Dhananjay Munde : धनंजय मुंडें यांचं पंकजा मुंडे यांना ओपन चॅलेंज; मी MIDC आणली, तुम्ही…

मुंबई : परळीत पुन्हा एकदा मुंडे बहीण-भावात शाब्दिक चकमक सुरु झालीय. आपण दुसऱ्यांच्या कामाचं श्रेय घेत नाही, असा टोला पंकजांनी लगावला होता. त्यावरुन पलटवार करताना धनंजय मुंडेंनी पंकजांना खुलं आव्हान दिलंय.

पुन्हा एकदा मुंडे बहीण-भावात वार-पलटवार सुरु झालाय. यावेळी धनंजय मुंडेंनी पंकजा मुंडेंचा ओपन चॅलेंज दिलंय. मी बीडमध्ये MIDC आणली, तुम्ही एक उद्योग तरी आणून दाखवा अशा शब्दात धनंजय मुंडेंनी आव्हान दिलंय. काही दिवसांआधीच, मी दुसऱ्यांच्या कामाचं श्रेय घेत नाही, असा टोला पंकजा मुंडेंनी लगावला होता.

परळी तालुक्यातल्या इंदपवाडी आणि जीरेवाडीत जलजीवन कामाचं भूमिपूजन धनंजय मुंडेंच्या हस्ते झालं. यावेळी धनंजय मुंडेंनी, पंकजा मुंडेंच्या काळातील भूमीपजूनं आणि वारस्यावरुन डिवचलं. गेल्या काही दिवसांपासून पंकजा मुंडे आणि धनंजय मुंडेंमध्ये शाब्दिक चकमक सुरु झालीय…व्हिलन कोण ? म्हणत नाव न घेता, पंकजांनी धनंजय मुंडेंवर टीका केली होती.

बीड आणि विशेषत: परळीचं राजकारण म्हटलं की, धनंजय आणि पंकजा मुंडेंच्याच अवतीभवती फिरतं. त्यामुळं कोणत्या ना कोणत्या कारणावरुन अशी शाब्दिक चकमक सुरुच असते.