Maharashtra Assembly Election 2024 LIVE : आम्ही अजिबात नाराज नाही- संजय राऊत

राज ठाकरेंची भेट राजकीय नाही- मुरलीधर मोहळ

राज ठाकरे यांच्याशी माझे जुने संबंध आहेत. माझ्या लोकसभा निवडणुकीच्या प्रचारासाठी स्वत: राज साहेब पुण्यात आले होते. मी निवडून आल्या नंतर राज साहेबांची भेट झाली नव्हती. आज मुंबईत असल्याने भेट घेण्यासाठी आलो, यात कोणताही राजकीय संदर्भ नाही, असे मुरलीधर मोहळ यांनी सांगितले.

संकष्ट चतुर्थीमुळे गर्दी

आश्विन महिन्यातील संकष्ट चतुर्थी रविवारी आल्याने भाविकांनी अष्टविनायक क्षेत्र थेऊर येथील श्री चिंतामणीच्या दर्शनाला पहाटे पासून गर्दी केली होती. पहाटे पुजारी आगलावे बंधु यांच्या हस्ते श्रींची पूजा करण्यात आली.

मविआचा जागावाटपासंदर्भातील वाद विकोपाला – सूत्रांची माहिती

मविआचा जागावाटपासंदर्भातील वाद विकोपाला गेल्याची माहिती सूत्रांनी दिली आहे. ठाकरे गटाने काँग्रेस हायकमांडकडे तीव्र शब्दांत नाराजी व्यक्त केल्याचे समजते. या पार्श्वभूमीवर मातोश्रीवर ठाकरे गटाने तातडीची बैठक बोलावली आहे.

आदित्या ठाकरे घेणार शरद पवारांची भेट

शिवसेना ठाकरे गटाचे युवा नेते आदित्य ठाकरे हे शरद पवारांची वाय.बी. चव्हाण सेंटरमध्ये थोड्याच वेळात भेट घेणार आहेत. महाविकास आघाडीतील जागांच्या वादाच्या पार्श्वभूमीवर ही भेट महत्वाची मानली जात आहे.

राष्ट्रवादी काँग्रेस शरदचंद्र पवार पक्षात अनेक उमेदवारांचे निर्णय अजूनही प्रलंबित

राष्ट्रवादी काँग्रेस शरदचंद्र पवार पक्षात माढा, माण, श्रीगोंदा, मोहोळ, अणुशक्तीनगर, परळी या विधानसभेच्या उमेदवारांचं निर्णय अजूनही प्रलंबित आहेत.  माढा मतदारसंघात 6 , माण मतदारसंघात 4 जण, मोहोळ मतदारसंघात 5 जण परळी मतदारसंघात 5 जण इच्छुक आहेत.

श्रीगोंदा मतदारसंघाबाबत उद्धव बाळासाहेब ठाकरे आणि शरदचंद्र पवार पक्षात अजूनही रस्सीखेच सुरू आहे. ठाकरे गटाकडून साजन पाचपुते उमेदवारी मिळवण्यासाठी प्रयत्नशील तर शरद पवारांच्या पक्षातून राहुल जगताप इच्छुक.

मविआच्या डोक्यात फक्त भाजपचा द्वेष – चंद्रशेखर बावनकुळे

मविआच्या डोक्यात फक्त भाजपचा द्वेष आहे. त्यांच्याकडे महाराष्ट्राच्या विकासाचा विचार नाही. राऊतांना दिवसभरासाठी ब्रेड बटर हवं असतं म्हणून आरोप करतात, अशी टीका चंद्रशेखर बावनकुळे यांनी केली.

सोने आणि चांदीची जोरदार मुसंडी

जळगावच्या सराफ बाजारात एका दिवसात चांदीच्या दरात तब्बल तीन हजारांनी वाढ तर सोन्याचे दरात सुद्धा ३०० रुपयांनी वाढ झाली आहे. जळगाव सोन्याच्या दराने केला ८० हजारांचा टप्पा पार तर चांदीचे दर एक लाख रुपयांच्या उंबरठ्यावर येऊन ठेपले आहे.

उद्धव सेनेचा पराभव निश्चित -संजय शिरसाट

ज्या रिक्षा चालकाला बाळासाहेबांनी विधानभवनात पाठवलं होतं त्यावेळेस पैसे घेतले होते का ? आता उद्धव साहेबांनी दोन वेळेस तिकीट दिल त्यांच्या नावावर निवडून आले. त्यावेळेस यांनी पैसे दिले होते का ? त्यांना माहित आहे उद्धव साहेबांनी मला प्रवेश दिला, त्यामुळे पश्चिम विधानसभा मतदारसंघातून त्यांचा पराभव निश्चित आहे, असा टोला संजय शिरसाट यांनी लगावला.

