Maharashtra Corona Update : राज्यात कोरोनाचा कहर, दिवसभरात तब्बल 35 हजार 952 नवे रुग्ण, 111 रुग्णांचा मृत्यू

सांकेतिक फोटो

मुंबई : महाराष्ट्रात दिवसेंदिवस कोरोनाचा प्रादुर्भाव मोठ्या प्रमाणात वाढत आहे. मुंबई, पुणे, नाशिक, नागपूर, औरंगाबादसह अनेक मोठ्या शहरात कोरोना रुग्णांची संख्याही झपाट्याने वाढतोय. राज्यातील कोरोनाचा वाढता प्रादुर्भाव लक्षात घेता राज्य सरकारकडून लॉकडाऊनचा निर्णय घेतला जाऊ शकतो. तसे संकेत मुख्यमंत्री उद्धव ठाकरे यांच्यासह आरोग्यमंत्री राजेश टोपे यांनी दिले आहेत.(Corona test positive for 35,952 people in Maharashtra on Thursday)

राज्यात 35 हजार 952 नवे कोरोना रुग्ण

राज्यात काल (25 मार्च) 35 हजार 952 कोरोना बाधीत रुग्णांची वाढ झाली आहे. काल नवीन 20 हजार 444 कोरोना बाधित रुग्ण बरे झाले आहेत. तर दिवसभरात 111 जणांचा कोरोनामुळे मृत्यू झाला आहे. राज्यात सध्या एकूण 2 लाख 62 हजार 685 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 87.78% झाले आहे. आतापर्यंत एकूण 22 लाख 83 हजार 037 रुग्ण बरे होऊन दवाखान्यातून घरी पाठविण्यात आले आहेत. राज्यात सध्या 13 लाख 62 हजार 899 व्यक्ती होम क्वारंटाईनमध्ये आहेत. तर 13 हजार 770 व्यक्ती संस्थात्मक क्वारंटाईनमध्ये आहेत.

मुंबईतील कोरोना स्थिती –

मुंबईत काल दिवसभरात 5 हजार 504 नवे कोरोना रुग्ण आढळून आले आहेत. तर दिवसभरात 2 हजार 281 रुग्ण कोरोनामुक्त झाले आहेत. मुंबईत काल 14 जणांचा कोरोनामुळे मृत्यू झाला आहे. मृतांपैकी 7 रुग्णांना काही दीर्घकालीन आजार होते. मृतांमध्ये 10 पुरुष तर 4 महिलांचा समावेश आहे. मुंबईतील बरे होणाऱ्या रुग्णांचा दर 88 टक्के आहे. तर मुंबईतील रुग्ण दुपटीचा दर 75 दिवसांपर्यंत खाली आला आहे.

पुण्यातील कोरोना स्थिती –

पुण्यातील कोरोनास्थिती अधिकाधिक चिंताजनक होत आहे. पुण्यात काल दिवसभरात 3 हजार 286 जणांचा अहवाल कोरोना पॉझिटिव्ह आला आहे. तर 1 हजार 200 जणांना रुग्णालयातून डिस्चार्ज मिळाला आहे. पुण्यात कालही मृतांचा आकडा वाढलाय. काल दिवसभरात 31 रुग्णांचा मृत्यू झाला आहे. त्यातील 8 जण पुण्याबाहेरील होते. पुण्यात सध्या 28 हजार 578 रुग्णांवर उपचार सुरु आहेत. त्यातील 599 जणांचा अवस्था गंभीर असल्याचं सांगण्यात आलं आहे. पुण्यात आतापर्यंत 5 हजार 137 जणांचा कोरोनामुळे मृत्यू झाला आहे.

नागपुरातील कोरोना स्थिती –

नागपुरात काल दिवसभरात 3 हजार 579 जणांचा कोरोना चाचणी अहवाल पॉझिटिव्ह आला आहे. तर दिवसभरात तब्बल 47 जणांचा कोरोनामुळे मृत्यू झाला आहे. त्यामुळे आरोग्य प्रशासनासमोर आव्हान मृत्यू रोखण्याचं आव्हान निर्माण झालं आहे. नागपुरात काल बरे होऊन घरी परतणाऱ्या रुग्णांची संख्या 2 हजार 285 होती. कालच्या वाढलेल्या रुग्णांसह नागपुरातील कोरोनाग्रस्तांची एकूण संख्या 2 लाख 7 हजार 67 वर पोहोचलीय. त्यातील 1 लाख 67 हजार 464 रुग्ण पूर्णपणे कोरोनामुक्त झाले आहेत. नागपुरात आतापर्यंत 4 हजार 784 जणांचा कोरोनामुळे मृत्यू झालाय.

नाशिकमधील कोरोना स्थिती –

नाशिकमधील कोरोना रुग्णांची संख्या सातत्याने वाढत आहे. काल दिवसभरात तब्बल 2 हजार 994 जण कोरोना पॉझिटिव्ह आढळले आहेत. तर 12 जणांचा कोरोनामुळे मृत्यू झालाय. काल आढळलेल्या रुग्णांपैकी महापालिका क्षेत्रात 1 हजार 739, नाशिक ग्रामीणमध्ये 1 हजार 160, मालेगाव मनपा हद्दीत 47, जिल्ह्याबाहेरील 48 रुग्णांचा समावेश आहे. जिल्ह्यात आतापर्यंत 2 हजार 274 जणांचा कोरोनामुळे मृत्यू झालाय.

नांदेडमधील कोरोना स्थिती –

नांदेडमध्येही दिवसेंदिवर कोरोना रुग्णांची संख्या वाढत आहे. गेल्या 24 तासांत 1 हजार 53 नव्या रुग्णांची नोंद झालीय. तर 549 रुग्ण कोरोनामुक्त झाले आहेत. दिवसभरात 9 जणांचा कोरोनामुळे मृत्यू झाला आहे. नांदेडमध्ये आतापर्यंत 36 हजार 555 कोरोनारुग्ण आढळले आहेत. त्यातील 27 हजार 328 जण कोरोनमुक्त झालेत. तर 683 जणांचा कोरोनामुळे मृत्यू झालाय. गेल्या पाच दिवसांची आकडेवारी पाहिली तर 5 हजार 769 जण कोरोना पॉझिटिव्ह आले आहेत. तर 44 जणांचा कोरोनामुळे मृत्यू झालाय.

ठाण्यातील कोरोना स्थिती –

ठाण्यात काल दिवसभरात 932 जणांची कोरोना चाचणी पॉझिटिव्ह आली आहे. तर 304 रुग्ण कोरोनामुक्त झाले आहेत. ठाण्यात आतापर्यंत 71 हजार 942 जण कोरोना पॉझिटिव्ह आढळले आहेत. त्यातील 64 हजार 441 जण कोरोनामुक्त झाले आहेत. तर आतापर्यंत 1 हजार 374 जणांचा कोरोनामुळे मृत्यू झालाय.

संबंधित बातम्या :

Mumbai Corona Update : मुंबईत 10 लाख लोकांना लस, एका दिवसात 10 हजार रुग्ण वाढले तरी व्यवस्था करु – इक्बाल चहल

Nashik Lockdown update : नाशिकची लॉकडाऊनच्या दिशेने वाटचाल, नियम न पाळणारी दुकानं 6 महिन्यांसाठी बंद

Corona test positive for 35,952 people in Maharashtra on Thursday