बाटली आणि मटणचं एकनाथ खडसे यांचं हे वक्तव्य खडसेंनाच महाग पडणार

खेमचंद कुमावत/जळगावः राष्ट्रवादीचे नेते आमदार एकनाथ खडसे यांनी बंजारा समाजाविषयी केलेल्या वक्तव्याविरोधात संपूर्ण महाराष्ट्रात बंजारा समाज आता आक्रमक झाल्याचे चित्र पाहायला मिळत आहे. जळगावच्या चाळीसगावमध्ये भारतीय जनता पार्टी व बंजारा समाजाच्यावतीने आमदार एकनाथ खडसे यांचा निषेध करण्यात आला आहे. यावेळी एकनाथ खडसे यांच्या विरोधात जोरदार घोषणाबाजीही करण्यात आली. एकनाथ खडसे यांनी लवकरात लवकर सकल बंजारा समाजाची माफी मागावी व राष्ट्रवादीकडून एकनाथ खडसे यांना समज देण्यात यावी अशी मागणीही यावेळेस करण्यात आली आहे.

जळगावच्या जामनेरमध्ये एकनाथ खडसे एका कार्यक्रमात बोलताना बंजारा समाजाविषयी म्हणाले की, निवडणुकीच्या काळात बंजारा समाजाचं दोन किलो मटन आणि एक बाटलीत होऊन जातं हे मी बघितला आहे.

या वक्तव्यामुळे एकनाथ खडसे यांच्यावर बंजारा समाज चांगलाच आक्रमक झाला आहे. ठिकठिकाणी एकनाथ खडसे यांच्या वक्तव्याचा निषेध नोंदवण्यात येत आहे.

याआधीच जळगाव जिल्हा दूध संघाच्या भ्रष्टाचार प्रकरणी खडसे यांच्यावर जोरदाट टीका करण्यात आली होती. त्यातच आता बंजारा समाजाकडून मागील वक्तव्याचा संदर्भ देत त्यांच्यावर जोरदार टीका केली जात आहे.

राष्ट्रवादीचे आमदार असलेले एकनाथ खडसे यांनी बंजारा समाजाच्या भावना दुखवल्याचे सांगत त्यांना राष्ट्रवादी काँग्रेसकडून समज देण्यात यावी अशीही मागणी करण्यात आली आहे.

त्यामुळे हे प्रकरण खडसे यांना भोवणार असल्याचे दिसून येत आहे. या वक्तव्याबद्दल एकनाथ खडसे यांनी माफी मागावी अशी मागणी आता करण्यात येऊ लागली आहे.

दिवसेंदिवस आता एकनाथ खडसे यांच्या अडचणीत वाढ होऊ लागल्याचे दिसून येत आहे. आता बंजारा समाजाकडून थेट राष्ट्रवादी काँग्रेसकडेच तक्रार करुन त्यांना समज देण्यात यावी अशी मागणी करण्यात आली आहे.