निलेश राणे मुख्यमंत्री एकनाथ शिंदे यांच्या भेटीला

भाजपचे कोकणातील नेते माजी खासदार निलेश राणे मुख्यमंत्री एकनाथ शिंदे याची भेट घेणार असल्याची माहिती समोर येत आहे. मुख्यमंत्री एकनाथ शिंदे यांच्या वर्षा बंगल्यावर दुपारच्या सुमारास भेट घेणार आहे. निलेश राणे यांना कुडाळ-मालवण विधानसभा मतदारसंघातून शिवसेनेकडून उमेदवारी देण्यात येणार असल्याची माहिती सूत्रांनी दिली.

राज ठाकरे यांच्या पदाधिकाऱ्यांसोबत चर्चा

विधानसभा निवडणुकीच्या पार्श्वभूमीवर पुणे जिल्ह्यातील मनसे च्या महत्वाच्या 10 पदाधिकारी सोबत आज मनसे अध्यक्ष राज ठाकरे यांच्या सोबत शिवतीर्थ वर बैठक आहे. बैठकीसाठी मनसे चे पुणे शहराध्यक्ष साईनाथ बाबर, राज्याचे सरचिटणीस राजेंद्र वागस्कर, अनिल शिदोरे यांच्यासह 4 सरचिटणीस सहभागी झाले आहेत.

जरांगे यांनी रिंगणात उतरावे

मनोज जरांगे यांच्या आजच्या भूमिकेअगोदरच छगन भुजबळ यांनी त्यावर प्रतिक्रिया दिली आहे. देशात लोकशाही आहे. जी भूमिका घेतील ते घेतील, मला तर असं वाटतं त्यांनी उमेदवार उभे करायला पाहिजे. लोकशाहीमध्ये सगळ्यांना अधिकार आहे, कितीतरी पक्ष निर्माण झालेले आहेत. त्यांनी सुद्धा नशीब आजमावायला हरकत नाही, अशी प्रतिक्रिया छगन भुजबळ यांनी दिली.

फडणवीस क्रूर माणूस – मनोज जरांगे पाटील

मनोज जरांगे पाटील यांनी अंतरवाली सराटीतील बैठकीपूर्वी पुन्हा एकदा उपमुख्यमंत्री देवेंद्र फडणवीस यांच्यावर निशाणा साधला. फडणवीस क्रूर माणूस आहे. ते खूनशी आहेत असा आरोप त्यांनी केला.

आज उद्धव ठाकरे गटाची दुपारी बैठक

मातोश्रीवर आज दुपारी 12:30 वाजता उद्धव ठाकरे गटाची तातडीने बैठक घेण्यात येणार आहे. काही निर्णय घ्यावे लागतील, असा सूचक इशारा खासदार संजय राऊत यांनी दिला.

Maharashtra News: मविआची जागावाटपावर 10 तास बैठक – संजय राऊत

मविआची जागावाटपावर 10 तास बैठक… निवडणुकीसंदर्भात सर्व नेते एकत्र चर्चा करणार.. मविआ टिकली पाहिजे असं आम्हाला वाटतं… मातोश्रीवर 12.30 वा पक्षाची तातडीनं बैठक बोलावली… पुढच्या वाटचालीसंदर्भात बैठकीत निर्णय घेऊ… असं वक्तव्या संजय राऊत यांनी केलं आहे.

Maharashtra News: जळगाव जिल्ह्यात लोकसभा निवडणुकीच्या तुलनेत महिला मतदारांची वाढली

जळगाव जिल्ह्यात लोकसभा निवडणुकीच्या तुलनेत महिला मतदारांची संख्या ७४ हजार ९४७ ने वाढली आहे.. विधानसभा निवडणुकीत एकूण ३६ लाख ५५ हजार ६४८ इतक्या मतदारांची नोंदणी झाली आहे… त्यात १७ लाख ७५ हजार ८६० महिला मतदारांचा समावेश आहे… पुरुष मतदारांची संख्या ४९ हजार ५७६ ने तर महिला मतदारांची संख्या ७४ हजार ९४७ ने वाढली आहे.

Maharashtra News: ठाकरे गटात आर्थिक देवाण – घेवाण करुन उमेदवारी… शिरसाटांचा आरोप

ठाकरे गटात आर्थिक देवाण – घेवाण करुन उमेदवारी… निष्ठावंतांना डावलून बाहेरुन आलेल्यांना उमेदवारी दिली जाते… ठाकरे गटात सगळा पैशांचा खेळ सुरु… असं देखील संजय शिरसाट म्हणाले आहेत.

