Maharashtra Corona Update | राज्यात दिवसभरात कोरोनाचे 1,233 नवे रुग्ण, आकडा 17 हजारच्या उंबरठ्यावर

मुंबई : महाराष्ट्रात आज (6 मे) कोरोनाच्या 1,233 नव्या रुग्णांची (Maharashtra New Corona Cases) नोंद झाली आहे. यासह राज्यातील एकूण कोरोनाबाधित रुग्णांची संख्या 16 हजार 758 झाली आहे. आज राज्यात 275 कोरोनाबाधित रुग्ण उपचारानंतर बरे झाले असून त्यांना घरी सोडण्यात आले आहे. आतापर्यंत राज्यभरात एकूण 3 हजार 094 रुग्ण (Maharashtra New Corona Cases) बरे झाले आहेत.

राज्यात दिवसभरात 34 कोरोनाबाधितांचा मृत्यू

आज राज्यात 34 कोरोनाबाधित रुग्णांचा मृत्यू झाला आहे. यासह राज्यातील एकूण कोरोना बाधितांच्या मृत्यूची संख्या 651 वर पोहोचली आहे. आज झालेल्या मृत्यूमध्ये मुंबईमधील 25, पुण्यातील 3, अकोला शहरातील 3, जळगावमधील 1 आणि सोलापुरातील एकाचा समावेश आहे.

Corona Update : महाराष्ट्राला दिलासा, दोन दिवसात 700 कोरोना रुग्णांना डिस्चार्जhttps://t.co/otaLBGPrzs@rajeshtope11 #coronavirusinpakistan #Corona

— TV9 Marathi (@TV9Marathi) May 6, 2020

आज झालेल्या 34 मृत्यूंपैकी 21 पुरुष तर 13 महिला आहेत. आज झालेल्या मृत्यूंपैकी 60 वर्षे किंवा त्यावरील 18 रुग्ण आहेत, तर 13 रुग्ण हे 40 ते 59 या वयोगटातील आहेत. 3 जण 40 वर्षांखालील आहेत. 34 रुग्णांपैकी 27 जणांमध्ये ( 79 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार (Maharashtra New Corona Cases) आढळले आहेत.

आजपर्यंत राज्यात 1,90,879 नमुन्यांपैकी 1,73,838 जणांचे प्रयोगशाळा नमुने कोरोना निगेटिव्ह आले आहेत. तर 16,758 जण पॉझिटिव्ह आढळले आहेत.

राज्यातील ज्या भागात रुग्णांचे क्लस्टर सापडले आहेत त्या ठिकाणी क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 1048 कंटेनमेंट झोन क्रियाशील आहेत. आज एकूण 11 हजार 692 सर्वेक्षण पथकांनी काम केले. त्यांनी 51.14 लाख लोकसंख्येचे सर्वेक्षण केले आहे.

कोरोनाची अद्ययावत आकडेवारी :

Maharashtra New Corona Cases