Maharashtra Breaking News LIVE : मुख्यमंत्री एकनाथ शिंदे आज रत्नागिरी दौऱ्यावर
Maharashtra Election News LIVE : महाराष्ट्रात विधानसभा निवडणुकीच्या प्रचाराला सुरुवात झाली आहे. आज 16 नोव्हेंबर 2024 राज्यात महत्त्वाच्या घडामोडी घडणार आहेत. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
Maharashtra News: प्रियांका गांधी आज अहिल्यानगर जिल्ह्याच्या दौऱ्यावर
प्रियांका गांधी आज अहिल्यानगर जिल्ह्याच्या दौऱ्यावर… नगर – मनमाड महामार्गाच्या शिर्डीजवळील दौलतबाग परिसरात सभेचं आयोजन… जिल्ह्यातील मविआ उमेदवारांसाठी प्रियंका गांधी यांची सभा…
-
Maharashtra News: अब ना बटेंगे ना कटेंगे… नाशिक शहरात लागले बॅनर
अब ना बटेंगे ना कटेंगे… नाशिक शहरात लागले बॅनर… विश्व हिंदू परिषदेकडून नाशिक शहरात लावण्यात आले बॅनर.. मुस्लिम बहुल भागाकडे जाणाऱ्या रस्त्यांवर लावण्यात आलेत बॅनर… हिंदू हितासाठी १००% मतदा करा… अशा आशयाचे बॅनर
-
-
Maharashtra News: भारताच्या माजी राष्ट्रपती प्रतिभाताई पाटील यांनी बजावला मतदानाचा हक्क
पुण्यातील निवासस्थानी माजी राष्ट्रपतींनी केले मतदान. प्रतिभाताई पाटील यांचं वय 89 असून, निवडणूक आयोगाच्या होम वोटिंग उपक्रमानुसार घरीच बजावला मतदानाचा हक्क…
-
मराठा क्रांती ठोक मोर्चा आक्रमक
मराठा आरक्षणासाठी मराठा क्रांती ठोक मोर्चा आक्रमक झाला आहे. कायगाव टोका येथील गोदावरी नदी पात्रावर ठोक मोर्चाचे आंदोलन सुरू आहे. सर्वपक्षीय राजकीय नेत्यांच्या पुतळ्यांचं दहन करणार आहेत. पुतळ्याचे दहन करून गोदावरी नदी पात्रात जलसमाधी देणार आहेत. मराठा क्रांती ठोक मोर्चाचे अनेक कार्यकर्ते कायगाव टोका नदी पुलावर एकत्र आलेत.
-
राज ठाकरे यांच्या आज नाशिकमध्ये दोन सभा
मनसे अध्यक्ष राज ठाकरे यांच्या आज नाशिकमध्ये दोन सभा होणार आहेत. नाशिकच्या सातपूर आणि सिडको मध्ये दिनकर पाटील यांच्या प्रचारार्थ राज ठाकरे यांच्या सभा होणार आहेत. यंदाच्या विधानसभा निवडणुकीतली राज ठाकरे यांची नाशिक मधली पहिलीच जाहीर सभा होत आहे. नाशिक हा मनसेचा बालेकिल्ला आहे. त्यामुळे नाशकात राज ठाकरे काय बोलणार याकडे लक्ष आहे.
-
-
कोथरूडमधील तिन्ही उमेदवारांना नोटीस
पुण्यात चंद्रकांत पाटलांसह तीन प्रमुख उमेदवारांना नोटीस आली आहे. कोथरूडमधील तिन्ही उमेदवारांना निवडणूक निर्णय अधिकाऱ्याकडून नोटीस आली आहे. उमेदवारांनी दिलेल्या दैनंदिन खर्चात तफावत आढळल्याने कारणे दाखववा नोटीस आली आहे. महायुतीचे उमेदवार चंद्रकांत पाटील, महाविकास आघाडीचे चंद्रकांत मोकाटे आणि मनसेचे उमेदवार किशोर शिंदे यांना पाठवण्यात नोटीस आली. निवडणूक आयोगाने उमेदवारांच्या खर्चावर निबंध ठेवण्यासाठी ४० लाख खर्चाची मर्यादा निश्चित केली आहे. याच खर्चात तफावत असल्याने ही नोटीस पाठवण्यात आली आहे.
-
शिरूरमध्ये बिबट्याच्या हल्ल्यात पाच वर्षीय चिमुकल्याचा मृत्यू
शिरूर तालुक्याच्या मांडवगण फराटा परिसरात बिबट्याची दहशत कायम आहे. बिबट्याच्या हल्ल्यात पाच वर्षीय चिमुकल्याचा मृत्यू झालाय. घरासमोरील अंगणात खेळत बिबट्याने चिमुकल्याला उसाच्या शेतात ओढत नेले यात शिवतेज टेंभेकर या पाच वर्षीय चिमुकल्याचा मृत्यू झाला. त्यामुळे नागरिकांमध्ये संतापाची लाट पसरली आहे. वन विभाग आणि ग्रामस्थांमध्ये यावेळी शाब्दिक बाचाबाची झाली .गेली तीन महिन्यातील बिबट्याची हल्ल्यातील मृत्यूची हि तिसरी घटना असल्याने ग्रामस्थ आक्रमक भूमिकेत पाहायला मिळत आहे. त्यामुळे या बिबट्याला जेरबंद करण्याचं मोठ आव्हान आता वन विभागा पुढे असणार आहे.
-
विधानसभा निवडणूक आता अंतिम टप्प्यात आहे. अशातच मुख्यमंत्री एकनाथ शिंदे आज रत्नागिरी दौऱ्यावर आहेत. रत्नागिरी आणि सिंधुदुर्ग मध्ये एकनाथ शिंदे यांच्या एकूण तीन सभा होणार आहेत. राष्ट्रवादी काँग्रेस पार्टीचे बारामती विधानसभेचे उमेदवार अजित पवार यांचा आज गाव भेट दौरा करत आहेत. पुण्यातील पर्वती मतदारसंघात दीड लाख मतदान चिठ्ठयांचं वाटप केलं गेलं आहे. पुण्यातील कसबा पेठ विधानसभा मतदारसंघाचे महाविकास आघाडीचे उमेदवार रवींद्र धंगेकर यांची 11.30 पत्रकार परिषद होणार आहे. पुणे शहरातील तापमानात वाढ झाली आहे. गेल्या आठवडाभर तापमान कमी होतं. मात्र शुक्रवारी तापमानात वाढ झाली आहे. या सोबतच क्रीडा, मनोरंजन विश्वातील घडामोडी तुम्हाला या ब्लॉगमध्ये वाचायला मिळतील. त्यामुळे दिवसभर आमचा लाईव्ह ब्लॉग फॉलो करा.
Published On - Nov 16,2024 9:01 AM
