काका विरुद्ध पुतण्या, बाप विरुद्ध लेक, ‘या’ मतदारसंघात होणार राष्ट्रवादी विरुद्ध राष्ट्रवादी लढत, पाहा यादी

Maharashtra Assembly Elections 2024 : महाराष्ट्रातील विधानसभा निवडणूक तोंडावर येऊन ठेपली आहे. निवडणुकांचे बिगुल वाजताच आता विविध पक्षांकडून उमेदवारांच्या यादी जाहीर केल्या जात आहेत. भाजप, शिंदे गट, राष्ट्रवादी अजित पवार गटाकड़ून आतापर्यंत उमेदवारी यादी जाहीर करण्यात आल्या आहेत. तर दुसरीकडे महाविकासआघाडीकडून ठाकरे गट आणि शरद पवार गटाकडून उमेदवारी यादी जाहीर करण्यात आली आहे. यंदाच्या निवडणुकीत महायुती विरुद्ध महाविकासआघाडी अशी लढत होणार आहे. पण त्यातही शिवसेना विरुद्ध शिवसेना आणि राष्ट्रवादी विरुद्ध राष्ट्रवादी या लढतींकडे सर्वांचेच लक्ष लागले आहे.

महाराष्ट्र विधानसभा निवडणुकीसाठी अजित पवार यांच्या राष्ट्रवादी काँग्रेसकडून यादी जाहीर करण्यात आली आहे. यात बारामतीतून अजित पवार, परळीतून धनंजय मुंडे, आंबेगावमधून दिलीप वळसे पाटील आणि कोपरगावमधून आशुतोष काळे यांना उमेदवारी देण्यात आली आहे. तर दुसरीकडे शरद पवारांनीही या मतदारसंघात त्यांचे उमेदवार जाहीर केले आहेत. त्यामुळे तब्बल १६ मतदारसंघात राष्ट्रवादी अजित पवार गट विरुद्ध राष्ट्रवादी शरद पवार गट अशी लढत होणार आहे.