Maharashtra Election News LIVE : अपक्ष आमदार किशोर जोरगेवार यांचा भाजपात प्रवेश
Maharashtra Assembly Election 2024 LIVE News and Updates in Marathi : आज 27 ऑक्टोबर 2024. महाराष्ट्रात आज महत्त्वाच्या राजकीय घडामोडी घडणार आहेत. काही महत्त्वाचे पक्ष प्रवेश होऊ शकतात. महाराष्ट्राच्या राजकारणातील सर्व महत्त्वाच्या, लेटेस्ट अपडेट या ब्लॉगच्या माध्यमातून जाणून घ्या.
LIVE NEWS & UPDATES
-
अपक्ष आमदार किशोर जोरगेवार यांचा भाजपात प्रवेश
अपक्ष आमदार किशोर जोरगेवार यांनी आज भाजपात प्रवेश केला आहे. सुधीर मुनगंटीवार यांच्या उपस्थितीत त्यांचा पक्षप्रवेश सोहळा पार पडला.
-
Maharashtra News: आम्ही अटक व्हायला तयार पण तुम्हाला एक सांगतो… बाळासाहेब थोरात यांचं वक्तव्य
जो गुन्हेगार आहे तो मोकाट आणि गुन्हे माझ्या मुलीवर दाखल करताय कायद्याच्या दुरुपयोग आहे , यांनीच आरोपीला लपवून ठेवलंय त्याला मारतील अशी परिस्थिती सध्या जिल्ह्यात आहे… आम्ही अटक व्हायला तयार पण तुम्हाला एक सांगतो की सुजय विखे पाटील यांचा जनता समाचार घेणार, २३ तारखेला चित्र स्पष्ट होईल… असं वक्तव्य बाळासाहेब थोरात यांनी केलं आहे.
-
-
Maharashtra News: शिंदे गटाचे आमदार संजय शिरसाट जरांगे पाटील यांच्या भेटीला
जरांगे पाटील व संजय शिरसाट यांच्यात चर्चा… छत्रपती संभाजीनगर पश्चिम विधानसभा मतदारसंघाचे उमेदवार आहेत संजय शिरसाठ
-
Maharashtra News: गुन्हा दाखल झाल्याने जयश्री थोरात आक्रमक…
संगमनेर शहर पोलिस ठाण्यावर महिलांसह मोर्चा… जयश्री थोरातांसह अनेक महिला एकत्र… राजकीय दबावाचा वापर करून आमच्यावर गुन्हे दाखल करण्यात आले… सर्व सामान्य महिलांवर देखील गुन्हा दाखल करण्यात आले… मी घाबरत नाही पोलिसांनी मला अगोदर अटक करावी…
-
Maharashtra News: कन्नड विधानसभा मतदारसंघात अपक्ष उमेदवाराचे जोरदार शक्तीप्रदर्शन
अपक्ष उमेदवार मनोज पवार यांनी शक्ती प्रदर्शन करत भरला उमेदवारी अर्ज… हजारो लोकांची गर्दी जमवत केला उमेदवारी अर्ज दाखल… मनोज पवार यांचा उमेदवारी अर्ज दाखल करण्यासाठी झाली हजारो लोकांची गर्दी… कन्नड विधानसभा मतदारसंघात विद्यमान आमदार उदयसिंग राजपूत यांना आव्हान…
-
-
किशोर जोरगेवार आज भाजपमध्ये प्रवेश करणार
चंद्रपूरचे अपक्ष आमदार किशोर जोरगेवार यांचं नाव भाजप उमेदवार म्हणून निश्चित झालं आहे. किशोर जोरगेवार यांचा आज भाजपमध्ये प्रवेश होणार आहे. सर्वच पक्षात गट-तट असतात, इच्छुक उमेदवार असतात. त्यामुळे माझ्या उमेदवारीला झालेल्या विरोधात विशेष असं काही नाही हा लोकशाहीचाच एक भाग आहे. किशोर जोरगेवार यांना उमेदवारी दिल्याने आपला एक सदस्य वाढेल असं वाटल्यामुळे कदाचित भाजपने मला उमेदवारी दिली असेल, असं ते म्हणाले. अजित पवार यांनी देखील मला उमेदवारीसाठी विचारल्याची माहिती किशोर जोरगेवार यांनी दिली आहे.
-
संजय राऊतांचा सरकारवर निशाणा
मुंबईतील वांद्रे टर्मिनसवर प्रवाशांची चेंगरी चेंगरी झाली. यावर ठाकरे गटाचे खासदार संजय राऊत यांनी प्रतिक्रिया दिली आहे. वांद्र्यातील चेंगराचेंगरीत प्रवासी जखमी झाले. ही रेल्वे मंत्र्यांची जबाबदारी नाही का? देशामध्ये 25 पैकी जास्त रेल्वे अपघात होतायेत, असं राऊत म्हणालेत. भाजप राजकीय नेत्यांची कुटुंब उद्धस्त करत आहे, असा आरोपही त्यांनी केला आहे.
-
-
29 तलवारीसह 3 कोयते सोलापूर ग्रामीण पोलिसांकडून जप्त
विधानसभा निवडणुकीच्या पार्श्वभूमीवर सोलापूर ग्रामीण पोलिसांनी मोठी कारवाई केली आहे. अक्कलकोटच्या सोलापूर ग्रामीण पोलिसांनी 29 तलवारीसह 3 कोयत्यांचा अवैध शस्त्रसाठा जप्त केला आहे. कारवाईत सोलापूरच्या ग्रामीण पोलिसांनी तिघांना अटक केली आहे. ग्रामीण स्थानिक गुन्हे शाखेचे पोलीस निरीक्षक सुरेश निंबाळकर यांच्या टीमने कारवाई केली आहे.
-
वांद्रे टर्मिनसवर चेंगराचेंगरी
मुंबईतील वांद्रे टर्मिनसवर पहाटेच्या सुमारास चेंगराचेंगरी झाली. वांद्र्यावरून उत्तर प्रदेशच्या गोरखपूरकडे जाणाऱ्या 22921 ही गाडी प्रवाशांची चेंगराचेंगरी झाली आहे. छट पूजेसाठी गावी निघालेल्या प्रवाशांची वांद्रे टर्मिनसवर गर्दी झाली होती. यावेळी ही चेंगराचेंगरी झाली. या घटनेत नऊ जण जखमी झाले आहेत. तर दोघांची प्रकृती गंभीर आहे.
विधानसभा निवडणूक होत आहे. राजकीय घडामोडींना वेग आला आहे. रावसाहेब दानवे यांच्या कन्या संजना जाधव आज मुख्यमंत्री एकनाथ शिंदे यांच्या उपस्थितीत शिंदे गटात प्रवेश करणार आहेत. तर काही ठिकाणी उमेदवारी न मिळाल्याने बंडखोरीची शक्यता आहे. पक्षाकडून डावलण्यात आल्याने अपक्ष लढण्याची तयारी आहे. तर मुंबईतील वांद्रे टर्मिनसवर चेंगराचेंगरी झाली आहे. या घटनेत 9 जण गंभीररित्या जखमी झाले आहेत. याबाबतचे सर्व महत्त्वाच्या घडामोडी, तसंच मनोरंजन, क्रीडा विश्वातील घडामोडींचेही अपडेट्स तुम्हाला या ब्लॉगच्या माध्यमातून वाचायला मिळतील. त्यामुळे दिवसभर आमचा हा ब्लॉग फॉलो करा.
Published On - Oct 27,2024 10:03 AM
