Maharashtra Corona Update | महाराष्ट्रात दिवसभरात सर्वाधिक 2347 नवे रुग्ण, कोरोनाबाधितांचा आकडा 33 हजार पार

मुंबई : महाराष्ट्रातील कोरोनाबाधितांचा आकडा 33  हजारांच्या पार पोहोचला (Maharashtra Corona Latest Update) आहे. आज राज्यात सर्वाधिक 2 हजार 347 रुग्णांची वाढ झाली आहे. त्यामुळे महाराष्ट्रात एकूण कोरोनाबाधितांची संख्या 33 हजार 053 वर पोहोचली आहे.

महाराष्ट्रातील कोरोनाबाधित रुग्णांची संख्या झपाट्याने वाढत आहे. कोरोनाचे हॉटस्पॉट बनलेल्या मुंबईत आज 1 हजार 595 रुग्णांची नोंद करण्यात आली. तर राज्यात आज 2, 347 जणांचा रिपोर्ट कोरोना पॉझिटिव्ह आला आहे. त्यामुळे राज्यातील कोरोनाबाधितांचा आकडा 33 हजार 053 पर्यंत पोहोचला आहे. तर मुंबईतील कोरोनाबाधितांचा आकडा 20 हजार 150 वर पोहोचला आहे.

तर दुसरीकडे राज्यात आज कोरोनाने 63 बळी घेतले आहेत. त्यामुळे राज्यातील कोरोनाबळींचा आकडा 1 हजार 198 वर पोहोचला आहे.

महाराष्ट्रातील कोरोनाबाधितांची अपडेट 

राज्यात कोरोनाचे नवे रुग्ण  – 2347 आतापर्यंत एकूण रुग्णांची संख्या – 33 हजार 053 कोरोना बळी – 63 मृत्यू राज्यातील एकूण कोरोनाबाधितांचा मृत्यू – 1198 डिस्चार्ज रुग्ण – 524 एकूण डिस्चार्ज – 7688

मुंबईतील कोरोनाबाधितांचा आकडा

मुंबईत दिवसभरात नवीन रुग्ण – 1595 दिवसभरात मृत्यू -38 एकूण रुग्ण संख्या – 20 हजार 150 एकूण मृतांची संख्या – 734

राज्यात कोरोनाबाधितांचा आकडा दिवसेंदिवस वाढत चालला आहे. त्या पार्श्वभूमीवर महाराष्ट्रातील लॉकडाऊन 31 मे पर्यंत वाढवण्यात आला आहे. हा लॉकडाऊनचा चौथा टप्पा आहे.  त्यामुळे आता पुढील 14 दिवस राज्यात सर्वच ठिकाणी लॉकडाऊन कायम राहणार आहे.

महाराष्ट्रातील प्रत्येक जिल्ह्यातील कोरोना रुग्णांची अपडेट

(Maharashtra Corona Latest Update)

संबंधित बातम्या :

Lockdown 4 | महाराष्ट्रातील लॉकडाऊनमध्ये 31 मेपर्यंत वाढ

अकोला जिल्ह्यातील कोरोनाबाधितांचा आकडा 252 वर, एका दिवसात 32 पॉझिटिव्ह