गोंदिया जिल्ह्यातील तीन नगरपंचायतींसाठी सहा उमेदवारी अर्ज, नगराध्यक्षपदी कुणाची वर्णी लागणार?
गोंदिया जिल्ह्यातील तीन नगरपंचायतींमध्ये नगराध्यक्ष पदासाठी सहा उमेदवारी अर्ज दाखल करण्यात आले. देवरी नगरपंचायतीमध्ये भाजपचा तर सडक अर्जुनीमध्ये राष्ट्रवादीचा नगराध्यक्ष बनण्याची शक्यता आहे. मोरगाव अर्जुनीमध्ये मात्र संभ्रम कायम आहे.
गोंदिया : जिल्ह्यात देवरी, सडक अर्जुनी, मोरगाव अर्जुनी (Shiv Sena and Independent at Sadak Arjuni) या तीन नगरपंचायतीमध्ये (Nagar Panchayat) नगराध्यक्ष पदासाठी आज अर्ज दाखल करण्यात आले. देवरी येथे भाजपकडून एकमेव उमेदवार संजू उईके यांचा अर्ज दाखल करण्यात आला. सडक अर्जुनीमध्ये राष्ट्रवादीतर्फे तेजराम मडावी यांचा एकमेव अर्ज दाखल करण्यात आला. या दोन्ही ठिकाणी नगराध्यक्ष (Nargadhyaksh) हेच दोन्ही अंतिम राहणार हे निश्चित झाले आहे. मात्र मोरगाव अर्जुनी येथे कोणत्याही पक्षाला बहुमत नाही. येथे भाजपतर्फे दोन अर्ज दाखल करण्यात आले. त्यामध्ये ललिता टेंभरे व ममता भैय्या यांचा समावेश आहे. राष्ट्रवादीतर्फे मंजूषा बारसागडे यांचा अर्ज तर काँग्रेसतर्फे दिव्या पशिने यांचा नगराध्यक्ष पदासाठी अर्ज दाखल करण्यात आला. यांच्यापैकी कोण अर्ज मागे घेणार हे 15 फेब्रुवारीला कळणार आहे. त्यानंतरच या ठिकाणच्या तिढा सुटणार आहे. कोणाची सत्ता स्थापन होणार हे स्पष्ट समजेल. यात शिवसेना आणि अपक्ष उमेदवार कुणाला मतदान करणार यावर सर्वांचे लक्ष वेधून आहे.
देवरीत भाजप, तर अर्जुनीत राष्ट्रवादीचा नगराध्यक्ष?
गोंदिया जिल्ह्यातील तीन नगरपंचायतींमध्ये नगराध्यक्ष पदासाठी सहा उमेदवारी अर्ज दाखल करण्यात आले. देवरी नगरपंचायतीमध्ये भाजपचा तर सडक अर्जुनीमध्ये राष्ट्रवादीचा नगराध्यक्ष बनण्याची शक्यता आहे. देवरी येथे भाजपकडून एकमेव उमेदवार संजू उईके यांचा अर्ज दाखल करण्यात आला आहे, तर सडक अर्जुनीमध्ये राष्ट्रवादीतर्फे तेजराम मडावी यांचा एकमेव अर्ज दाखल करण्यात आला. त्यामुळं या दोघांचे नगराध्यपदी विराजमान होणे जवळपास पक्के आहे. मोरगाव अर्जुनीमध्ये मात्र संभ्रम कायम आहे. कारण चार जणांनी अर्ज दाखल केले आहेत.
असे आहे नगरपंचायतींचे पक्षीय बलाबल
देवरी नगरपंचायतीमध्ये भाजपचे 11, काँग्रेसचे 4, तर राष्ट्रवादीचे 2 नगरसेवक आहेत. सडक अर्जुनी नगरपंचायतीमध्ये राष्ट्रवादीचे 7, काँग्रेसचे 2, भाजपचे 1, शिवसेनेचे 1, तर अपक्ष 6 नगरसेवक आहेत. मोरगाव अर्जुनी नगरपंचायतीमध्ये भाजपचे 7, काँग्रेसचे 4, राष्ट्रवादीचे 4, शिवसेनेचे 1, तर अपक्ष 1 नगरसेवक आहेत.
