Maharashtra Breaking News LIVE : सीएमपदासाठी फडणवीसांच्या नावावर शिक्कामोर्तब – सूत्र
Maharashtra Election News LIVE : आज 26 नोव्हेंबर 2024 राज्यात महत्त्वाच्या घडामोडी घडणार आहेत. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
Maharashtra News: सीएमपदासाठी फडणवीसांच्या नावावर शिक्कामोर्तब – सूत्र
सीएमपदासाठी फडणवीसांच्या नावावर शिक्कामोर्तब… शिंदेंचे 6, दादांचे 4 आमदार घेणार शपथ… मुख्यमंत्र्यांसोबत 20 आमदार मंत्रिपदाची शपथ घेणार असल्याची माहिती सूत्रांकडून मिळाली आहे…
-
Maharashtra News: एकनाथ शिंदे यांच्या खासदारांनी पंतप्रधानांची भेट घेण्यासाठी वेळ मागितला – सूत्र
एकनाथ शिंदे यांच्या खासदारांनी पंतप्रधानांची भेट घेण्यासाठी वेळ मागितला… अशी माहिती सुत्रांनी दिली आहे. शिवसेनेचे माजी खासदारही दिल्लीत उपस्थित राहणार.. एकनाथ शिंदे यांचे 7 खासदार आणि 4 माजी खासदार पंतप्रधानांची भेट घेणार…
-
-
Maharashtra News: लोकसभेच्या वेळी संविधानाबाबत फेक नॅरेटिव्ह सेट केला गेला – अजित पवार
लोकसभेच्या वेळी संविधानाबाबत फेक नॅरेटिव्ह सेट केला गेला… आम्हाला संविधानाबाबत अतिशय आदर, अभिमान आहे…. असं वक्तव्य अजित पवार यांनी केलं आहे.
-
पुणे महानगरपालिकेची निवडणूक लांबणीवर पडणार?
पुणे महानगरपालिकेच्या अहवालामुळे निवडणुका लांबणीवर पडण्याची शक्यता आहे. फुरसुंगी आणि उरुळी देवाची गावे वगळल्याने एक प्रभाग कमी होणार असल्याचा महापालिकेने राज्य निवडणूक आयोगाकडे अहवाल पाठवला आहे. महापालिकेच्या या अहवालामुळे नव्याने प्रभाग रचना करावी लागणार आहे. त्यामुळे पुणे महापालिकेची निवडणूक लांबणीवर पडण्याची शक्यता आहे. पुणे महापालिकेतील फुरसुंगी आणि उरुळी देवाची गावे वगळून नवीन नगरपरिषद करण्यात आल्याने अहवाल सादर करण्यात आला आहे.
-
पुण्यात दोन आंतरराष्ट्रीय विमानसेवा सुरू
पुण्यात आणखी दोन आंतरराष्ट्रीय विमानसेवा सुरू होणार आहे. पुण्याहून देशांतर्गतसह आंतरराष्ट्रीय विमान उड्डाणांमध्ये आता वाढ झाली आहे. पुण्यातून दुबई आणि बँकॉकसाठी थेट विमानसेवा सुरू झाली आहे. यामुळे पुण्यातून होणाऱ्या आंतरराष्ट्रीय उड्डाणांची संख्या आता चार झाली आहे. पुणे विमानतळाने हिवाळी वेळापत्रकात या नवीन आंतरराष्ट्रीय उड्डाणांचे नियोजन केले होते. इंडिगो एअरलाइन्सने पुण्याहून बँकॉकसाठी थेट विमानसेवा २२ नोव्हेंबरपासून सुरू केली आहे.
-
-
महायुतीचा मुख्यमंत्रिपदाचा चेहरा कोण?
विधानसभा निवडणुकीत भाजप आणि महायुतीला स्पष्ट बहुमत मिळालं आहे. पण अद्यातपर्यंत मुख्यमंत्रिपदाचा चेहरा कोण? हे स्पष्टपणे समोर आलेलं नाही. देवेंद्र फडणवीस यांचं नाव मुख्यमंत्रिपदासाठी चर्चेत आहे. तर एकनाथ शिंदे हे मुख्यमंत्रिपदासाठी आग्रही असल्याचं कळतं आहे. त्यामुळे महाराष्ट्राच्या मुख्यमंत्रिपदी कोण विराजमान होणार? हे पाहणं महत्वाचं असणार आहे.
-
शरद पवार गटाच्या नेत्यावर हल्ला
राष्ट्रवादी काँग्रेस शरद पवार गटाच्या मोताळा तालुकाध्यक्षावर प्राणघातक हल्ल झाला आहे. बुलढाण्यातील तालखेड फाट्या जवळील घटना आहे. चार अज्ञातांनी केला तालुकाध्यक्षवर हल्ला केला आहे. सुनील कोल्हे यांचे हात आणि पाय फ्रॅक्चर आहेत. कोल्हे वर रुग्णालयात उपचार सुरू आहेत. काल सायंकाळी चार जणांनी हल्ला केला आहे. कोल्हे शेतातून घरी परतत होते.
-
महाराष्ट्र विधानसभा निवडणूक झाली आहे. महायुतीला बहुमत मिळालं आहे. आज विधानसभेचा कार्यकाळ संपणार आहे. त्यामुळे एकनाथ शिंदे आज मुख्यमंत्रिपदाचा राजीनामा देण्याची शक्यता आहे. तर नव्या सरकारचा शपथविधी कधी होणार? याबाबतची अधिकृत माहिती समोर आलेली नाही. त्यामुळे महाराष्ट्राच्या मुख्यमंत्रिपदी कोण विराजमान होणार? हे पाहणं महत्वाचं असणार आहे. पुणे जिल्ह्यातील 21 विधानसभेतील उमेदवारांना एक महिन्याच्या आत निवडणुकीचा हिशोब द्यावा लागणार आहे. या सोबतच क्रीडा, मनोरंजन विश्वातील घडामोडी तुम्हाला या ब्लॉगमध्ये वाचायला मिळतील. त्यामुळे दिवसभर आमचा लाईव्ह ब्लॉग फॉलो करा.
Published On - Nov 26,2024 8:22 AM