Maharashtra News: वादळी वाऱ्यासह मुसळधार पाऊस व गारपीटीचा जबर तडाखा…

अमरावतीच्या तिवसा तालुक्याला वादळी वाऱ्यासह मुसळधार पाऊस व गारपीटीचा जबर तडाखा… वादळी वारा आणि पावसामुळे कपाशी, तूर, सोयाबीन सह संत्रा बागांचे प्रचंड नुकसान… नुकसानीची पाहणी करण्यासाठी काँग्रेस नेत्या यशोमती ठाकूर पोहचल्या बांधावर… मोझरी, अनकवाडी, वऱ्हा, मालधुर गावातील शेतकऱ्यांचे नुकसान… कपाशी, तूरीचे पीक झाले जमीनदोस्त, काढनीला आलेले सोयाबिन झाले खराब…

Maharashtra News: 95 टक्के पेक्षा जास्त महिलांना लाडकी बहीणचे पैसे – छगन भुजबळ

95 टक्के पेक्षा जास्त महिलांना लाडकी बहीणचे पैसे… समीर भुजबळांवरील बातम्यांना काहीत आधार नाही…. असं वक्तव्य छगन भुजबळ यांनी केलं आहे.

काँग्रेसची आज महत्वाची बैठक

विधानसभा निवडणुकीच्या दृष्टीने काँग्रेसच्या आज महत्त्वपूर्ण बैठका होत आहेत. राजधानी दिल्लीत होणार दोन महत्त्वपूर्ण बैठका होत आहेत.  थोड्याच वेळात काँग्रेसच्या स्क्रीनिंग कमिटीच्या बैठकीला सुरुवात होणार आहे. नाना पटोले बाळासाहेब थोरात सतेज पाटील वर्षा गायकवाड विजय वडेट्टीवार दिल्लीत दाखल आहे. आज संध्याकाळी केंद्रीय निवडणूक समितीचीही बैठक होणार आहे. मलिकार्जुन खरगे आणि राहुल गांधींच्या उपस्थितीत होणार केंद्रीय निवडणूक समितीची बैठक होणार आहे,. आजच काँग्रेस उमेदवारांच्या नावांवर शिक्कामोर्तब होणार आहे.

अमरावतीत पावसामुळे शेतीचं नुकसान

अमरावतीच्या तिवसा तालुक्याला वादळी वाऱ्यासह मुसळधार पाऊस आणि गारपीटीचा जबर तडाखा बसला आहे. वादळी वारा आणि पावसामुळे कपाशी,तूर,सोयाबीन सह संत्रा बागांचे प्रचंड नुकसान झालं आहे. नुकसानीची पाहणी करण्यासाठी काँग्रेस नेत्या यशोमती ठाकूर शेतकऱ्यांच्या बांधावर पोहचल्या आहेत. मोझरी, अनकवाडी,वऱ्हा,मालधुर गावातील शेतकऱ्यांचं नुकसान झालं आहे. कपाशी, तूरीचे पीक झाले जमीनदोस्त, काढनीला आलेले सोयाबिन खराब झालं आहे.

दक्षिण सोलापूर विधानसभेचे काँग्रेसचे इच्छुक उमेदवार मनसेच्या वाटेवर?

काँग्रेसच्या महादेव कोगनुरे यांनी घेतली मनसे अध्यक्ष राज ठाकरे यांची भेट घेतली आहे. मुंबईत जाऊन राज ठाकरे यांची भेट घेऊन सविस्तर चर्चा केली. सोलापूर लोकसभा निवडणुकीच्या वेळेस काँग्रेसमध्ये प्रवेश केला होता. दक्षिण सोलापूर मतदारसंघासाठी काँग्रेसकडून कोगणूरे इच्छुक कोगणूरे होते.  काँग्रेस नेते आणि एम के फाउंडेशनचे अध्यक्ष महादेव कोगनुरे हे मनसेकडून दक्षिण सोलापूरची जागा लढण्याची शक्यता आहे.

राष्ट्रीय समाज पक्ष करमाळ्यात लढणार

राष्ट्रीय समाज पक्ष करमाळा विधानसभा मतदारसंघ पूर्ण ताकदीने लढणार आहे. करमाळ्यातील अनेकजण राष्ट्रीय समाज पक्षाच्या संपर्कात आहेत. करमाळ्याच्या उमेदवारीसाठी चार ते पाच जण राष्ट्रीय समाज पक्षाच्या संपर्कात आहेत. आमचा उमेदवार हा जनमतातील आणि प्रबळ उमेदवार असणार आहे. राष्ट्रीय समाज पक्षचे जिल्हा सरचिटणीस अंगद देवकते यांनी म्हटलं आहे.