बीडमध्ये कोरोनाचा शिरकाव, मुंबई, पुण्यासह राज्यात कुठे किती नवे रुग्ण?

मुंबई : राज्यात कोरोनाबाधितांचा आकडा दिवसेंदिवस वाढत चालला (Corona Patient In Maharashtra) आहे. राज्यात आज (8 एप्रिल) 64 नव्या रुग्णांची नोंद केली आहे. यातील सर्वाधिक 44 कोरोना पॉझिटिव्ह रुग्ण हे मुंबईत आढळले आहेत. त्यामुळे मुंबईतील कोरोनाबाधितांची संख्या 686 वर पोहोचली आहे. तर राज्यातील कोरोनाबाधितांची संख्या ही 1082 झाली आहे.

राज्यात कोरोनाबाधितांचा आकडा दिवसेंदिवस वाढत चालला (Corona Patient In Maharashtra) आहे. महाराष्ट्रातील प्रमुख मुंबई पुणे, अहमदनगर या ठिकाणी कोरोनाचा विळखा पाहायला मिळत आहे. मुंबईत आज 44 नवे रुग्ण आढळले आहेत. त्यापाठोपाठ पुण्यात 9, नागपुरात 4, कल्याण-डोंबिवलीत 3 कोरोना पॉझिटिव्ह रुग्ण आढळले. तर अहमदनगर, अकोला, बुलडाणा आणि बीडमध्ये प्रत्येकी 1 रुग्ण सापडले आहेत.

राज्यात कुठे किती नवे रुग्ण?

• मुंबई – 44
• पुणे -9
• नागपूर – 4
• कल्याण डोंबिवली – 3
• अहमदनगर – 1
• अकोला -1
• बुलडाणा -1
• बीड -1

बीडमध्ये कोरोनाचा पहिला रुग्ण आढळला. बीडमधील आष्टी येथे 50 वर्षीय व्यक्तीला कोरोनाची लागण झाली आहे. या रुग्णाच्या संपर्कात आलेल्या चार व्यक्तीचे नमुने तपासणीसाठी पाठवण्यात आले आहेत. दरम्यान हा पॉझिटिव्ह रुग्ण तब्लिकीच्या संपर्कातील आहे. त्यामुळे आष्टीत कोरोना रुग्णाची संख्या वाढण्याची शक्यता वर्तवली जात आहे.

तर दुसरीकडे कल्याण डोंबिवली महापालिकेत 3 नवे रुग्ण आढळले आहेत. कल्याण पूर्व, डोंबिवली आणि टिटवाळा या ठिकाणी प्रत्येकी एक रुग्ण आढळले आहेत. तर आतापर्यंत सात जणांना डिस्चार्ज देण्यात आला (Corona Patient In Maharashtra) आहे.

आतापर्यंतची अपडेट आकडेवारी