एकच आमदार असलेल्या पक्षासाठी भाजपच्या…रोहित पवार यांचे एका दगडात दोन पक्षी
lok sabha election 2024 rohit pawar | एकीकडे ४०-४० आमदार असलेल्या फुटीर गटांना जागावाटपाच्या वाटाघाटी करताना हवं ते मिळत नाही तर दुसरीकडे १-१ आमदार असलेल्या छोट्या पक्षांना मात्र भाजप पायघड्या अंथरतोय, असा टोला रोहित पवार यांनी लगावला.
पुणे | 21 मार्च 2024 : लोकसभा निवडणुकीची रणधुमाळी सुरु होताच युती अन् आघाड्यांना वेग आला आहे. महाराष्ट्रात महायुती आणि महाविकास आघाडी यांच्यात जागा वाटपाची बोलणी अंतिम टप्प्यात आली आहे. त्याचवेळी महायुतीत नवीन पक्ष दाखल होण्याची चर्चा सुरु आहे. राज ठाकरे यांचा मनसे महायुतीत येत आहे. यासंदर्भात राष्ट्रवादी काँग्रेसचे शरद पवार गटाचे आमदार रोहित पवार यांनी खोचक ट्विट केले आहे. महाराष्ट्रात मनसेसोबत अन् तामिळनाडूत भाजपने सहा पक्षांसोबत युती केली असल्यामुळे रोहित पवार यांनी टीका केली आहे.
काय आहे रोहित पवार यांचे ट्विट
आज देशभरात भाजपसाठी असलेली प्रतिकूल परिस्थिती बघता पराभवाच्या भीतीपोटी भाजपा आता छोटे छोटे मित्रपक्ष जोडत आहे. एकीकडे ४०-४० आमदार असलेल्या फुटीर गटांना जागावाटपाच्या वाटाघाटी करताना हवं ते मिळत नाही तर दुसरीकडे १-१ आमदार असलेल्या छोट्या पक्षांना मात्र भाजप पायघड्या अंथरतोय, असा टोला राज ठाकरे आणि अमित शहा यांच्या भेटीवरून रोहित पवार यांचा भाजपसह अजित पवार यांना टोला लगावला.
ट्विटमध्ये रोहित पवार यांनी म्हटले आहे की, असला शाही पाहुणचार बघून छोटे पक्ष मनातले मांडे खात असले तरी ‘उपयुक्तता असेपर्यंत वापरायचे आणि नंतर पूर्णतः संपवून आपले गुलाम बनवून फेकायचे’ या भाजपच्या मूळ स्वभावापासून मात्र ते अनभिज्ञ दिसतात. या छोट्या पक्षांकडे बघून अल्पावधीतच आधीच शिकार झालेले मोठे पक्ष “नया_है_वह” असेच म्हणत असतील!
आज देशभरात भाजपसाठी असलेली प्रतिकूल परिस्थिती बघता पराभवाच्या भीतीपोटी भाजपा आता छोटे छोटे मित्रपक्ष जोडत आहे. एकीकडे ४०-४० आमदार असलेल्या फुटीर गटांना जागावाटपाच्या वाटाघाटी करताना हवं ते मिळत नाही तर दुसरीकडे १-१ आमदार असलेल्या छोट्या पक्षांना मात्र भाजप पायघड्या अंथरतोय.
असला…
— Rohit Pawar (@RRPSpeaks) March 21, 2024
रोहित पवार महायुतीमधील एकाही पक्षावर सोडत नाही. अनेक वेळा त्यांनी अजित पवार यांच्यावर कठोर टीका केली आहे. परंतु आता भाजप आणि मनसे युतीवरुन राज ठाकरे यांना घेरले आहे. यापूर्वी राज ठाकरे यांनी महाविकास आघाडीत यावे, अशी ऑफर रोहित पवार यांनी राज ठाकरे यांना दिली होती.
हे ही वाचा
शरद पवार, अजित पवार वादावर शरद पवार यांच्या बहिणीचे वक्तव्य, कोणाची घेतली बाजू
