोन तरुण वाहून गेले
पवनीजवळ निलज मार्गावर गोसेखुर्दचा हा उजवा कालवा आहे. पण, कालव्याचा अंदाज त्यांना आला नाही. दोनपैकी एक जण गटांगळ्या खाऊ लागला. दुसरा त्याला वाचवायला गेला. पण, दोघांचाही पत्ता लागला नाही.
भंडारा : गावोगावी जाऊन कापड विक्रीचा व्यवसाय करणारे दोन तरुण गोसेखुर्द (Gosekhurd Dam) प्रकल्पाच्या उजव्या कालव्यात अंघोळीसाठी उतरले. अंगोळ करत असताना ते वाहून गेल्याची घटना भंडारा (Bhandara) जिल्ह्याच्या पवनी (Pavani) येथे घडली आहे. अंघोळीसाठी कालव्यात उतरले असता एकमेकांना वाचविण्याच्या प्रयत्न केला. पण, दोघेही वाहून गेल्याचे (swept away) सांगण्यात येत आहे. त्यापैकी एकाचा मृतदेह काही अंतरावर आढळून आला. नईम खान लाल खान (22) आणि अमिन शहा लाल शहा (22) अशी त्यांची नावं आहेत. हे तरुण सध्याचे अब्बुमियानगर, भांडेवाडी, नागपूर येथील रहिवासी आहेत.
एकाला वाचवायला दुसरा गेला तोही…
मूळचे मध्यप्रदेशातील ग्वालियर येथील रहिवासी आहेत. गेल्या काही दिवसांपासून कापड व्यवसायाच्या निमित्ताने नागपुरात राहतात. गावोगावी जाऊन कपडे विक्री करत असत. चौघेजण एका व्हॅनने पवनी येथे कापड विक्रीसाठी आले. निलज मार्गावरील गोसेखुर्द उजव्या अंघोळीसाठी नईम खान आणि अमिन खान उतरले. मात्र यापैकी एक जण पाण्यात बुडायला लागला. त्याला वाचविण्यासाठी दुसरा गेला. कालव्यातील पाण्याचा प्रवाह वेगाने असल्याने दोघेही वाहून गेले. हा प्रकार व्हॅनमध्ये बसून असलेल्या त्यांच्या दोन साथीदारांच्या लक्षात आला. त्यांनी तत्काळ पवनी पोलिसांना सूचना दिली. पवनी पोलीस घटना स्थळी दाखल होत शोध सुरु केला. यात त्यापैकी एकाचा मृतदेह काही अंतरावर आढळून आला. दुसऱ्याचा शोध अद्याप सुरु आहे. विशेष म्हणजे आठवड्यातील ही दुसरी घटना आहे.
व्हॅनमध्ये होते चार जण
कापड विक्री करून चार तरुण परत येत होते. दिवसभर थकल्यामुळं त्यांना अंगोळ करावीसी वाटली. त्यासाठी ते कालव्याच्या पाण्यात उतरले. पवनीजवळ निलज मार्गावर गोसेखुर्दचा हा उजवा कालवा आहे. पण, कालव्याचा अंदाज त्यांना आला नाही. दोनपैकी एक जण गटांगळ्या खाऊ लागला. दुसरा त्याला वाचवायला गेला. पण, दोघांचाही पत्ता लागला नाही. ते पाण्याच्या प्रवाहासोबत वाहून गेले. व्हॅनमध्ये दुसरे दोघे जण बसले होते. त्यांनी पवनी पोलिसांना कळविले. तोपर्यंत दोघेही वाहून गेले होते. शोधकार्य सुरू केल्यानंतर एकाचा मृददेह सापडला. दुसऱ्याच्या मृतदेहाचा शोध सुरू होता.
