राज्यात कोरोनाबाधितांचा आकडा 2 हजार पार, एका दिवसात 82 रुग्णांची वाढ

मुंबई : राज्यातील कोरोनाबाधितांच्या आकड्याने 2 हजारचा टप्पा ओलांडला (Maharashtra Corona Virus Update) आहे. राज्यात आज (13 एप्रिल) 82 कोरोना रुग्ण वाढले आहेत. यात मुंबई, पुणे, ठाणे, वसई विरारमधील कोरोना रुग्णांचा समावेश आहे. त्यामुळे राज्यातील कोरोनाबाधितांची संख्या 1 हजार 982 वरुन 2 हजार 064 वर पोहोचला आहे.

राज्यात कोरोनाबाधितांच्या संख्येत दिवसेंदिवस वाढ होत (Maharashtra Corona Virus Update) आहे. यात मुंबईतील कोरोना रुग्णांची संख्या ही सर्वाधिक आहे. मुंबईत कोरोनाबाधितांचा आकडा हा 1 हजार 357 वर पोहोचला आहे. त्यामुळे मुंबईला कोरोनाचा विळखा वाढत असल्याचे पाहायला मिळत आहे.

राज्यात कुठे किती नवे रुग्ण?

• मुंबई – 59
• पुणे – 3
• मालेगाव – 12
• ठाणे – 5
• वसई विरार – 1
• पालघर – 2

आज मुंबईत 59 रुग्णांची वाढ झाली आहे. त्यामुळे मुंबईतील कोरोनाबाधितांचा आकडा हा 1 हजार 298 वरुन 1 हजार 357 वर पोहोचला आहे. त्यानंतर मालेगावमधील कोरोना रुग्णांचा आकडाही झपाट्याने वाढतो आहे. आज मालेगावात 12 रुग्णांची वाढ झाल्याने मालेगावातील आकडा 27 वर पोहोचला आहे.

राज्यात कोरोना रुग्णांची संख्या 2064 वर 

राज्यातील कोरोना रुग्णांची संख्या 2064 वर पोहचली आहे. तर आतापर्यंत उपचारानंतर 217 कोरोनाबाधित रुग्ण बरे झाले असून त्यांना घरी सोडण्यात आलं आहे.

देशात कोरोना विषाणूच्या संसर्गाचा सर्वाधिक फटका बसलेलं ठिकाण म्हणजे देशाची आर्थिक राजधानी मुंबई. एकट्या मुंबईत आतापर्यंत 1357 कोरोना रुग्णांची नोंद झाली आहे. यापैकी 92 जणांचा मृत्यू झाला आहे. काल मुंबईत आत्तापर्यंतची सर्वाधिक 16 कोरोना रुग्णांच्या मृत्यूची नोंद झाली आहे. तसेच 217 नवीन कोरोना रुग्णांची नोंद झाली  (Maharashtra Corona Virus Update)आहे.

आतापर्यंतची अपडेट आकडेवारी